لوجان 2013 بترولي - خبطتها قبل ما أعلق اللوحات المعدنية

**sameh_yassin99** · 12-10-2013 07:31 PM

السلام عليكم

أنا استلمت اللوجان لونها بترولي أول امبارح. اليوم كنت في مرور فيصل "ربنا يرحمني منه قولو امين" و أنا في دوري للفحص المكان ضيق جدا و السيارة اتحكت جامد قوي في البابين اللي ناحية اليمين من تحت كما هو في الصور.

أولا : الحمد لله

ثانيا: انا حجزت معاد في التوكيل الأحد 20 أكتوبر بعد أجازة العيد.

سؤال1: هل حد عنده فكرة الباب كله هيدهن ولا الجزء السفلي فقط؟
سؤال 2 : هل حد عنده فكرة التكلفة كام ؟

ملحوظة : يوجد مشكلة في ادارج صورة و جاري محاولة ارسال الصور في الردود

**sameh_yassin99** · 12-10-2013 07:32 PM

الموقع بيعرض رسالة و يقول "تحت الصيانة برجاء اعادة تحميل الصفحة"

هأحاول أرفع الصور بعد قليل ان شاء الله

**MOTOR HEAD** · 12-10-2013 08:59 PM

ربنا يعينك

بس الصور مش واضحه

**adel_edrees** · 12-10-2013 10:27 PM

أولا ماعلش قدر الله و ماشاء فعل و أهم حاجة ما تزعلش نفسك لأن الزعل مش حيفيد ثانيا لو مأمن عليها خخللى التأمين يصلحها ثانيا كده كده مافيش عربية فى مصر ما بتتخبطش المهم لو مافيش تأمين أعملها فى اى ورشة و مش حتزيد أن شاء الله عن ألف جنيه فى ورشة الأستاذ كريم منير يعملهالك ويرجعهالك زيرو و أعتبر الالف جنيه زيادة على تمن العربية انا فى واحد جارى كان جايب عربية ألنترت من سنتين أخر موديل فى الشكل القديم و هو راجع بيها من عند سمير ريان العربية خدت خبطة فى الشنطة فعصتها و الحمد لله صلحها و من ساعتها و هى الحمد لله خلاص خدت العين و خلاص

**assaf** · 13-10-2013 12:52 AM

فداك ياباشا
خدت العين

**saddam** · 13-10-2013 03:04 AM

صديقي المواطن
قلبي معك ونتألم ﻷلمك وعوضك على الله وفي التوكيل حيصلحوها بثلاثة أضعاف التكلفة وأيضا بجودة مشكوك بها وبالتوفيق
ودمتم للنضال

**sameh_yassin99** · 13-10-2013 03:18 AM

المشاركة الأصلية كتبت بواسطة saddam

صديقي المواطن
قلبي معك ونتألم ﻷلمك وعوضك على الله وفي التوكيل حيصلحوها بثلاثة أضعاف التكلفة وأيضا بجودة مشكوك بها وبالتوفيق
ودمتم للنضال

أستاذ صدام و أستاذ عساف متشكر جدا على تفهمكم الموقف و ربنا يبعد عننا جميعا أي مشاكل.

بجد التكلفة مش مهمة زي ما الأخوة ذكروا بالأعلى الموضوع مش هيزيد عن الف و نصف بالكتير و أنا أيضا في التأمين. التأمين بيدفع 90 % من الاصلاح.

أنا فقط اللي يهمني الجودة. هل بعد ما الباب يتفك عشان يتسمكر هيرجع الزجاج بعمل بكفاءة و لا ممكن يبقى بيعلق فبه مشاكل ؟

شكرا على الافادة لأني مش هلاقي أي حد فاتح ولا هاخد أي رد الا بعد البعيد

بجد المشاركة هنا في نايل موتورز بتفرق كتير.

شكرا