التكييف

**wama00** · 01-10-2013 04:59 AM

العربية صنى 2007 اوتوماتيك والمشكلة ان التكييف وهى العربية وهى واقفة التكييف كأنة مش موجود ملهوش اى تأثير خالص ولما امشى واوصل لسرعة فوق 40 مثلا تلاقيه شغال بسم الله ما شاء الله تلاجة بمعنى اخر ان التكييف بيشتغل والعربية ماشية بس وفوق سرعة افل حاجة 40 كم انما اقل من كدة مش شغال خالص وانا واقف من كام يوم كنت مشغل التكييف ومنتظر يعنى مش ماشى ولاقيت التكييف بيجيب ناااااااار وما اشتغلش غير لما مشيت بيه شوية وبعدين فصلتة شوية وشغلتة تانى وانا ماشى لاقيتة شغال كويس؟؟؟؟؟؟؟
حد يعرف ايه السبب
التكييف بيبقى تلاجة على لما امشى بالعربية بس

**Ahmed Amin** · 01-10-2013 08:28 AM

نضف سربنتينة التكيف من ورا *من الداخل من جهة المحرك للخارج*
بكمبروسير هواء, وتراعي أن أيديك أو أيد العامل تكن في أتجاه سير الفتحات مش عكسها عشان الهواء الشديد ممكن يتني فتحات التبريد,,
والبدء بنفخ الهواء للسربنتينه يكون من ورا الأول,, عشان معظم التراب والحاجات اللي دخات المسام دخلت فيها من الخارج, فا لو ضربت الهواء من الخارج بكمبروسير الهواء هتحشرها فيها أكتر,,

بعد لما تطلع كل التراب والعفرة والحشرات اللي زي الناموس والدبان وقصاقيص ورق صغيرة وكل الحاجات اللي هتلاقيها عالقة فيها,
أدي السربنتينة بمسدس المية من علي بعد برضه, ويكون مرة من الخلف للأمام زي مرة الهواء
ومرة من الأمام للخلف عشان تنزل اللي طلع منها لما ضربنا فيها الهواء وبعدين المية من ورا ,,
لأن التراب والحشرات اللي بتتحشر فيها بتكون سبب في سخونة السربنتينة في الغالب لما بتشغل التكييف وانت واقف, والاداء بيتحسن لما بتمشي والهواء بيكون داخل أكتر ويبردها.

لو مظبتش الاداء معاك هتبدأ بعدها هتكشف علي ضغط الفريون, ثم ضغط الكمبرويسر,
بس في الغالب طالما بتظبط معاك مع المشي تكون نضافة السربنتينه والرادياتير من التراب هما العلاج,

وأيضاً الكشف علي منسوب مياة التبريد وتغيرها لو لسه متغيرتش لان عمرها الأفتراضي من 3 ل 5 سنين.

وأبقي عرفنا عملت أيه

**akmm** · 01-10-2013 11:20 AM

المشاركة الأصلية كتبت بواسطة leitosr

نضف سربنتينة التكيف من ورا *من الداخل من جهة المحرك للخارج*
بكمبروسير هواء, وتراعي أن أيديك أو أيد العامل تكن في أتجاه سير الفتحات مش عكسها عشان الهواء الشديد ممكن يتني فتحات التبريد,,
والبدء بنفخ الهواء للسربنتينه يكون من ورا الأول,, عشان معظم التراب والحاجات اللي دخات المسام دخلت فيها من الخارج, فا لو ضربت الهواء من الخارج بكمبروسير الهواء هتحشرها فيها أكتر,,

بعد لما تطلع كل التراب والعفرة والحشرات اللي زي الناموس والدبان وقصاقيص ورق صغيرة وكل الحاجات اللي هتلاقيها عالقة فيها,
أدي السربنتينة بمسدس المية من علي بعد برضه, ويكون مرة من الخلف للأمام زي مرة الهواء
ومرة من الأمام للخلف عشان تنزل اللي طلع منها لما ضربنا فيها الهواء وبعدين المية من ورا ,,
لأن التراب والحشرات اللي بتتحشر فيها بتكون سبب في سخونة السربنتينة في الغالب لما بتشغل التكييف وانت واقف, والاداء بيتحسن لما بتمشي والهواء بيكون داخل أكتر ويبردها.

