عايز اركب انذار و سنتر لوك

**محمود فرنسا** · 08-10-2013 04:25 AM

السلام عليكم ورحمة الله وبركاتة
لو سمحت كنت عايز اسئل عن افضل نوع للانذار والسنتر لوك spy ولا wolf
ولا فيه انواع تانية افضل وهل فيه مشاكل من الانذار والسنتر ولا لا مع العربيات القديمه
انا هركبهم فى 127 مو85
ومش عايز اركب وحده رفع عشان كل العربيات القديمه اللى مركباه بتعانى منه
وخايف اركب السنتر والانذار ويعملي مشاكل
لان بصراحة اتسرق من العربية حاجات كتير لاب توب وبطاريتيين وحاسس ان الحراميه مستقصديني

ومش عايز اركب سنتر اقفله يعلق وميقفلش وتتسرق العربية كلها
ربنا يستر ويبعد عنا الحراميه ولاد الهرمه

**Eng_hatemfathy** · 08-10-2013 10:33 AM

بص بالنسبة لل 127 وال 128 اول حاجه بيعملها الحرامى بيرفع حرف الكبوت ويشد الواير بتاع الكبوت ويفتحه ويفك قطاش البطارية ويسرق البطارية والاستبن لو جوا وطبعا الانذار هيكون ساعتها نايم فى العسل

**Eng_hatemfathy** · 08-10-2013 04:23 PM

المشاركة الأصلية كتبت بواسطة محمود فرنسا

يعني ولا له اى لازمه ؟؟ :h_angry[1]:

حماية 127 و128 كالاتى :
1- الاستبن فى الشنطة مش فى مكانه فى الكبوت
2-مفتاح فصل كهرباء عن البوبين تحت الدرج اليمين او تحت التابلوه
3-افيز حديد بتيش طويل للبطارية وصامولتين على كل ناحية ووردة متكنتره تحتيهم والحمد لله على كده

**محمود فرنسا** · 09-10-2013 10:27 AM

قريت فكرة جميله من خلال تصفحي للمواضيع ف القسم
وهي انى اعمل زرار فى الكبوت زي اللى بيبقى ف البيبان لما تفتح الباب ينور التابلوه
بس يشغل الكلاكس
هي فكرة حلوه اوى ممكن استبدلها بفكرة الانذار واركب سنتر بس السؤال هنا هل السنتر ينفع اخلي الريموت بتاعه هو هو مفتاح العربية ولا لازم يبقى منفصل

**محمود فرنسا** · 09-10-2013 04:31 PM

رجاء الرد ف اسرع وقت
لانى نازل كمان شويه ادريان عشان اركب السنتر وعايز اعرف هل فيه مشكلة
انى اخلي الريموت هو هو مفتاح العربية
وبالنسبة للنوع انا استقريت على الولف

**Eng_hatemfathy** · 09-10-2013 11:41 PM

بركب مفتاح بيقطع الكهربا عن البوبينة -حضرتك عارفق ان مفتاح التشغيل بيوص كهربا للبوبينه فى التكه الاولى وبيدور المارش فى التكة التانية
فالكهربائى بيقص السلك اللى داخل الكونتاكت وبدخله على مفتاح صغير مستخلى تحت الدرج او تحت التابلوه بحيث انك فاصله فلو دور للصبح مش هتدور حتى لو عمل كوبرى على سلك الكونتكت -لازم يعمل توصيله من بره
وبالنسبه لعمل مفتاح فى الانذار فده موجود على حد علمى

**Eng_hatemfathy** · 10-10-2013 12:27 AM

120 كتير على تركيب انذار خاصة ان بتاع الابواب هوا اللى هيركب السنتر والكهربائى يدوب هيشد سلك ووصله -حاول تفاصله واشترى انت الانذار اللى يناسبك من دمشق او التوفيقية ودور على ريموت بيركب فيه مفتاح وابقى اعمله عند اى بتاع مفاتيح