هتجنن خلاص افيدوني يرحمكم الله

**Hamada hozein** · 03-10-2013 05:38 PM

بسم الله الرحمن الرحيم
السلام عليكم ورحمه الله وبركاته

يا جماعة الخير
انا كنت عملت موضوع اسال اشتري فيرنا ولا لانوس واكتر الناس رشحتلي الفيرنا وخلاص رحت البنك واديتة عرض السعر بتاع الفيرنا
قولت بقي اقعد علي المنتدي اخد خبرة
بقالي ٣ ايام مسحول علي قسم الهيونداي
وشفت كلام بصراحة كرهني في العربية
انا دلوقت ممكن اروح اغير عرض السعر
السؤال بقي
هل في فرق في الامان والثبات والفرامل بين الفيرنا والافيو ؟
يعني انا ممكن اجي علي نفسي اوي واجيب الافيو لو الفرق يستاهل
مع ان القسط هيزيد بس معليش لان انا فعلا هتضايق لو جبت العربية وطلع فيها مشاكل
هل الفرق بين الاتنين يستحق ال ١١ الف جنية
وهل العربية فيها abs
وعلفكرة انا بتكلم علي الافيو 2013 الشكل القديم
اسف طولت عليكوا بس فعلا انا محتار جدااااااااا

**shawke hamed** · 03-10-2013 05:49 PM

الفيرنا معايا داخلة على سنة بص صراحة مفيهاش اى عيب ومتشتكيش كل يوم رايح بيها من الزقازيق للقاهرة وسعاعات اماكن ابعد لكن مبتشتكيش وبعدين مش مستاهلة تجيب افيو الشكل القديم وبعدين تيجى تبعها يقولولك فى شكل جديد

**Hamada hozein** · 03-10-2013 05:58 PM

المشاركة الأصلية كتبت بواسطة shawke hamed

الفيرنا معايا داخلة على سنة بص صراحة مفيهاش اى عيب ومتشتكيش كل يوم رايح بيها من الزقازيق للقاهرة وسعاعات اماكن ابعد لكن مبتشتكيش وبعدين مش مستاهلة تجيب افيو الشكل القديم وبعدين تيجى تبعها يقولولك فى شكل جديد

والله كلامك بيريح قلبي بس معليش انا عايز استفسر عن حاجة
الثبات بتاع العربية اية نظامة
والفرامل اية نظامها
وهل انت ماشي بالجنوط والكاوتش الاصلي بتاعها ولا لا
والف شكر علي اهتمامك

**J A G U A R** · 03-10-2013 07:56 PM

الافيو مفيهاش abs .. وسيبك من الافيو الشكل القديم علشان نزل شكل جديد .. والفيرنا عربيه كويسه مش وحشه .. بالنسبه للثبات لغايه 120 كويسه لكت اكتر من كده بتحس ان العربيه خفيفه والهوا بيهز فيها والفرامل كويسه بردو احسن من فرامل عربيات تانيه فى فئتها .

**M I D O** · 04-10-2013 01:21 AM

افيو اية بس حرام عليك دي عربية تعبانة اوووووي و الفيرنا برقابتها

**M_SALLAM** · 04-10-2013 02:30 AM

بص يا باشا مبدأيا كدة انا ركبت الفيرنا و ركبت الانوس و سافرت بيهم
اولا الفيرنا انعم من الانوس و موتور اقوى بفارق ملحوظ و كمان التكيف اقوى
بالنسبة للثبات احب اقولك الفيرنا بعد ال 120 ثبات و فرامل فى الضياع
الانوس برضو ثبتها وحش لما بتكسر ال 140 و فرملها زبااااااااالة برضو
من حيث التقفيل الانوس تقفيلها زبااااااااااااالة
من حيث الاتساع الفيرنا اوسع من قدام و لكن الانوس الكنبة اللى ورا فيها اوسع
من حيث الصاج الانوس تكسب
الارتفاع عن الارض يكاد يكون فى صالح الانوس
رأيى العبها صح و هات i10 عربية جميلة جدا و فى وسع الفيرنا بس الشنطة صغيرة شوية و متقلقش من الموتور ال 1.1 بالعكس والله اقتصادى جدا فى البنزين و هتدفع ضريبة اقل و سحبه ممتاز والله و ثبتها باسم الله ما شاء الله جبت بيها 160 و مشغل التكييف و الفرامل eps و قوية جدا جدا و مبتحكش فى المطبات و عفشتها جميلة جدا و سقفها عالى مريح فى الدخول و الطلوع و تقفيلها اكيد انضف كتير من التقفيل المصرى لان العربية بتتقفل فقى الهند .
و بالنسبة للأفيو ابعد عنها و الفيرنا و الانوس افضل منها .

**shawke hamed** · 04-10-2013 05:05 AM

انا اصلا مبفكرش اعدى ال90 كم/ساعة بس انا لسه زى ما هى مغيرتش فيها ريحة حاجة وانصح بيها

**shawke hamed** · 04-10-2013 05:11 AM

بس بصراحة الفيرنا بجد حمالة اسية والله هيه مبتشتكيش انا كل يوم لازم اما اجى من الششغل اغسلها وانضفها من جوة وبراه كل يوم بتبان اجمل لانى كل يوم بنضفها ده طبعى وانا بنصحك بيها اتكل