مرور فيصل

**علاء محمد** · 02-10-2013 10:19 AM

انا رحت من شهر اعمل رخصة فى مرور فيصل امتحنت اشارات ونجحت وسقطت فى السواقة وخبطت القمع وانا راجع بظهرى وقالى تعالى بعد شهر رحت امبارح قالى لا بعد ٣ شهور قولتله حضرتك المهندس قالى بعد شهر قالى مليش دعوة الورق عندى انا مش عارف اعمل معاهم ايه

**saddam** · 02-10-2013 11:01 AM

صديقي المواطن
لا مكان للمحترمين أمثالك في الوطن
هو لسه فيه حد بيروح يمتحن رسمي
تصدق بإيه طبعا بالله ونعم بالله
أنا.لو غندي أي شغلانة في المرور رسمي ونظامي قبل مروح المرور لازم أدور على خبير في تسليك اﻷمور ولو أموري مشيت من غير ما أدفع أحس إن فيه حاجة غلط في المحروسة وإن القيامة قربت
لك الله يا مواطن طول عمر الرخصة ليها تسعيرة وطنية الشاب من غير وسايط وعالتصوير بس ب 800 جنيه أما بالوسايط فبلاش لو كانت واسطة محترمة في نظرهم أو باجور.رمزية أما تسعيرة.البنات فلها تسعيرتين إما يقلك عيب وميصحش ووسط رجالة.فيعدوها وإما بنظرة وإبتسامة بريئة فتعدي برضو عملا بقول الرسول صلى الله عليه وسلم تبسمك في وجه أخيك صدقة
أنا عن نفسي من عينة الناس الحساسة ومن شعبة هين قرشك ولا تهين نفسك ولا أقبل مجاملة ولا خدمة مجانية من حد بس طول عمري ملتزم ومباخدش دور حد رغم إني أقدر وليا إبن خالتي عقيد ومدير في مرور الدراسة ورغم كده مكلمتش حد ودفعت 800 جنيه وإتصورت وطلعت وبس
ملحوظة لو فضلت نظامي القمع ده حتخبطه كل مرة حتى لو هو مش موجود
ودمتم.للنضال

**amr011111** · 02-10-2013 11:09 AM

بص يا باشا انت تروح تقدم فى مدرسة المرور بتاعتهم وهتاخد الرخصه علطول ان شاء الله

**أحمد جودة** · 02-10-2013 11:15 AM

سلك نفسك ......... اسف اني بقول كدة بس دي الحقيقة المرة .......... سلك نفسك أفضل من انك تسوق منغير رخصة ........ يبقي نص العمي وللا العمي كله

**علاء محمد** · 02-10-2013 05:06 PM

مرور زبالة واللى شغالين فيه ناس استغفر الله العظيم واللى يغيظ ان اللى قالى تعالا بعد ٣ شهور رئيس الوحدة اسمه عقيد ايمن الغريب

**mfs3570** · 02-10-2013 07:06 PM

اصلا ده مش مرور ده زريبه انا عربيتي كانت هناك بعتها وغيرت عنواني وبعدين اشتريت عريبيه ....................

**elpasha1** · 04-10-2013 12:01 AM

هو سهل كدة اغير العنوان

**mfs3570** · 05-10-2013 08:18 AM

لاء انا عندي محل اقامه اخر
.....كان عنواني الاول علي بيت والدي ولما لاقيت المرور مقرف غيرت علي شقتي انا

**MOHAMED HASAN** · 12-10-2013 01:36 AM

انا و االله العظيم يا جماعة دافع الف جنيه علشان اعمل الرخصة و معايا واسطة لواء شرطة فى المرور و لما روح هناك يقولى لازم تمتحن يا باشا حتى لو دافع فلوس امتحنت النظرى كده و كده قلت الله حتخلص و نمشى فوجئت بعدها العقيد انزل امتحن عملى و تعالى انا قلت بردو الكوسة شغالة فوجت انى لازم امتحن و انا اساسا ساعتها مكنتش بعرف اسوق لسه و كان معايا عربيتى المهم رجعت غلط و قلى تعالى بعد شهر كلمت الراجل بتاعى قلى اكيد فى حاجة غلط او تشابه اسماء روحت بعد شهر (لظروف الشغل) مش فاضى ليهم المهم مكنش معايا العربية و انا عربيتى باور وابشن و حاجة جميلة و اذا فوجت للمرة الثانية بعد ما كان عندى علم انى حتصور بس ناى لازم امتحن و استنى من الساعة 9 الى 12 ظهرا و ادخل على عربية الباور بتاعها بايظ و الطارة مكسورة و الفتيس بايظ و دواسة البنزين بتعلق انى المفروض انجح طبعا سقطت و غضبت و طلبت فلوسى تانى و سبتها بعد ما اكد ليا انو حنخلصها بعد العيد و حتصور بس و الكلام دا من العيد الصغبر حتى العيد الكبير يعنى (3 شهور ) لحد ما زهقت و قلت يا اما ابيع العربية او انقل عنوانى (و لو حد عنده و احد ياخد مبلغ و يخلص الرخصة و اتصور علطول انا مستعد ادفع يبعتلى على الخاص )
اساطير مرور فيصل