شارك معانا و أتبرع ولو بتصويت

**wel781** · 04-10-2013 03:20 AM

السلام عليكم

أنا كنت بدور على عربية حلوه بـ 140,000 وياريت تكون أوروبى.

كنت بفاضل بين بيجو 301 و ستروين سى إليسى (الاثنين أعلى فئة)

وانا ميلت أوى ناحية البيجو مع أنى عجبنى مقدمه الستروين بس التابلوة النيكل بتاعها مش عاجبنى أوى.

المهم رحت أبص عليها فى الطارق - مول العرب فا قالى عندى إلنترا كوبيه عليها خصم 20,000 يعنى 140,000
بصراحة العربية شكلها يجنن بس لما ركبتها محستش بالقوة فى التقفيل زى ما حسيت فى البيجو الهاى لاين ، وفى ناس حظرونى من الصاج بتاعها.

و بعدين أنا أصلا زهقت من الكورى بس الصراحة السعر رائع و هايجننى والعربية حلوة.

انا يهمنى عربية تعيش معايا و ما تعملش مشاكل و تفضل علطول ماسكة نفسها.

يا أهل الخبرة أشترى البيجو ولا الهونداى ولا الستروين ؟؟؟

**M I D O** · 04-10-2013 04:45 AM

لو انت شباب و محدش هيركب معاك العربية يبقي الالنترا بدون تفكير بس خصم 20 الف بصراحة مش داخلة دماغي وغريبة اوي

**saddam** · 04-10-2013 11:40 AM

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك
ودمتم.للنضال

**saddam** · 04-10-2013 11:42 AM

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك ولو إنت ناوي تصرف من وجهة نظري الوطنية المتواضعة تسيبك من بيجو وتاخد فلوانس تاخد فوائد رينو ونيسان في عربية وحدها وشكلها شبه المدرعة
ودمتم.للنضال

**wel781** · 04-10-2013 01:56 PM

المشاركة الأصلية كتبت بواسطة saddam

صديقي المواطن
هو لو عربية بياعة مكانش عمل خصم حتى ثمن ساندوتش كفتة ومن الثلاثة أعلاه قولا واحدا خليك في البيجو 301 ولكن متاخدش الهايلاين خد الوسط عشان ثقافة الشعب المصري عند البيع ميعرفش يعني إيه أعلى فئة يعرف بس مانوال وأوتوماتيك والباقي عنده كله بطاطس وأي سعر حتدفعه إضافي حيروح من جيبك ولو إنت ناوي تصرف من وجهة نظري الوطنية المتواضعة تسيبك من بيجو وتاخد فلوانس تاخد فوائد رينو ونيسان في عربية وحدها وشكلها شبه المدرعة
ودمتم.للنضال

والله وجهة نظر سليمة جدا.

عندك حق بس صراحة ما ركبت لهاي اين لقيتها حسيتها احلي و مختلفة عن الفئتين التانيين.

هو ايه موضوع رينو و نيسان ده! !!!

**M I D O** · 04-10-2013 03:54 PM

المشاركة الأصلية كتبت بواسطة wel781

انا شاب بكرش :-)
بهزر. انا متجوز و مخلف بس مش بكرش.

والله هما قالولي كدة في الطارق عاملة 140000 اول فئه

هههههههههههههههه يا باشا الكرش دة عز

ومادام حضرتك راجل ومتجوز ومخلف يبقي هتعمل اية بالالنترا كوبية متلزمكش خليك في البيجو 301 خطيرة

**Silent~Dream** · 08-10-2013 01:09 PM

حصرتك متجوز وعندك اولاد يبقى اشطب الكوبيه دى خااالص و البيجو 301 هى و السيتروين نسختين من بعض معاعدا نواكل فى الاليزيه مقابل جنط 16 فى البيجو و الاليزيه رايى خليك فى البيجو و ابعد عن صداع عز العرب

-

-

مشاهدة نتائج الإستطلاع: شارك معانا و أتبرع ولو بتصويت

الموضوع: شارك معانا و أتبرع ولو بتصويت

LinkBack

أدوات الموضوع

عرض

شارك معانا و أتبرع ولو بتصويت - انشر الموضوع فى :

-

-

-

المواضيع المتشابهه

أتبرع بـ 5 جنيه لصالح بنك الطعام المصري وكل عام وأنتم بخير

تسارع سيارتك من 80 الى 120 كم، شارك معانا

افتح قلبك واتفضل شارك معانا مقارنة شبابية مفتوحة

شارك معانا فى تنشيط المنتدى

لو عاوز تشترى اتفضل شارك معانا

الكلمات الدلالية لهذا الموضوع

المفضلات

المفضلات

ضوابط المشاركة