الموضوع: عاوز اجيب سويفت Swifت كارt

اللى أنا متأكد منه المانوال كانت بـ 89 لما سألت عليها في أول السنة تقريبا .. ما عرفش بقى هي اللى بقت بـ 93 ولا دي الأتوماتيك .. بس الأتوماتيك صعب تبقى الزيادة بتاعته 4 آلاف فقط

ده كان ردي في موضوع مشابه

المشاركة الأصلية كتبت بواسطة d . A .\ ayman

أنا شايفها عربية تحفة للاستخدام الفردي ومشاوير وسط البلد

موتور صغير ومناسب جدا للحمل بتاعها وموفر جدا في الوقود في مشاوير الداخلية ومش هايكون تعبان في السفر زي الألتو مثلا أو الماروتي

العربية من جوة مش ضيقة أبدا بالعكس هي كويسة جدا على حجمها .. أنا ركبتها في المعرض بتاع مودرن موتورز وورا ممكن يقعد ثلاثة كويس وقدام بالنسبة لي كان كويس جدا (أنا طولي 173 ما اعرفش لو أطول هاتضايق ولا لأ)

أكتر حاجة عجبتني فيها التقفيل بتاعها رائع وجميل جدا من جوة ومريح للعين ومثير للهدوء .. مثلا عن البيكانتو الجديدة (ما عجبتنيش زيها من جوة ... ولكن البيكانتو مش وحشة برضه من جوة)

وشكلها من برة عاجبني جدا أكتر من النيسان تيدا بمراحل برغم إن في بينهم شبه إلى حد ما ولكن السويفت أحلة بكتير من التيدا

عموما الشكل سواء من بره أو من جوة أذواق وراحة شخصية لكل واحد

من تجربتي لسوزوكي هي عربيات محترمة جدا واعتمادية جدا ومش متعبة في الأساسيات بتاعتها نهائي في الأغلب الأعم بإذن الله

لحد هنا الكلام مشجع جدا صح ؟؟

المشكلة الأساسية بقى اللى مخلياني مش متشجع إني أجيبها برغم إنها واخدة حيز كبير من تفكيري إني ما شفتهاش خالص ماشية في شوارع المحروسة لغاية دلوقتي برغم إنها نازلة من حوالي سنة وشوية ... يعني هانتكلم في ندرة قطع الغيار وتحكم الوكيل فيها

لأن مشكلتي إني مش بحب الوكيل بالذات يتحكم فية وأحب لما آجي اشتري قطع الغيار ألاقي كذا واحد أقارن بينهم وبين جودتهم وأسعارهم ... يكون في سوق بالمعنى المفهوم

لو المشكلة دي اتحلت العربية دي هاتكون صفقة رابحة جدا

كل ده بغض النظر عن سعر إعادة البيع اللى انا مش بفكر فيه نهائي لأن ده نصيب مش أكتر .. عشان ممكن الواحد يجيب عربية سعرها كبير في إعادة البيع وبتتخطف وفجأة تتخبط وتتباع بتمن التراب وممكن الواحد يجيب عربية تانية ما حدش بيشتريها ويجيلها زبونها اللى عايزها وياخدها بسعر يرضي الطرفين

بصراحة نفس العربية دي تاخد نصيبها شوية في السوق

بس ؤال بقى لما كنت في المعرض وسألت عليها من حوالي سنة ونص كدة قالي إن مافيش منها أتوماتيك وأعلى فئة فيها مانيوال ... هي في أي تغيير للكلام لو حضرتك تعرف

ودي كانت مشاركة تانية برضه في موضوع تاني

المشاركة الأصلية كتبت بواسطة d . A .\ ayman

هي مشكلة السويفت ديزاير الوحيدة ... إني مش شايفها في السوق خالص وما شوفتش حد راكبها لغاية دلوقتي ... وده معناه إنك في حالة الحاجة لقطعة غيار من القطع الغير مستهلكة زي الفوانيس أو الأبواب أو الحاجات اللى زي كدة هاتواجه مشكلة وهاتبقى تحت رحمة التوكيل من الأول للآخر

لكن من ناحية العربية نفسها .. أنا أفضلها عن اللوجان مائة مرة كمان وشايفها عربية تحفة من جميع الزوايا

أولا أنا بحب سوزوكي ودرجة كفائتها في الأساسيات سوا مواتير أو عفشة بصراحة عربيات محترمة جدا بس للأسف مش واخدة حقها في مصر

ثانيا .. عربية وزنها خفيف ومناسب جدا لحجم موتورها (1200) سي سي ... واستهلاكها في الوقود بعد تجربتي للألتو هايكون ممتاز وأفضل كمان من الألتو .. لأن وزنها مقارب للألتو إلى حد كبير وفي نفس الوقت موتور أقوى حاجة بسيطة تخليه يقدر يشد في السفر شوية عنها

أنا روحت شوفتها في معرض من فترة قريبة ... وبصراحة تقفيلها رائع بكل ما في الكلمة من معاني ... والتابلوه بتاعها تصميمه جميل جدا ويبعث على الهدوء ... واللى شوفتها كانت ألوانها من جوة بيج فاتح جدا وكان تحفة عليها (طبعا في ناس هاتقول عليه عيب عشان هايتبهدل بسرعة) بس بصراحة وهو جديد كان خاطف النظر من جماله

واللى أفتكره إني في نفس اليوم روحت شوفت البيكانتو ... وما عجبتنيش من جوة زي السويفت ... ولا حتى من برة ... السويفت من برة ومن جوة تتفوق بمراحل سواء عن البيكانتو أو اللوجان

وعموما هي ما ينفعش تتقارن باللوجان إلى حد ما لأن اللوجان 1600 وعربية واسعة جدا من جوة وشنطتها كبيرة