باركولي

**madinabaza** · 10-10-2013 03:11 AM

انا حجزت اوبترا 2013 يا جماعة والمفروض هستلم يوم الحد بأذن الله ممكن تقلولي ايه الي المفروض استلمه معاها والايه نظام التليين والحجات الي في الاول دي عشان اول مرة اجيب زيرو :)

**M I D O** · 10-10-2013 03:50 AM

الف مبروك مقدما بس لية مفكرتش ف البيجو 301 ونفس السعر تقريبا و اوروبي وفيها كل عوامل الامان ؟؟؟

**saddam** · 10-10-2013 07:20 AM

صديقي المواطن
مبروك وإلى اﻷمام ولكن كان.اﻷفضل التأني ومتاخدش عربية بتنزل بنفس الشكل بقالها 7 سنين خلاص راحت عليها وعامة ربنا يوفقك فيها ويوسع رزقك وتجيب أحسن منها ولا تقصر بأغلى أنواع الزيوت ومنظفات الرشاشات شهريا وأول شهر بالراحة معاها متعديش آر بي إم 2 ونص ولما تدور سيبها تسخن 30 ثانية وكمان ترصص عجل وتظبط زوايا كل شهرين وتجيب كريم تلميع أبو 7 جنيه وكيس قطن وكل أسبوعين تغسلها وتخلي إبن البواب يلمعها وهات إسبراي ملمع للطبلوه عشان تفضل الجلود لماعة وطرية وريحة جميلة
وبالتوفيق ودمتم للنضال

**Eng_hatemfathy** · 10-10-2013 09:52 AM

المشاركة الأصلية كتبت بواسطة saddam

صديقي المواطن
مبروك وإلى اﻷمام ولكن كان.اﻷفضل التأني ومتاخدش عربية بتنزل بنفس الشكل بقالها 7 سنين خلاص راحت عليها وعامة ربنا يوفقك فيها ويوسع رزقك وتجيب أحسن منها ولا تقصر بأغلى أنواع الزيوت ومنظفات الرشاشات شهريا وأول شهر بالراحة معاها متعديش آر بي إم 2 ونص ولما تدور سيبها تسخن 30 ثانية وكمان ترصص عجل وتظبط زوايا كل شهرين وتجيب كريم تلميع أبو 7 جنيه وكيس قطن وكل أسبوعين تغسلها وتخلي إبن البواب يلمعها وهات إسبراي ملمع للطبلوه عشان تفضل الجلود لماعة وطرية وريحة جميلة
وبالتوفيق ودمتم للنضال

الا ابن البواب -هيلمعها على التراب فهيصنفرها -اعملها انت احسن او عند فنى دوكو محترم هيعملها بالصاروخ وفى ربع ساعة هيخلصها وتبقى جميلة
وربنا يبارك يارب ويحفظها من كل سوء

**adelghanem** · 10-10-2013 12:42 PM

الف مبروك مقدما
والخيره فيما اخترها الله
ربنا يسعدك بيها

**svneleven** · 10-10-2013 01:15 PM

عربية جميلة ما شاء الله و بيبان فيها أي ترويش لو ليك فيه و كمان معروفة و قطع غيارها موجودة. ربنا يبارك فيها و يكفيك شرها.

**د.عماد صلاح** · 10-10-2013 04:13 PM

مبرووووووك
النصائح ..عند الاستلام لازم تتاكد من الدهان كله ان الطاسات راكبه الاستبن موجود و معاه العده الكاسيت شغال و النور دور العربيه و اسمع صوتها واتكد ان مفيش لمبه منوره و شغل التكييف وتاكد من ولاعه السجاير افتح الكبوت اتاكد من السوائل كلها هيديك مفتاحين واحد ريموت وواحد عادي الضمان بعد الترخيص
طبعا لازم يشيلولك الغطاء البلاستيك الابيض اللي علي العربيه و ماتستلمهاش الا لما يشيلوه
موضوع التليين ده بقي عليه كلام ...انا ليا واحد صاحبي مهندس في مصنه شيفورليه و قالي ان مواتير الاوبترا متلينه جاهزه و الدليل علي كده هو ان اول صيانه صيانه ال5 الاف مش الالف يعني مفيش زيت تليين و نصحني افتح الموتور عشان العربيه يبقي اداؤها قوي طول عمرها و هو معاه اوبترا بالمناسبه
بالنسبه لاختيار الاوبتر و مقارنتها بالبيجو فالبيجو اكثر امانا من الاوبترا ولكن الاوبترا اوسع واكبر علي الطريق و صيانتها سهله و اعاده بيعها سهل و متجربه 7 سنين و اللي بيشتري جديد عايز يروق دماغه
ماتنساش تظبط ظغط الهوا في العجل
جبت لونةايه وجبتها منين وبكام
عايزين تقرير يا باشا