انا هجاوب حضرتك من خلال تجربتي للثلاث سيارات
1- السيات قرطبة 94 - سيارة جميلة جداً وفعلا الماني بالكامل (موتور وفتيس وعفشة)
العربية دي بتنزل 1600 - وممكن تسقطلها مواتير 1800 و2000 او 1600 16 صباب
قطع غيارها متوفرة جداً جديد وبدأت تقل شوية في الأستيراد ولكنها موجودة في الحرفيين وبعض التجار التانيين
قطع غيارها معمرة وسهلة في صيانتها لو فهمتها او لو روحت بيها لميكانيكي فولكس
واحنا شخصيا بنعمل صيانتها بنفسنا في قسم سيات
ثبات مفيش كلام بعد كدة وخصوصاً انها بتنزل بجنوط 14 علي ما اعتقد وانت ممكن تركبلها لحد 16
شكل خارجي انيق وعصري
معدلات استهلاك وقود ممتازة
2- التمبرا 92
بردو عربية جميلة جداً جداً
بتنزل بموتور 1600 بتاع اللانشيا وتشترك معاها في الشاسيه والبودي والفتيس والعفشة
وبالتالي اداء رياضي وثبات وعصبية
واسعة جداً في الصالون والشنطة
قطع غيار متوفرة جداً جديد ومش عارف في الأستيراد ايه ظروفها
سهلة جداً في الصيانة وممكن تتعامل مع ميكانيكي غير متخصص
السيينا 2001
يقال ان ال1400 احسن ومطلوبة اكثر لكن انا شخصياً حابب ال1600 بتاعها لكون ال1400 spi اما ال1600 mpi وهو نفس محرك التمبرا ال1600 الأنجيكشن
واسعة من الداخل والشنطة
قطع غيارها متوفرة جداً جديد واستيراد وباسعار شبه معقولة ولكن غالية في بعض قطع الغيار زي العفشة والحساسات ولكنها معمرة ويوجد بدائل كتير جداً من تركي لإيطالي لبرازيلي لصيني احياناً
ثبات مش قد كدة او علي الأقل مش زي القرطبة والتمبرا
تجميعها ثقيل شوية او بطئ شوية لو قارنتها بعربيات 1400 زيها ودة يمكن عشان البودي بتاعها ثقيل
بالنسبة للصيانة - من خلال تجربة مريرة معاها - لازم ميكانيكي فيات لازم لازم لازم
فقيرة شوية في الكماليات لل1400 سواء العادية او البلاس Plus
تحت امرك في اي استفسار اخر حول اي من السيارات الثلاث
تحياتي واتمني اكون افادتك
والله المستعان
،
،
المفضلات