مقارنه بين مزدا 3 ولانسر شارك وكروز

**yaser adel** · 26-09-2013 08:16 PM

السلام عليكم
دي اول مشااركة ليا في المنتدى الجميل دا فعاوز مساعدتكم
انا محتااار بين المزدا 3 2008 بصراحه عجبني شكلها والاوبشنز بتاعها والناس مقسومة نصين في العربيه دي ناس بتشكر فيها اووي وناس مبهدلاها خاالص وانا ميال للعربيه دي جدا
والشارك اداء كويس وثبات وياباني والكلام الباقي دا
الكروز ناس بتقول فيها مشاكل كتير وعيوبها اكتر من مميزاتها
انا عايز حد يطلعني من الحيره دي ويقولي اسعار قطع غيار والاعتماديه علي كل واحدة فيهم بالذات المزدا اللي انا مقتنع بيها لحد كبير
شكراااا :)

**Ahmed TRAVCO** · 26-09-2013 08:58 PM

المازدا3 من العربيات اللي اتظلمت في البلد دي بسبب التوكيل السيء واسعار قطع الغيار اللي اسمع انها متخلفة عقليا... زي الشارك بالظبط اللي اتظلمت بسبب استمرار نزول البومة معاها وفرق السعر الكبير بينهم واللي خلى الناس تفضل البومة خصوصا انها ارخص وانتاج نفس الشركة ومفيهاش مشاكل...

ال3 عربيات محترمين... وعلى فكرة انا مش بقتنع بأي حاجة كوري نهائيا غير الكروز لاني جربتها قبل الفيس ليفت وعربية تقيلة برضه على الارض وثباتها هو الافضل في الكوري... انما في رايي برضه هتيجي بعد الشارك (1) والمازدا (2)

التلاتة ثابتين بس الشارك اثبتهم ثم المازدا ثم الكروز
فرامل المازدا هي الاقوى بصراحة وبتفكرني بفرامل الفانتازيا
الوسع الداخلي الشارك طبعا بس على حساب الشنطة
الشارك فئة الهايلاين هتكون افخم من اعلى فئة في المازدا والكروز... بصراحة الهايلاين في الشارك تحسها فئة تانية...

غبور هو الاسوأ يليه منصور يليهما دايموند
قطع الغيار اعتقد المازدا اسوأ من الشارك

**simon659** · 26-09-2013 10:48 PM

الشارك افضل كتير بصراحه انا مجرب الكروز والتيوتا الجديده انما بصراحه المزدا لا بصراحه في نظري لا يعلي عن الشارك عربيه واحده افضل هي السوبارو الامبريزه

**Eng_hatemfathy** · 26-09-2013 11:18 PM

بعد تجربة الشارك سنتين الا شهرين والكروز يومين
اعتقد ان الشارك لا يعلى عليها بالرغم انها قلت باصلها معاىى وقلبت بطريقة عجيبة الشكل وطبعا تصليحها كان خراب بيوت فبعتها حادثة وخسرت ستين الف تقريبا
توكل الله فى الشارك بس مفيش هاى لاين جديد فى السوق وهينزل 2014 اخر السنة باذن الله وغالبا هتبقى ب 170 او اكتر والكروز الهاى لاين ب 160 ولغوا حاجات كتير ببواخة يعنى لغوا مرايات الضم والفرش الجلد وAux و سنسور بارك وكمان فى حاجات مفروض متبرمجه مش شغاله معايا بالرغم من ان عربيتى توب لاين يعنى اعلى من الهاى لاين زى follow me والكلاكس مع اغلاق الابواب
وللاسف مفيش مستعمل منها نضيف معروضه

**M I D O** · 26-09-2013 11:38 PM

كلهم اسعار قطع غيارهم عالية لاكن اعتقد الكروز ارخصهم و محرك الكروز القديم صغير علي حجم العربية الاختيار فعلا صعب لاكن لو انا مكانك هجيب الشارك بس ما قلتش يا باشا تمن كل واحدة فيهم كان وعداد قد اية و الحالة اية

**M I D O** · 27-09-2013 12:34 AM

المشاركة الأصلية كتبت بواسطة yaser adel

والله حسيت انكم اخواتي افتدوني جداا وان شاء الله المنتدى دا يبقى بيتي التاني
بس الشارك 2008-2009 اتوماتيك الكويس منها في السوق تعمل كام انا معايا لغايه 90 -95

ممتاز جدا 95 الف تجبلك حالة جميلة بس اعمل حسابك ان قطع الغيار غالية شوية بس معمرة يعني

**Eng_hatemfathy** · 27-09-2013 11:19 PM

الشارك الهاى لاين شحيحة جدا فى السوق وخاصة الحالة النضيفة وسعر اللى عاملة فوق ال 100 الف سنة 2008 حوالى 85 الف وانا عربيتى كانت 2009 اول فئة 24 الف كيلو حوالى 95 الف جنيه بفرش جلد
الله يرحمها
استخير والحالة اللى هتلاقيها هى اللى هتحدد انت هتشترى ايه باذن الله

-

الموضوع: مقارنه بين مزدا 3 ولانسر شارك وكروز

LinkBack

أدوات الموضوع

عرض

-

-

-

المواضيع المتشابهه

محتاج مقارنه بين شيفورليه اوبترا ولانسر بوما ونيسان صني شكل قديم والنترا شكل قديم

مقارنه مابين اوبترا و لانسر شارك و نيسان صنى

مقارنه بين نيو سيراتو هاي لاين وكروز توب هاي لاين ايهما افضل

مقارنه بين لانسر القديمة ولانسر Ex

اريد معرفة اسعار الكرولا ولانسر شارك والسيفك؟

الكلمات الدلالية لهذا الموضوع

المفضلات

المفضلات

ضوابط المشاركة