نصيحة لملاك الفانتازيا أعملوا activation ل corner lights في التوكيل حتعجبكوا :)

**شاهين - بنز** · 06-10-2013 05:53 PM

سلام عليكم
كنت بعمل صيانة ال 30 ألف للعربية في آرتوك القاطمية فقلت بالمرة أخليهم يأكتيفو ال corner lights و day running lights
وفايدة corner lights للي ميعرفش إن الفوج اليمين فقط بيشتغل مع كسرة الدركسيون لليمين والعكس صحيح كل فوجاية على حدى وبرضو أما تحط عال r بتلاقي جوز الفوجات إشتغل تلقائي وده فيديو بيوضح الcorner lights
Skoda Facelift 2009 Corner lights - YouTube

أما ال day running lights فهما اللمبة إللي جمب لمبة الفوج دي بتشتغل بالنهار ودي صورة توضيحية

نيجي بقى للسؤال المهم ميزة ظريفة جدا زي دي ليه التوكيل قافلها
الإجابة إن تفعيل corner lights في التوكيل مرتبطة إجباريا بتفعيل ال day running lights أيضا وطبعا زي منتوا عارفين لسه ثقافة drl موصلتش للشعب المصري وحتلاقي كل شوية واحد بينبهك إنك سايب النور شغال فالتوكيل قال يقفلها ويريح الزبون

بس الحل طلع موجوووووود وهو بعد أما تفعل خاصية ال corner lights و day running lights تقدر لوحدك بعدها تلغي ال drl فقط وهي إنك تحط المفتاح في الكونتاكت وبعدين تدي إشارة شمال وفي نفس الوقت تشد الدراع لورا كأنك ضارب عالي وبعدين نفتح الكونتاكت وتستنى 5 ثوان لحد أما تسمع صوت تننننن وبكده تبقى لغيتها وعشان تفعل ال drl بنفس الطريقة بس الفرق إنك بتدي إشارة يمين بدل الشمال

ولو معاك فانتازيا إليجانس مش محتاج الكلام ده كله كل إللي بتعمله إنك بتخش على قايمة setup وبتلغيها

**شاهين - بنز** · 06-10-2013 06:06 PM

توضيح إنه لازم وإنت بتفتح الكونتاكت تكون إيدك الشمال ماسكة في دراع الإشارة

**Silent~Dream** · 06-10-2013 07:17 PM

خاصيه ممتازه خاصه للطرق الجميله الى مفيهاش نور اصلا

**benmatar** · 06-10-2013 08:18 PM

خاصية رائعة، وكانت موجودة من الستينات في سيتروين لما تدخل يمين او شمال عدسة النور بتتجه حسب كسرة الدركسيون، وموجودة حاليا في فولكس واجن تواريج وشبيهاتها من نفس الفئة.

**mahmoud_afifi** · 06-10-2013 08:33 PM

بسم الله ما شاء الله. احلى حاجه ان الواحد يفضل يكتشف امكانيات في عربيته مع الوقت.
ربنا يباركلك فيها

**شاهين - بنز** · 06-10-2013 11:28 PM

كلام جميل و قريت فى دليل الاستخدام بتاع ال a4 ان الخاصية دى موجودة فيها بس لما جربتها ما اشتغلتش و بصراحة ما ركزتيش معاها لان الطبيعيى انى لما بركن بالليل ببقى مشغل النور الواطى فا مش محتاج الفوجات و لا ليها فايدة وانا مش عارف. يعنى بتقرف معاك و ليها افضلية عن استخدام النور الواطى و لا لاء. ياريت توضحلى النقطة دى.

هي طبعا بتفرق لو إنت ماشي على طول وإنت مش مشغل الفوجات فبيشتغل الفوج المطلوب مع أبسط كسرة للطارة وزي ماحضرتك عارف إن نور الفوج في الأوكتافيا بيفرش بالعرض جامد فالميزة دي بتنفع جدا عند الإلتفاف

بسم الله ما شاء الله. احلى حاجه ان الواحد يفضل يكتشف امكانيات في عربيته مع الوقت.
ربنا يباركلك فيه

ربنا يخليك ياأستاذ محمد

من حوالي ٤ شهور طلب من مهندسة الاستقبال في توكيل القطامية تشغيل ال corner light بس قالتلي لازم تكون العربية نازل فيها زينون لأنه مرتبط بالعدسة في الفوانيس لما بتتحرك مع الكسره يمين وشمال

مش عارف ليه حسي انها بتهيس عليا بس نفضت
السؤال بقي انا عربيتي Base line ينفع اشغلها ولا فعلا لازم تكون زينون ؟

طبعا لأ حضرتك ملهاش أي علاقة بالزينون وبالمناسبة أنا عربيتي baseline برضو

وبجد أنا زهقت وتعبت من الموظفين إللي بيشغلوهم بالتوكيلات إللي لايفقهوا شيء (أبيض ياورد)
نادر قوي لما أسأل حد فيهم وأحسه فاهم أي حاجة لازم بيفتي فتي السنين يعني أنا معنديش مانع إن موظفة الإستقبال إللي حضرتك سألتها تفتي بس إللي عايز أعرفه هي جابت الفتية دي منين وبنت كلامها على أي أساس !!
مرة برضو بسأل موظفة ستقبال في آرتوك أوتو المقطم على عفشة ال A7 قالتلي روح عند المهندس الخاص بالتقنيات يفيد حضرتك , رحتله وبسأله عفشة ال A7 ملتي ولاتورشن قاللي ملتي لينك طبعا قلتله طب تعال معايا نشوف العربية وقلتله إنزل معايا نبص عالعفشة طبعا بعد أما بص وشه جاب ألوان وحس إنه مش ذكي
وبرضه مره صاحبي راح لقسم ال accessories في توكيل فولكس الرئيسي بيسأله عن توفر الكاسيتات الخاصه بالجولف 7 قاله مفيش غير نوع واحد فولكس منزلاه وصمم كمان على كلامه مع العلم إن في 3 أنواع كاسيتات تانية موظف ال accessories ميعرفش عنهم حاجة مع إن المفروض إن دي شغلته
يعني مثلا حركة إنك تطفي ال DRL من خلال دراع الإشارة أراهن لو في مهندس واحد في سكودا عارفها

وبالمناسبة ياجماعة تشغيل الخاصية دي عند أي توكيل مجاني وده حقك لإن التوكيل هو إللي لغاها ومن حقي إنه يرجعها