الموضوع: تقرير مصور : شراء بعض قطع الغيار من سوزوكي سنتر

بسم الله الرحمن الرحيم
السلام عليكم و رحمة الله و بركاته

جايلكم انهاردة بتقرير جديد بعد انقطاع مدة هو متأخر شوية نظرا لظروفي و مرضي الفترة اللي فاتت بس اهو جيه :)
كما يعلم البعض اني عملت حادثة من فترة بـ لوللا و الحمد لله ع كل شئ
و بعدها بيومين خرطوم من خراطيم دورة التبريد ورا الموتور ضرب و المية كلها نزلت و انا ماشي و فجأة حرارة العربية عليت اوووي و الحمد لله لحقتها و الحمد لله اني كنت هنزل مشوار بس رجعت في كلامي و قولت أاجله و اروح احسن فعملتها جنب البيت عالطول

فنزلت اجيب بعض القطع للعربية من سوزوكي سنتر في التوفيقية و الباقي بعد ما اخلص تظبيط العربية
و هي كالآتي :


فانوس يمين



و للعلم احنا فانوسنا في الالتو بموتور :)



طقم خراطيم دورة التبريد



جبت الطقم لأني كده كده كفاية اوي ع الخراطيم الفبريكة كتر خيرها شغالة 6 سنين قربت تشقق هههههه
و هم 4 خراطيم المفروض 3 معرفش الرابع جيه منين بس ما علينا هو شكله طقم سويفت اساسا
و لأن فيه خرطومين اللي راجع من الموتور و اللي ماشي ورا الموتور اللي عملي الدربكة كلها كانوا اطول من الأصلي فاضطريت أأقص كام سم
انا مبفهمش في جودة الكاوتش بس لما قارنتهم بالخراطيم اللي راكبة لقيتهم قريبين اوي في الخامة و الخراطيم نوع ليتل هندي



تيل فرامل امامي



و ده نوعه ليتل بصراحة هتكون اول تجربة ليا معاه لكن سمعت عنه كلام كويس من الناس اللي جربوه في الالتو و ان شاء الله هنزلكم تقرير منفصل عنه



فلتر بنزين



برده نوعه ليتل و ع فكرة الفلتر اللي عندنا معدن مش بلاستيك و محدش يفكر يجيب البلاستيك لأن الفلتر تحت العربية و هيبقي معرض للكسر و لعوامل كتيير تأثر عليه
و بصراحة عجبني الفلتر و هو متقفل و متبرشم و حتي لما جيت انضفه احتياطي عشان لو اي اتربة لقيته نضيف
لأن كان ليا تجربة مع فلتر بنزين جبته من احمد حلمي غير الخامة و المعدن الزبالة اقل كلمة تتقال لما روحت كالعادة انضف الفلتر احتياطي لقيته بينزل زي صدأ من جوة و يقولك الأصلي و اس جي بي و شوية هجس كالعادة ده اللي بيتجاب من ع الرصيف انضف



طقم بوجيهات ان جي كي



الالتو عندنا البوجيه مقاسه 16 سن 14 زي الموتسيكلات يعني و كنت شوفت نفس رقم البوجيه بتاعنا برة مصر ع المواقع الاجنبية بيركب في الموتسيكلات يا فضيحتنا يا فضيحتنا هههههههه :)
و رقم البوجيه في الالتو 800 سي سي للبوجهيات الان جي كي هو DCPR7E لكن المتوافر هنا هو DCPR8E و الفرق في المدي الحراري زي ما شايفين بسيط لا يؤثر
زي الدينسو المفروض الرقم 22 لكن المتوافر هو 24 و للأسف الدينسو لما ركبته معجبنيش حسيت ان العربية مش ماشية معاه زي الان جي كي و للأسف برده كنت جايبه من نفس المحل بتاع احمد حلمي

و ان شاء الله انتظروا باقي التقارير عن اداء بعض القطع او باقي القطع اللي هاجيبها ان شاء الله بعد ما اخلص :)