بنت سورية متعصبة من ابوها ... اضحك من قلبك ههههه

واللهي عسل عسل عسل
بنت سوريا معصبة من باباهااا


اتفرج يا اخي على البنات وعلى الخلفة الي تفرح
ربنا يخليها ويحميها لاهلها. قادر يا كريم

[youtube]http://www.youtube.com/watch?v=q3ZiRNdTkJ0[/youtube]
‫بنت سوريه معصبه اضحك من قلبك ههههههههه‬‎ - YouTube

الترجمة :
ابوها اسمو حسام. والبت كانت بتتشاقا في المطعم. فابوها وبخها. فهيا بتقول لابوها ايه
حسابك عند امك ياحسام
ليش عم تعلموا فيني هيك ... انا بنتكم انا بنتكم !!
ليك انا لولاكم ما اجيت الدنيا بلاكم !! ويكون ماعندكم اولاد ههههههه !

~~~~~~~~~~~~~~~~~~~~~
هيك تعمل فيني هيك هيك !
انا بنتك ... انا بنتك
هيك تعيط عليا ( يعني بالمصري تزعقلي ) .
انتا بدك تكسير راس ( يعني لازم تضرب) . لانك ما بتسمع الكلام .
وامك لازم تجي تربيك ( قصدها على جدتها الي في الحج)
انا رايح اتصل عليها واقولها تعالي شوفي ابنك شو بيعمل فيني !!
~~~~~~~~~~~~~~~~~~~~~
الاب. : احنا خلاص مابدنا اياكي ( يعني مش عاوزينك)
البنت : لاتقول عني هيييييييييك. انا بنتك. انا بنتك .... انا عمرك انا حياتك ههههههههه

واللهي العظيم عسل عسل. ربنا يخليها لاهلها يارب ... كتكوته صغيرة
بس شكلها بتتفرج على مسلسلات كتير هههه
@@@@@@@
وتحياتي

بسم الله ماشاء الله شوف قاعده ازاى اصلا هههههههههههه شكلها عفريته ماشاء الله

حرام عليه والله البنت اتجننت

هههههههههههههههههه البنت ياعيني عايزاه يحضنها من الاول وهتتاسف وهتسمع الكلام.
ابهات عايزة الضرب.

انا شفت دقيقة ونص قلبى اتقطع
معندناش ثقافة التربية الصحيحة للاسف
ربنا يكون فى عونها
هتلاقيها من ابوها ولا من بشار
على فكره اسمع ان غلط جدا انك تقول لابنك احنا مش عايزينك
البنت للاسف بتشحت الحب من ابوها

انا قلبي اتقطع في الاخر لمن قلها تعالي يا باابا
وخدها. في حضنو يااااااااااااااااااااااه هيا دي بجد بجد معنى كلمة. الابوة. .... ياه لو عيلنا يعرفوا قد ايه احنا بنحبهم ... بس بيني وبينكم البت عسل عسل بسم الله مشاء الله ربنا يحميها ... وبتتكلم. ولا كانها بت عندها ١٢ ولا ١٧ سنة وانا بنتك انا بنتك ليش تعملوا فيني هييييك هههههه ... حبيبت قلبي واللهي يعني انا عندي توته بنتي عمرها ما تعرف ترد عليا كده. يادوبك. اضربها ضربه بسيطة ابص الاقيها جريت اوضتها وتترمي على السرير وتقعد تعييييييط ببقى نفسي اروح اطب طب عليها بس بقول لا احسن خليها علشان تتربى .

وفعلاً اصعب حاجة على الطفل لمن الاهل يقلولوا احنا خلاص مش عاوزينك. ... انا مره ابويا قالهالي زمان. ايام مكنت في اعدادي يمكن ولا ثنوي مش فاكر فقلتلوا يعني انتوا تخلفوا. وبعد ما تخلفونا تقولوا مش عاوزينكم خلاص رجعني وخود الفرق ههههه المهم ساعتها على ما اتذكر ابويا طردني من البيت وطبعاً انا مئدب متكلمتش بس لاني بحب ابويا جداً جداً خدت منو تذكار علشان افتكروا بيه لمن يوحشني ... خدت مفتاح عربيتو البيجو ال ٥٠٥ المفتاح والعربية خدتهم تذكار ههههههههههههه . يااااه الاباء دول ليهم الجنة واللهي :) ههههه

ما شاء الله
ربنا يخليها له
ويرزقنا بالذريه الصالحه

يا غالي انت بتتكلم في ايه احنا عندنا الطفل اول حاجه بيتعلمها تف علي عمو حبيبي واول ما يتف ابوه يفرح الواد بيتف وشوية ويكبر يقوله هدبحك ولما يكبر شوية يقوله اضرب عمو بالشبشب وكمان شويه ويقوله هغزك
عايزه لما يكبر يعمل ايه
هيشله اقل حاجه سيف

ههههههه
جميلة ما شاء الله