لانوس ام فيرنا

**Hamada hozein** · 02-10-2013 01:16 AM

بسم الله الرحمن الرحيم
]السلام عليكم ورحمة الله وبركاته
[color="rgb(139, 0, 0)"]أزيكم يا احلي أعضاء
يارب تكونوا بخير
أنا اسف لو الموضوع مش في مكانة بس أنا والله محتاج المشورة جداااااااااااااا
أنا حاليا رايح البنك الصبح علشان اقدم عرض السعر والبنك يتعاقدلي علي العربية
المهم أنا محتار وهتجنن من موضوع الحيرة دة
اشتري لانوس ولا فيرنا
اولا سالت سمكري بقالة حوالي ٢٠ سنة في الصنعة دي قالي ( طبعا ) الفيرنا
بعد سرد مميزات الفيرنا من موتور قوي وعفشة ناعمة وخلافة
قالي بالحرف
اللانوس زي ال ٢٧ بتفشخ الشاسية بتاعها
علي العموم أنا اعرف ناس معاها لانوس من ٣ سنين واكتر وماشية معاهم حلاوة
أنا مش مهتم بالسرعة اوي أنا بس عايز عربية محترمة وعفشتها حلوة وشاسيها قوي وتعيش وقطع غيارها رخيصة
أنا للأسف سمعت كتير عن التقفيل السيئ جدا للانوس والفيرنا بس أنا ركبت فيرنا كتير وحسيت تقفيلها عادي أنما لما رحت منصور علشان ابص علي اللانوس حسيت ان البلاستيك المستخدم سئ جداً ولما فتحت التابلوة فضلت احاول أقفل فية ٥ دقائق. ولا حياة لمن تنادي
أرجو منكم النصيحة بدون تحيز لان دي عربية ان شاء الله هتقعد معايا فترة
شكرًا ليكم جداً وآسف علي الإطالة والرغي الكتير[/color]

تم نقلة لقسم المقارنات .
9:13 pm
2013/10/2
3 ب

**mohamedxsayed** · 02-10-2013 01:36 AM

اعتقد ان الانوس افضل كتقيل وثبات وتكيف واوسع شويه .اما الفيرنا شبابيه كشكل اكتر. مكته اعلى 100 سى سى بس اخاف وتقفيل اقل جوده واخف من الانوس . والله اعلم

**sayco100** · 02-10-2013 01:53 AM

مش عارف افيدك والله بس ربنا يعييييينك بجد علأختيار خصوصا انك مقسط وقرض وحوار كدة ومحتاج فعلا اللى تعيش بدون قلق معاك علأقل اما تخلص اقساطها
انا رأيى بجد
استخير المولى عز وجل
ودى صدقنى فيها
اللى فيها خير حيقدرهولك وحتركبها وممكن تبقى واحدى تالتة خالص منهم
وآسف لو مش عارف افيدك بينهم
تقبـــــــل مرورى

**عبدالرحمن-جبر** · 02-10-2013 02:00 AM

المقارنة دى اتهرست 80 مرة قبل كدة انا عن نفسى هختار اللانوس هى افضل من الفيرنا فى كل حاجة عدا الموتور و سهولة الصيانة

**saddam** · 02-10-2013 02:20 AM

صديقي المواطن
العربيتين لا تصلح أن نطلق عليها إسم عربيات ولكن مراعاة لظروفك وإحترامنا لك كإنسان مواطن فحنرشح لك أخف الضررين وهي
فيرنا فتوكل وهاتها ولو مش مصدق إسأل سواقين مشروع التكس اﻷبيض
ودمتم للنضال

**M I D O** · 02-10-2013 03:46 AM

بص يا باشا الفيرنا عربية بتجري بس مبتقفش و اللانوس سحبها ضعيف علي السرعات الاولي و التكييف مش قوي مادام هتشتري جديد بص كدة علي الام 11 و الامجراند و الانفي و البي واي دي ولو محتار بين الفيرنا و الانوس بس يبقي توكل علي الله في الفيرنا لانها احسن الوحشين

**svneleven** · 02-10-2013 07:21 AM

فيرنا أحسنهم و أكثرهم عملية.

**megadeath** · 02-10-2013 11:32 AM

عن تجربة انا كان معايا اللانوس و كانت اللانوس الكورى بس بعتها لانها فتحت شاسية و انا مش من التوع اللى بيجرى و ياخد مطابات و مش من النوع المهمل فى العربية .... و بعد ما بعتها قررت اشترى عربية تانية و كنت مختار بين الرينو اللوجان و الفيرنا و بصراحة كنت خايف من الفيرنا فى البداية لغاية ما سوقتها لاقتها مش بالسوء اللى انا كنت متصورة .... الفيرنا فيها عيوب بس احسن كتير من اللانوس
موتور اعلى فى التكنولوجيا عن اللانوس
العربية ناعمه
العفشة احسن كتير من اللانوس
التكيف احسن
التسارع احسن
قطع الغيار زى اللانوس
فراملها احسن من اللانوس

انا من راى توكل على الله و هات الفيرنا و قبل كل ده استخير ربنا

**Hamada hozein** · 02-10-2013 03:05 PM

المشاركة الأصلية كتبت بواسطة sayco100

مش عارف افيدك والله بس ربنا يعييييينك بجد علأختيار خصوصا انك مقسط وقرض وحوار كدة ومحتاج فعلا اللى تعيش بدون قلق معاك علأقل اما تخلص اقساطها
انا رأيى بجد
استخير المولى عز وجل
ودى صدقنى فيها
اللى فيها خير حيقدرهولك وحتركبها وممكن تبقى واحدى تالتة خالص منهم
وآسف لو مش عارف افيدك بينهم
تقبـــــــل مرورى

الف شكر يا باشا علي تشريفك ليا بالمرور وإعطاء أحسن نصيحة وهي استخارة المولي عز وجل وهو دة اللي عملتة فعلا