بريليانس fsv 2014 هاي لاين اوتوماتيك

**A7med AlMaGiC** · 07-10-2013 07:07 PM

بسم الله الرحمن الرحيم

يا شباب انا حجزت من كام يوم بريليانس fsv الهاي لاين بس لسه مستلمتش وكنت عايز بقي تعرفوني ع العربيه لأني بصراحه اول مره اركب صيني وكلام الناس انتوا عارفينه كويس انا استفدت كتير جدا جدا من الموقع بصراحه ومشاركات الاعضاء بس كنت طمعان ف معلومات اكتر عن العربيه من الناس اللي معاها فعلا العربيه الاوتوماتيك يعني مثلا معدل استهلاك البنزين ميزات العربيه ايه اللي اركز فيه وانا بستلم وكمان عايز اعرف ايه نظام التليين ف العربيه واشغل التكييف امتي علشان اجربه وانا هجيبها تقسييط كنت عايز اعرف بتتسجل ف الشهر العقاري ولا لأ وكده يعني وكل حاجه عن العربيه اسف انا عارف طولت عليكما بس ليا اسئلة كتير اوي وكل ما افتكر سؤال هكتبه ف رد ف الموضوع واتمني مكنش صديق رخم

**Mostafa Hessen** · 07-10-2013 07:56 PM

الأخ الكريم

أولا ألف ألف مبروك مقدما ربنا يباركلك فيها ويعطيك خيرها ويكفيك شرها
ثانيا انا عندى frv 2009 العربية ممتازة وطبعا سيبك من كلام الصينى دى عربيات محترمه وبالتوفيق
ثالثا العربيه بتستلم معاها الولاعة والكوريك ومفتاح العجل وطبعا ممكن يبقى فى مثلث وشنطه طبيه وطبعا استبن
رابعا حضرتك لين 1000 كيلومتر من غير تحميل ار بى ام 2.5 (2500 لفة) تقريبا 80-90 كم\س
واعتقد الجو دلوقتى حلو مش حتحتاج تكيف
وبعد متخلص الألف الأولى تقدر تمشى على ار بى ام 3(3000 لفة) وبعد كده امشى على راحتك
خامسا التسجيل ده لما تخلص اقساط وتاخد مبايعه من البنك بالعربية
وربنا يعينك على الأقساط وسكة البنوك ويكفيك شرهم وتكون اخر مرة تقسط من بنك
تقبل تحياتى
ومبروك