جراند بونتو 2013

**abo_salah** · 03-10-2013 02:03 PM

السلام عليكم
انا عندي بعض الاستفسارات بخصوص العربيه جراند بونتو 2013 اتوماتيك
من وقت لاخر / كل فتره بيطلع صوت في الفتيس وهو بينقل ... تقريبا صوت حكه
ثانيا كنت سالت قبل كده في توكيل الدراسه وجسر السويس عشان عايز اركب سنسور عالاكصدام من ورا ... الحمدلله ماحدش فيهم اداني رد مقنع اللي يقولللي لا مش بيركب واللي يقولي لازم نبعت نجيب الاكصدام كامل من بره بالسنسور بتاعه حدود 4000 جنيه !! واللي يقولي هايخرج العربيه من الضمان .... مافهمتش اي حاجه منهم
عايز اعرف لو ركبته بره عند اي حد في مشكله ؟ هل العربيه هاتطلع من ضمان الكهربه ؟ ؟
ثالثا بقي وده الاهم !! صيانه ال 20 الف !!!!!
عايز اعرف كل حاجه عنها ... لان خلاص خلال شهر هاتتعمل ان شاء الله
فلوس , قطع غيار , زيوت , هايفك ايه وهايركب ايه .. ياريت لو حد عنده اي معلومه عن الموضوع ده يفيدني بيها ....

**mohamedxsayed** · 03-10-2013 03:15 PM

على ما اسمع انا لو لعبت فى الكهربا تطلع من ضمانها دا فى متسوبيشى عندى وفى صاحبى كيا قالوله نفس الكلام

**abo_salah** · 03-10-2013 05:55 PM

اصل في ناس اعرفهم نفس العربيه وكل حاجه بس موديل 2008 مركبين سنسور عادي جدا وبيعملوا صيانه عادي جدا وماحدش اتكلم معاهم ...
فا عشان كده بسال ... اركب السنسور فين ؟؟؟
حتي في التوكيل قالوا لي مش موجود عندهم بس هايبعتوا يجيبوا اكصدام كامل من بره بالسنسور بتاعه يعمل حوالي 4000 جنيه !! حرام يعني السنسور كله مش بيعمل 250 جنيه في اي مكان بره ...
وبرضه معظم الناس اللي بتركبه مش عاملينه في التوكيل يعني .... ولا ايه ؟