الموضوع: من الرديراتير للكرباتير ...ودفعت فلوس كتير (والنبي حلوه الاغنيه)

المشاركة الأصلية كتبت بواسطة yasser dyboo

بسم الله الرحمن الرحيم
اصدقائي الازاء
واضح كده ان فيه عفريت شقي بيلعب فالعربيه بتاعتي
وانا كله الا بيسه حبيبتي
نبدا بالموضوع الاول : الرديراتير
السخونيه كانت عندي زي القل والمروحه شغاله تمام التمام تبدأ عند 88 تشتغل وتفصل عند 80 او 82 والحراره ما بينهم زي الفل بصراحه كنت حاطط ميه معدنيه + ميه خضراء ابرو (كانزايه) وكانت بتنقص كل شهر من الماكس للمنيمم وبزودها لغايه ما اشتريت الميه الخضراء ايدا الاسباني وزودت بيها عشان فايدتها اللي عرفتها منكوا طبعا و المفاجاه الميه بتنقص كل يومين ..... ليه يا جدعان مش عارف فيه تسريب لا مفيش نهائي.....خلاص مش مشكله زود تاني واشيل الهواء من الدوره يمكن دخل منين مش عارف فرغت هواء لي الاخر بعد اسبوعين الدنيا زبطتت ومبقاش فيه نقص في الميه الحمد لله
ابص بقي الاقي ايه الجديد المروحه بتشتغل علي 95 ودرجه الحراره ثابته لي 92 ولما بجري 90 ليه معرفش طب ليه مش عارف ؟؟ علما ساات العفريت يمشي والعربيه لو بارده وسخنت في مكانها المروحه ترج تشتغل علي 88 واحيانا علي 92 بمزاج الاستاز عفريت .:copy of majd(4):
هل حد عنده تفسير غير تفسير العفريت
ملحوظه : انا مغيرتش ترموستات العربيه من ساعه ما اشتريتها ومعرفش هوه كام

وده بقي الموضوع الاولاني لسه فيه عفريت الكرباتير
الموضوع الثاني : الكرباتير
بس ده مش مزعج لانه عفريت لذيذ ومش بيخوف بس فيه شويه استفسارات
اولا انا بك السلانسيه اتسد مرتين مره انا ظبطته واتسد بعدها بشهر قولت اشوف ميكانيكي يقولي السبب قالي برضه الكربراتير ايز يتنضف وجاب abroمنظف وظبطه بس باه خلع البوجيهات لقيها مهببه مع ان بقالها 5 شهور نظفها وركبها تاني وقالي السبب وساخه الكرباتير
كلامه منطقي بس انا بحط بنزين 92 علي طول ايه اللي يخلي الكرباتير يتوسخ كده ويهبب البوجيهات ولا فيه سبب تاني مع اني مواظب علي تغيير الفلاتر كل 5000 كيلو ظبط هواء وكهرباء وكله تمام

المره اللي جايه هغير بوجيهات وهنظف الكرباتير وافكه بس عايز اطمن لو فيه اسباب تاني



ثالثا : بقي هل هناك علاقه بين الحالتين الاولي والثانيه لانهم حصلو في نفس التوقيت
كهربه العربيه علي السلانسيه اول ما اشغل 5 وبعديها بشويه لي 7 ولما تسخن قوي 9 مثلا مش اكتر
مفيش هواء في دوره التبريد ( فرغته اكتر من مره)
صوت العربيه خشن شويه
زيت الماتور كاسترول 5000 بغيره علي 4000
انا في اقرب فرصه هفضي الميه واغسل دوره التبريد بس محتار وعايز اعرف ليه حصلت الهرتله وهتروح ولا لا
انا كده كده مش هستعمل غير مايه خضراء بس هل تؤثر علي عمل ترموستات المروحه او الكوعه بالتقديم او التاخير

اسف جدااا علي الاطاله بس انا حبيت افضفض وافش غلي في العفريت ابن العفريت
وشكرا جدا ليكم علي مجهوداتكم الرائعه

مشكلة الردياتير عندك انك زودت مية خضرا على مية عادية فلما تيجى تنظف دورة التبريد شوف الترموستات عندك كام على كام وعلى العموم هتجيب مية خضرا غير الايادا وتكون تركيزها 33% زى توتال او موبيل وهات ترموستات 82\68 والدنيا هتتظبط معاك واكيد انت عارف ان كل نوع مية ليه تركيز معين وزى ما انا وضحت فى مشاركة ليا قبل كده فى موضوع مية الحنفية واضرارها انى بستخدم الايادا الاسبانى فوق السنتين ومشتكتش منها بس هغيرها انشاء الله لتوتال او اى نوع ميةخضرا بس يكون التركيز لايقل عن 33 % وكده يبقى عرفنا حل العفريت الاولانى
اللى يخلى البوجيهات تهبب ان عندك عملية الحريق مش مظبوطة وده معناه ان فى بنزين كتير بيستهلك ومسمار الهوا والبنزين عندك مش مظبوطين ولو عايز تتاكد خلى حد يدوس لك على دواسة البنزين جامد وروح بص على الشكمان هتلاقى دخنة سودا جامدة وحل المشكلة التانية زى ماقلتلك ظبط هوا وبنزين

المشاركة الأصلية كتبت بواسطة yasser dyboo

الحمد لله ............... هوه الترموستات اللعين شكله مش بايظ وبيشغل المروحه بس بتهييس غيرته والحمد لله المروحه رجعت تشتغل بعقل وزي الفل الحمد لله ...... اسفين يا ايدا لاني شكيت فيكي
الحمد لله وشكرا علي المساعده......( كده اول عفريت غار فداهيه) .

هغير البوجيهات قريب ولو كانت مهببه يبقي لسه العفريت التاني

الترموستات اللعينة هيه سبب كل المشاكل الترموستات تجيبها من بتوع الفيات ويبقى محفور عليها made in italy ودى اللى راكبة عندى وبتعمل حوالى 25 جنيه