الموضوع: استفسار عن فوكس 2006 و اكشف عليها فين بره التوكيل

الموضوع باختصار، بقالى مدة مركز مع الفوكس و البيجو 406، و مستنى حاجة نضيفة تظهر قدامى.

فى حالة الفوكس كنت بدور على 2009 او 2010 عداد قليل و حالة ممتازة و الفئة العلى الأقل فيها فتحة سقف. ربنا موفقش ياما عربيات واخدة رزع يا سعر عالى. بالصدفة البحتة واقف مع صديق برغى معاه لقيته سحبنى على عربية فوكس هاتش سوداء و صاحبها صديق ليه بيفكر يبيع.

مواصفتها مختلفة عن الانا كنت عاوزو، هيا 2006 و مفروض رشة اكصدامين بس عداد 62000 كيلو بس و ده الحلاها فى عينى، تقريبا ديه اوتو اول فئة و لسه معرفتش كمالياتها و مبدئيا طبعا بطاسات و من غير فتحة.

اول كلامها 70 بس متهيالى ممكن انزلها من 3 ل 5 الاف.

ايه رايكم و هل فيه اختلاف فى الماتور و الفتيس و العفشة عن 2010 (متهيالى لا) و لو عاوز اكشف اكشف فين بره التوكيل مع العلم التوكيل تقريا مش شغال دلوقتى اساسا.

من سؤال ناس وقفتهم فى الشارع فى اتفاق على 2:

1- تكنو وان فى الحرفيين

2- واحد متخصص فى الاربعين ورا حديقة بدر جسر السويس و تقريبا كان شغال ف التوكيل.

منتظر ارائكم و اقتراحتكم، عموما انا شايف العربية ديه بالحالة ديه و السعر ده صفقة كويس و مستحرم اسيبها و حتى اجرب فيها الفوكاس عجبتنى اسيبها لمراتى بدل عربيتها الحالية (اوبترا) و انا ابقى اشوفلى بعدين حاجة تانية.

طب ايه طيب، أبيض يا ورد كده