لو مظبتش الاداء معاك هتبدأ بعدها هتكشف علي ضغط الفريون, ثم ضغط الكمبرويسر,
بس في الغالب طالما بتظبط معاك مع المشي تكون نضافة السربنتينه والرادياتير من التراب هما العلاج,

وأيضاً الكشف علي منسوب مياة التبريد وتغيرها لو لسه متغيرتش لان عمرها الأفتراضي من 3 ل 5 سنين.

وأبقي عرفنا عملت أيه

كده صح الصح .............. وداوم على نظافه السربنتينه من الاتربه واعملها نظافه كل شهر .

**ZOoOoMA** · 01-10-2013 01:03 PM

انا معايا لانوس و كان بيحصلي نفس مشكلتك لما اقف التكييف ولا كانه موجود و انا ماشي تبريد جامد قوي ماشاء الله
و اكتشفت ان السبب في كده ان مروحه واحده بس اللي شغاله و المروحه التانيه بتاعت التكييف بايظه غيرتها و الاداء اتحسن كتير عن الاول الحمد الله راجع على مروحه لتكييف

**owsha** · 02-10-2013 09:53 AM

يا ترى المشكله ده عندك من فتره ولا دى حاجه جديده؟

**Elwan117** · 07-10-2013 06:09 PM

المشاركة الأصلية كتبت بواسطة wama00

العربية صنى 2007 اوتوماتيك والمشكلة ان التكييف وهى العربية وهى واقفة التكييف كأنة مش موجود ملهوش اى تأثير خالص ولما امشى واوصل لسرعة فوق 40 مثلا تلاقيه شغال بسم الله ما شاء الله تلاجة بمعنى اخر ان التكييف بيشتغل والعربية ماشية بس وفوق سرعة افل حاجة 40 كم انما اقل من كدة مش شغال خالص وانا واقف من كام يوم كنت مشغل التكييف ومنتظر يعنى مش ماشى ولاقيت التكييف بيجيب ناااااااار وما اشتغلش غير لما مشيت بيه شوية وبعدين فصلتة شوية وشغلتة تانى وانا ماشى لاقيتة شغال كويس؟؟؟؟؟؟؟
حد يعرف ايه السبب
التكييف بيبقى تلاجة على لما امشى بالعربية بس

دي اول مشاركه ليا في المنتدي واتمني اني اكون عند حسن ظنكم
مبدئياً في عندك جمب سربنتينة التكييف وانت فاتح الكبوت علي يمنها انبوبه لونها فضي متوصل بيها سوكت كهربا لو وانت واقف ومدور العربيه ومشغل التكييف والتكييف كما ذكرت سيادتك مش شغال أعمل الأتي :
زجاجة ميه وبحرص رش الميه علي السوكت بتاع الكهربا اللي واصل بالانبوبب مع التأكد من نزول الماء علي السوكت والانبوب فقط وبكميه قليله وعدم الرش علي السربنتينه نهائياً وذلك للتاكد من ان المشكله ليست بالسربنتينه أصلاً.
استمر في سكب الماء علي المنطقه السابق ذكرها بكميه قليله ولمدة ٢٠ ثانيه مستمره.
سوف تستهلك حوالي ١/٢ لتر ميه في هذه العمليه.
بعدها او في نفس الوقت ستسمع صوت الكومبريسور يبدأ بالعمل طبيعي جداً.
في هذه الحاله سوف يعمل الي ان تعود السياره لدرجة الحراره المرتفعه بالكبوت بعد غلقه طبعاً وحينها سيتوقف عن العمل مره اخري في حالة توقف السياره وعدم السير بها.
الخلاصه ان المشكله وقتها لن تكون بالسربنتينه ولا في شحن الفريون ولا اي شئ سوي السنسور الخاص بعمل الكباس وذلك لانه عند تلفه لا يعطي اوامر التشغيل للكمبريسور في حالة وصوله لدرجة حراره عاليه وعليك تغييره حتي يتم العمل سواء فالوقوف او المشي.
وارجو اعلامي بالجديد بعد التجربه حتي استطيع فهم المشكله اذا لم يكون كلامي نافعاً وشكراً. .