الموضوع: بروتون ساجا ولا شيفرولية افيو

انا عايزة اشترى عربية وبقارن بين بروتون ساجا 2013 ولا افيو 2013 مع العلم ان دى اول عربية ليه واول مرة اسوق

كل الناس بتشكر فى بروتون بس مضيقين من التوكيل وقطع غيار عكس الافيو بيشتكوا من العربية و بيشكروا فى التوكيل و قطع الغيار
مع العلم انى لم اسوق قيل كدا ومش عايزة حاجة تقرفنى كل شوية

المشاركة الأصلية كتبت بواسطة rekoba

شكرا للرد انا فعلا حابة بروتون بس خايفة من التوكيل وقطع الغيار و خصوصا ان دى اول مرة اسوق فلو ممكن حد جرب ساجا يقولى فعلا التوكيل مشكلة كبيرة زى ما بيقولوا و هو حل المشكلة دى ازاى

انا معايا جين 2 واخويا معاه ساجا
الساجا عربيه محترمه وفي رايي افضل حاجه بالسعر ده
قطع الغيار موجوده في محلات كتير وفي عنواين المحلات في قسم بروتون
صحيح ان في بعض قطع الغيار موش موجوده في التوكيل لكن بتتحجز وبتيجي واعتقد ان توكيلات كتير بتعمل كده
احنا بتعامل مع مركز عصام وصفا في النزهه الجديده وده مركز خدمه لبروتون بس ومعتمد من التوكيل ومحترم جدا وفيه مراكز غيره زي امير وجوزيف مثلا في مدينه نصر
بالتوفيق