أفيدوني : رينو سانديرو ولا سبيرانزا m12 ولا نيسان صنى ولا بريليانس fsv

**Engineer Sara** · 04-10-2013 12:46 PM

السلام عليكم

افيدوني انا ان شاء الله ناوية اشترى عربية ... تكون بناتي شوية وعائلية عشان السفر وتنفع للسفر مثلا مرة في السنة او مرتين من القاهرة لاسوان ومرة في السنة لاسكندرية مثلا والاستخدام مش هيكون كبير يعني للشغل بس والمسافة ساعة الا ربع تقريبا ( هاتشباك او سيدان بس بحب الهاتشباك اكتر )

محتارة ما بين العربيات دي مع العلم ان اللى عجباني اكتر ربنو سانديرو ( مانوال او اوتوماتيك مش فارقة )
مع العلم انى اول مرة اسوق عربية وناوية اشتريها على اول السنة الجديدة ان شاء الله

1- رينو سانديرو
2- نيسان صني
3- اسبيرانزا M12 هاتشباك
4- بريليانس FRV Cross

من حيث هل مشاكلها كتير او سعر قطع الغيار وحجم الشنطة وكمان قوة الموتور ويارب الاقي ناس جربوا العربيات دي عشان يفيدوني اكتر

**Engineer Sara** · 04-10-2013 01:23 PM

آخر عربية تبع المقارنة واتمنى رأيكم فيها هى XPandino
1500 سي سي
اوتوماتيك
النمط : كروس افر
مقاس الجنط 14

**eng/muhamad** · 04-10-2013 01:58 PM

راى الشخصى بغض النظر عن العربيه
اعتقد اهم حاجه كبنت انها تكون اوتوماتك مش مانيوال

**eng/muhamad** · 04-10-2013 01:58 PM

انا بحب m12 جدااااااا بس للاسف مانيوال
لو مش فارقه معاكى تبقى هى احسنهم من وجهه نظرى المتواضعه

**Car's Sniper** · 04-10-2013 02:21 PM

الصنى احسن عربية كإعتمادية واوبشنز مقابل السعر

**abdulhafeez** · 04-10-2013 02:34 PM

انا جربت ام 11 مش ام 12 وهما زي بعض في كل حاجة الا الهاتش باك ووسع الكنبة اللي ورا

ام 12 عربية شكلها جامد وشيك اوي بصراحة من جوة وبره .... تكييف رائع خصوصا مع شوية فميه

العربية دي من الآخر للناس اللي بتحب الاداء الرياضي انما لو همتشي جنب الحيط العربية مش هتعجبك

لو بتحب السرعة 200 والحاجات دي وغرز وفرامل جامدة وثبات اكثر من رائع وعزل رائع للصوت
دا الى جانب ان العربية ارتفاعها كويس عن الارض ومش بتحك بسهولة ........ ودا للناس اللي بتروح الاقاليم وخصوصا الصعيد هيعرف قيمة الميزة دي جدا

عيوبها :: العفشة ناشفة شوية وبتتحسن مع تغيير مقاس الكاوتش الى درجة اعرض
( عن تجربة )
الكنبة اللي ورا ضيقة شوية خصوصا لو اللي قدام مرجع الكرسي على الآخر

**Engineer Sara** · 04-10-2013 03:44 PM

شكرا ليكو على الرد

يبقى كدة 2 لاسبرانزا m12 وواحد للنيسان صني

انا مش فارقة معايا اوتوماتيك او مانوال زى ما قولتلكم انا اول مرة هسوق عربية وغير كدة معلوماتي ان الاتوماتيك طبعا السواقة هتكون اسهل بس المانوال هتعلمني اسوق عربية صح ... في النهاية اهم حاجة الشكل والموتور والثبات والفرامل وان مشاكلها متكونش كتيرة وسعر قطع الغيار كمان

**M I D O** · 04-10-2013 03:56 PM

طيب متقولي كدة ميزانية حضرتك كام ممكن يطلع في حاجة احسن من الي كتباهم وهل هتجيبي جديد ولا مستعمل

**M I D O** · 04-10-2013 03:56 PM

المشاركة الأصلية كتبت بواسطة engineer sara

شكرا ليكو على الرد

يبقى كدة 2 لاسبرانزا m12 وواحد للنيسان صني

انا مش فارقة معايا اوتوماتيك او مانوال زى ما قولتلكم انا اول مرة هسوق عربية وغير كدة معلوماتي ان الاتوماتيك طبعا السواقة هتكون اسهل بس المانوال هتعلمني اسوق عربية صح ... في النهاية اهم حاجة الشكل والموتور والثبات والفرامل وان مشاكلها متكونش كتيرة وسعر قطع الغيار كمان

الام 12 غير متوفرة حاليا وكنت اسمع ان فيها عيب في الفرامل بس ماعرفش اتحل ولا لا المتوفر حاليا الام 11

-

الموضوع: أفيدوني : رينو سانديرو ولا سبيرانزا m12 ولا نيسان صنى ولا بريليانس fsv

LinkBack

أدوات الموضوع

عرض

-

-

-

-

-

المواضيع المتشابهه

بريليانس كروس ولا سانديرو ستيب واي؟؟؟

بريليانس كروس ولا سانديرو ستيب واي؟؟؟

ممكن تفيدوني لو سمحتوا رينو لوجان ولا رينو سانديرو افضل؟؟؟

محتار أشتري سبيرانزا m11 و لا بريليانس fsv ؟؟

رينو سانديرو ولا بريليانس frv ياريت حد يساعدني

الكلمات الدلالية لهذا الموضوع

المفضلات

المفضلات

ضوابط المشاركة