مقياس الزيت الطبيعى

**ابوابراهيم323** · 10-10-2013 07:42 PM

السلام عليكم ورحمة الله وبركاته
الاخوة الاكارم
بعد مشوار من الاستمتاع بالعربية وقطع 200 كيلو بكل سهولة وجمال بدأت المشاكل تانى
اهتزاز تانى وتقطيع طبعا انا عرفت المشكلة على طول بوجيهات معرقه زيت وبتفصل البوجيه

كان لى موعد مع الميكانيكى وكشفنا على الزيت ملقناش زيت فى المقياس الا فى الانحناء الاخير
جبت طقم بوجيهات شمعه واحده يابانى وجركن زيت مصر للبترول ب ــ 55 جنيه الميكانيكى هو اللى طلبه وقال الانواع التانيه تقيله على الماتور وقال كده الماتور خفيف وحنشوف الماتور ماله بالظبط وبعد كده نحدد ايه المشكلة هل شنبر ولا جوانت ولا ____ولا الماتورحالته هو اللى يحدد الكلام ده

المهم الجركن 4 كيلو ولكنه وضع 3.5 لانه لم يغير الفلتر لانه جديد
بس لاحظت حاجه المفروض مقياس الزيت يكون فين ؟؟؟؟

لانه موجود فى المقياس تعرج فوق وتحت وفيه علامه بروز بينهم المفروض الزيت يكون فين فى المنطقة دى
ضرورى جداا اعرف منكم وضع الزيت الطبيعى فى المقياس ولو امكن يالصور

وجزاكم الله خيرا

**Hamroosh** · 10-10-2013 08:11 PM

الزيت لازم يكون بين العلامتين (اللي على شكل تعرجين في المقياس) لايزيد عن اللي فوق ولا ينقص عن اللي تحت.

**المنسي** · 11-10-2013 12:20 AM

اللى على المقياس المفروض الزيت يكون على اول التعريجة اللى هيه علامة الماكس والمفروض الزيت ميزيدش عن العلامة دى ولايبقى تحت العلامة اللى تحت

**المنسي** · 11-10-2013 02:05 PM

المشاركة الأصلية كتبت بواسطة ابوابراهيم323

طيب كويس
عاوز اعرف ليه عندى لم يصل للتعريجة الاولى وانا لسه واضع الزيت بالامس
وهل كده عندى مشكله

افضل وقت تاخد فيه مقياس زيت هو بعد مشوار وتسيب العربية بعد ماتركنها بربع ساعة وترفع المقياس وتشوف الزيت فين ويشترط ان العربية تكون واقفة على ارض مستوية