انا من اشد المعجبين بـC5 صراحة شكلها بيشدني جداً لما بشفها واللون الاسود احسن لون بيريق عليها
بس اعتقد ان محدش لسا جربها هنا والله اعلم يمكن يكون احد الاخوة جربها
بالنسبة للثبات معنديش فكرة بس اكيد لا بأس به عشان العربية فيها خاصية الـESP يعني اكيد فيها توازن ممتاز ومتنسان انها فرنساوي مش كوري
وبالنسبة للمواصفات حسب السِجِل :
محرك 1.6 مع ناقل ستبترونيك بتسارع 0 - 100 في 9.6 ثواني ومعدل استهلاك الوقود 6.7 لتر لكل 100 كيلو
المحرك 156 حصان بسرعة قصوى 210
- وبالنسبة لتجهيزات السلامة :
فيها نظام Follow Me Home -- برنامج التوازن الالكتروني ESP -- نظام توزيع الفرامل EBD
نظام فرامل مانع للانزلاق ABS -- عدد 7 وسائد هوائية -- مصابيح بخاصية الدوران فى اتجاة المنعطفات
نظام رصد ضغط الهواء فى الاطارات -- نظام مساعد المكابح الطارئ EBA -- مصابيح ضباب امامية وخلفية
- وبالنسبة للتجهيزات الداخلية :
فيها مسند يد امامي وخلفي -- مثبت للسرعة -- عجلة قيادة متعددة الوظائف مكسوة بالجلد -- كمبيوتر رحلات
مراية داخلية بخاصية امتصاص للاضاءة العالية -- تجهيز تليفون مع واجهة تعامل بتقنية البلوتوث
حامل اكواب امامي وخلفي -- مخرج لاستخدام الاجهزة الصوتية USB -- مخرج صوتي AUX
زجاج كهربائي أمامي وخلفي -- تكيف هواء AC -- راديو و مشغل اسطوانات -- مشغل MP3
باور ستيرينج -- قفل مركزى للابواب -- حليات داخلية رمادية
- وبالنسبة للتجهيزات الخارجية :
إطارات 17 إنش 225/55 -- مراة الرؤية الجانبية ذات تحكم كهربائى + قابلة للطي كهربائياً
سقف زجاجى بانوراما -- حساس لإضائة المصابيح الأمامية -- حساسات لركن السيارة
باقة كروم خارجية -- إضاءة LED
- بص بخصوص اسعار قطع الغيار المفروض اغلب الفرنساوي غالي والاوروبي بشكل عام
وكمان الكوري نفس الكلام انا شايف إن آن الاوان منسألش عن اسعار قطع الغيار تاني عشان الرخيص عليه العوض
بس الاحسن انك تأمن
انا رأيي عن العربية انها شيك اوي وفخمة اوي وتجهيزاتها كتيرة وممتازة وعربية تستحق التقدير
هو جايز يكون 99% من الناس غافلين عنها واللي معاه سعرها مبيفكرش فيها بس دا ميغيرش حاجة من العربية إنما هي تمام
ومواقع التجارب العالمية بتقول انها عربية عائلية ومريحة لأبعد الحدود وحاصلة على 5\5 في اختبارات الأمان
- بالنسبة للسعر معنديش فكرة بس حسب كونتاكت 230 الف للفئة العالية
لو ناوي توكل على الله العربية تستاهل كمواصات وجودة وانصحك باللون الاسود
ودومت في امان الله
المفضلات