سؤال علمى خاص بالكاوتش :

**hplv** · 04-10-2013 04:43 PM

نا عندى عربية لانسر 2010 راكب فيها 3 كاوتش ميشلان انتاج 2011 وحالتهم ليست جيدة + واحدة بريدجستون انتاج 2009 وحالتها جيدة وراكبة فى الخلف لكن ماينفعش تيججى قدام
والاستبن ميشلان انتاج 2011 وجديدة لسه ماركبتش
انا عايز اشترى2 جداد اركبهم قدام واختار انضف اتنين واركبهم ورا
المشكلة قدامى كذا حل ومش عارف اختار :
1-اشترى اتنين ميشلان جداد قدام واركب الاستبن الميشلان وانضف واحدة من التلاتة ورا
2-اشترى اتنين بريدجستون جداد قدام واركب الاستبن الميشلان و البريدجستون القديمة ورا
3-اشترى اى فردتين نوع مختلف مش مشكلة واركبه قادم وورا اركب الاستبن النضيف مع البريدجستون القديمة
4- اشترى واحدة ميشلان بس واركبها مع الاستبن قدام وارجع الى قدام وراء والاستبن يبقى البريدجستون القديمة 2009

معلش انا عارف ان الموضوع يبرجل بس كل مما اسال فى اى محل يكون همه انه يبيع الى عنده بغض النظر عن النوع ده
وانا اعرف ان اضعف الايمان يكون كل عجلتين مع بعض نفس النقشة والانتاج والنوع

**aldesha989** · 04-10-2013 04:52 PM

2-اشترى اتنين بريدجستون جداد قدام واركب الاستبن الميشلان و البريدجستون القديمة ورا

**zangry** · 04-10-2013 05:03 PM

اشتري اي فردتين انت عايزهم بس لازم يكونوا نفس النوع ونفس النقشة ولازم يكونوا على مع بعض يعني الفردتين الجداد لازم الاتنين يا يبقوا ورا يا يبقوا ادام مينفعش وحدة ورا ووحدة ادام ! ونفس الكلام ينطبق على الكاوتش اللى راكب عندك

**delaga** · 04-10-2013 05:44 PM

والله هو الافضل أنك توحد النوع فى كله لو أمكن وانا سمعت ناس كتير بتقول ان الكاوتش الجدبد المفروض يركب ورا مش قدام ورغم انى بفضل البريدجستون لكن فى حالتك الاحسن تجيب اتنين ميشلان وتنزل الاستبن وتنقى افضل واحدة من الميشلان اللى راكبين وتبقى الرابعة بتاعتك والاستين شوف برضه انضف واحدة

**mem** · 04-10-2013 05:56 PM

- اشترى واحدة ميشلان بس واركبها مع الاستبن قدام وارجع الى قدام وراء والاستبن يبقى البريدجستون القديمة 2009

**bmw323** · 04-10-2013 06:21 PM

انا رأيي الشخصي خلى الأستبن زى ما هوا وهات 4 فرد جداد كومهو مثلا أحسنلك من العك دا كلوا وفرق الفلوس بتهيألى بسيط

**saddam** · 04-10-2013 08:32 PM

صديقي المواطن
بريجستون وميشلان كاوتشات تعبانة والصح تجيب 2 يكوهاما ياباني أمامي وتستنى على الخلفي لغاية متنفجر وتكمل يوكوهاما ولو ملقتش يوكوهاما ركب لاسسا تركي كاوتش.حمال أسية وطري ولو ملقتش تركب أي كاوتش صناعة ماليزية ومتركبش أي كاوتشات كورية أو أندونوسية
ودمتم للنضال

**hplv** · 06-10-2013 12:16 PM

انا متشكر جدا على جميع الردود
بس انا احترت اكتر والله

**hplv** · 06-10-2013 12:17 PM

المشاركة الأصلية كتبت بواسطة bmw323

انا رأيي الشخصي خلى الأستبن زى ما هوا وهات 4 فرد جداد كومهو مثلا أحسنلك من العك دا كلوا وفرق الفلوس بتهيألى بسيط

طيب حضرتك تعرف سعر الكومهو مقاس 195-60-15 كام
والكومهو ده انتاج دولة ايه

**hplv** · 06-10-2013 12:18 PM

المشاركة الأصلية كتبت بواسطة saddam

صديقي المواطن
بريجستون وميشلان كاوتشات تعبانة والصح تجيب 2 يكوهاما ياباني أمامي وتستنى على الخلفي لغاية متنفجر وتكمل يوكوهاما ولو ملقتش يوكوهاما ركب لاسسا تركي كاوتش.حمال أسية وطري ولو ملقتش تركب أي كاوتش صناعة ماليزية ومتركبش أي كاوتشات كورية أو أندونوسية
ودمتم للنضال

شكرا للرد جدا
بس حضرتك اول واحد يقول على الميشلان والبريدجستون كده وبرده اوول واحد يقول على الاندونيسى اوحش من الماليزى والكورى