الكبوت اتطبق .

**drsemba** · 27-09-2013 07:58 PM

اول امبارح وأنا طالع من الشغل لقيت الكبوت في نصه متطبق . روحت التوكيل اللى فى المقطم قالولى روح القطامية روحت وشافها المهندس اسامه وقالى غير الكبوت وقالى عشان إفك العضم اللى فى الكبوت هيخفه و ده خطر عشان سخونه الموتور المهم سالت فى التوكيل على الكبوت طلع ب ١٢٥٠ مع الضرائب ١٦٥٠ أذود ٨٠٠ تركيب يعنى كله ٢٤٥٠ ج فمشيت وروحت لسمكرى فى صقر قريش قالى ممكن اعمله بس الكبوت هيخف ولو عايد تصرف اصرف صح قالى اشترى كبوت جديد أحسن لقتله من فين قالى فى على واحد فى صقر قريش سألته قالى الكبوت التركى ب ٦٥٠والتيوانى ب ٥٥٠ بس التركى فلتو يعنى بالسوك بتعته بس ده وأخد بطانه اسود وجاهز للرش إيه رأيكم كبوت أصلى من التوكيل وأركبه عند السمكرى ولا تركى وأرشه؟؟؟؟؟؟

**mohamed_e36** · 27-09-2013 08:19 PM

طب متدور على كبوت استيراد نفس اللون
لو مش نافع معاك الحل اللي فات يبقى هات الكبوت من التوكيل وركبه بره وده علشان متجبش كبوت من بره ويكون الصاج بتاعه خفيف ومع اي حد يريح عليه يتطبق منك

**drsemba** · 27-09-2013 09:22 PM

طيب الكبوت التركى ده كويس ولا خفيف و لو جبته من التوكيل لسه برضه هيترش؟

**ASCOM** · 27-09-2013 10:14 PM

هاتو استيراد من عند خالد ويحيي ( رينو المعادي ) في صقر قريش افضل حتى لو حترشه مش مشكله بدل متدفع 2500 جنيه .. روح هناك واسال على الحاج حمدي او اشرف او يحيي وقلهم انا من طرف المهندس زكريا اللي من الصعيد

**crayvor** · 27-09-2013 10:45 PM

هات استيراد نفس اللون.. وخد سمكري معاك يتأكد ان الرش فابريكة.. حتي لو رحت بورسعيد احسن من انك ترش

**saddam** · 27-09-2013 11:17 PM

صديقي المواطن
طبعا مش محتاجة.أي تفكير ولا كلام كتير يا إما تصلح بتاعك عند واحد محترم وحيعمله ويرجع يظبطه تاتي ومش حيكلف ألف جنيه بالرش كمبيوتر أو تجيب التايواني وترش على طول ومتفكرش في أي مسمار من التوكيل ودمتم للنضال

**drsemba** · 28-09-2013 01:23 AM

بس مفيش حد راضى يسمكره

**saddam** · 28-09-2013 08:21 PM

المشاركة الأصلية كتبت بواسطة drsemba

بس مفيش حد راضى يسمكره

صديقي المواطن
إبعتلي صورة.الكبوت من بره ومن جوه ومنظره.عالعربية وإبعتهولي عالخاص وأنا حديك الفتوى النظامية وخلاصة الخلاصة ومتصدقش أي سمكري أشوفه اﻷول لو.قلتلك ينفع يبقه ينفع ودمتم للنضال