أشتكى مركز الصيانة فين

**EngAMMM** · 27-09-2013 08:27 PM

السلام عليكم ,
لوسمحتم التوكيل نصب عليا و عايز اشتكية و ياريت حد يقولى جهة او مكان غير الكول سنتربتاع رينو عشان هما كدابين اصلا....شكرا

**amirboulos** · 27-09-2013 08:42 PM

المشاركة الأصلية كتبت بواسطة engammm

السلام عليكم ,
لوسمحتم التوكيل نصب عليا و عايز اشتكية و ياريت حد يقولى جهة او مكان غير الكول سنتربتاع رينو عشان هما كدابين اصلا....شكرا

طيب نصب عليك في ايه علشان انا لسه منصوب عليا برده....علي العموم الكول سنتر مش هيعملك حاجه...ممكن صفحتهم علي الفيس بوك ده لو حاجه بسيطه هتجيب نتيجه معاك اما لو نصبايه كبيره يبقي جهاز حمايه المستهلك

**ASCOM** · 27-09-2013 10:21 PM

جهاز حمايه المستهلك وانشر في وسائل الاعلام وعلى صفحات الفيس بوك واعمل فضيحه بجلاجل
بس ايه هيا النصبايه

**gebreel** · 27-09-2013 10:22 PM

احكيلنا طيب اللي حصل علشان نقدر نوجهك للحتة الصح

**Hany Saad** · 27-09-2013 11:41 PM

المشاركة الأصلية كتبت بواسطة engammm

شكرا لتعاونكم يا جماعة....عندى مشكلة فى العربية انها بتفصل وأنا ماشى فقالولى لازم تغير بوابة الهواا و انا بره الضمان فتكلفتها 1900 جنية فغيروهالى بس النهارده لسة بخرج بالعربية بردو فصلت نفس المشكلة هية هية متحلتش

طيب حضرتك أرجعلهم بدون حجز و معاك فاتورة الإصلاح و هما المفروض يشوفوا المشكلة أيه و لو مش من البوابة يرجعوا فلوسها....جربت تروحلهم الأول قبل ما تصعد الموضوع؟

**gebreel** · 28-09-2013 12:24 AM

انت بيبقى معاك ضمان سنة على قطع الغيار و المصنعية من التوكيل و طالما معاك الفاتورة متقلقش و لو الموضوع ممشيش ممكن نصعد لرينو فرنسا و الشرق الاوسط بس خلينا معاهم واحدة واحدة

اطلع بالعربية على ابو رواش و قابل المهندس ياسر مدير الورشة و ان شاء الله المشكلة تتحل

**Hany Saad** · 28-09-2013 12:59 AM

المشاركة الأصلية كتبت بواسطة engammm

معتقدش هيجيب نتيجة لأن الفلوس اللى بتدفع مبترجعش و بعدين دى تانى مره اوديها بونش بجد حرام عليهم الأستهتار ده و كفاية ان انا و اسرتى كنا هنتعر ض لحادثة كل شوية

حتى لو فرضنا أن الفلوس مبترجعش.....هيدولك بيهم صيانات مجانية من تغيير زيت وخلافه لحد ما يخلصوا......لكن هما اللى عملوا الشغل و ملزمين بيه و بحل المشكلة.....أحنا بنقولك كده علشان لما هتشتكى فى أى حته أول سؤال هيقولهولك : حضرتك رجعتلهم تانى بالشكوى و مخدوش الأجراء اللازم......

-

الموضوع: أشتكى مركز الصيانة فين

LinkBack

أدوات الموضوع

عرض

-

-

-

-

المواضيع المتشابهه

مواعيد مركز الصيانة

مركز الصيانة

حد جرب مركز الصيانة ده

مركز الصيانة لرينو

مركز الصيانة - العباسية

الكلمات الدلالية لهذا الموضوع

المفضلات

المفضلات

ضوابط المشاركة