أرجو المساعدة - مشكلة تكيف a5

**umaabed** · 30-09-2013 01:47 PM

عندى مشكلة مع تكيف الa5 موديل 2008 خليجى - أنا مالك أول
كنت بسمع صوت أثناء تشغيل التكيف ذى صوت سييييي من فترة لفترة ، رحت نور الدين فى أسكندرية كبس و كشف على الفريون السنه الماضيه 2012- أكتوبر قالى الفريون قليل لكن مافيش تسريب و شحن الفريون (ودى كانت أول مرة منذ شراء العربية)و مشيت تمام
من شهريين رجع الصوت تانى ، رحت نور الدين كبس و كشف و قال نفس الكلام يعنى مافيش تسريب(تانى مرة) ، بعد شهرين حسيت ان كفائة التبريد قلت رحت تانى لنور الدين يوم 14/9و كشفت قالى ضغط الفريون الباقى فى حدود 225 من 525و قالى كده يبقى فيه تسريب من السربتينة الداخليه و دى حتكلف فى حدود 4500 جنيه ، طلبت منه يشحن تانى لغاية ما اشوف حعمل ايه(تالت مرة)!!!!!
دلوقتى انا ماشى بيها الصوت لسه مظهرشى و محتار أعمل ايه , طبعا ان بعمل تنضيف للسربنتينه الخارجيه دائما بالماء و التبريد جيد خاصا فى الصباح و المساء
نصيحتكم أيه و مين كويس فى أسكندرية ممكن يكشف و يفتى فى الموضوع ده ؟

**Moratoz** · 30-09-2013 03:14 PM

مبدئيا روح لحد بتاع تكيف علشان يشوف التسريب ممكن يكون من المواسير او الكمبروسور نفسه ومات خدش قرار غير لما تروح لواحد واثنين

**umaabed** · 30-09-2013 04:58 PM

يا ريت حد يدلنى على واحد بتاع تكيف كويس فى أسكندرية أو 6 أكتوبر و يا ريت حد يدلنى أذاى أعرف اذا كان فيه تسريب فة البلفات

**Omar.Shawki** · 30-09-2013 05:24 PM

المشاركة الأصلية كتبت بواسطة umaabed

يا ريت حد يدلنى على واحد بتاع تكيف كويس فى أسكندرية أو 6 أكتوبر و يا ريت حد يدلنى أذاى أعرف اذا كان فيه تسريب فة البلفات

ياباشا سهلة زى بلف الكاوتش بالظبط فك الغطا البلاستيك وحتة رغوة صغيرة او نقطتين ميه بتاع الكاوتش ساعات بيحط حاجة من بقه كده لضيق الوقت هههههه وتابع لو فى تسريب
ولو تمام بسفنجة صغيرة او ضغط هواء وشيل الميه واقفل الغطاء البلاستيك تانى

**طارق _عبد السلام** · 30-09-2013 05:50 PM

موضوع قريب جدا من موضوعك مع زميل لى عربيته اوبترا
واكتشف بعد 3 شحنات وكبس كل مره ان التسرين من عند بلف الشحن نفسه او كويل تقريبا ومابيسرب وقت الكبس
وغيره والتكييف ظبط معاه

**saddam** · 30-09-2013 05:51 PM

صديقي المواطن
عليك بالكلام.العلمي روح لواحد وقول له بعد إذنك حطلي صبغة مع الفريون عشان تعرف التسريب منين أغير حاجة ب 4500 ومش متأكد منها هي ولا ﻷ ولكن بالصبغة حيمشي عليها لمبة تحت الحمراء أو تحت البنفسجية وحتشوف بعينك التسريب منين ودمتم للنضال