مالك جديد للبونتو 2001 و شوية استفسارات

**magdy_momo** · 13-10-2013 12:07 AM

اولا انا بشكر المنتدي الرائع و الناس المحترمة الموجوده في المنتدي ...
انا بعت عربيتي الابيزا 1999 و اشتريت بونتو 2001 فابريكا برا و جوه و عاملة 80000 كيلو
و كان في شوية استفسارات و جزء منها مقارنة بعربيتي الابيزا 1999

عندي لمبة الفرامل بتاعة الهاند مش بتروح خالص و علي طول منورة عندي
لمبة الشيك بتاعه النور بتنور لما بشغل النور السهاري بتاع العربية
عداد الكيلوات و التريب بيفضل يروح و ييجي زي ما بيكون بيعمل الارم
مش عارف اظبط الساعة و اصفر عداد التريب و محدش يتريق عشان الموضوع في الابيزا كان سهل :d
العزل سيء جدا حتي مع تقفيل الزجاج و تشغيل التكييف و الكاسيت مع العلم ان العربية فيها جنط 14 و كاوتش عريض بالمقارنة مع الابيزا
اخر حاجة و اهم حاجه لما بدور العربية بحس انها بتبقي متلتة و لما بكبس كام دوسة بنزين التتليتة دي بتروح .. عايز شوية اقتراحات ابص علي ايه فيها مع العلم اني جربت موبينة غير بتاعتي و نفس المشكلة
اخر حاجه انا مندمتش اني اشتريت العربية و حاسسها محترمة و تقدر تنافس الابيزا بتاعتي .

**ahmedalaahosny** · 13-10-2013 01:47 AM

طب ماتكشف عليها كمبيوتر عند واحد متخصص فيات وحط تحت متخصص الف خط وهو يشوفلك هل فى حساس بايظ او حاجة مش مظبوطة

**magdy_momo** · 21-10-2013 02:33 AM

انا هروح ان شاء الله عن رشاد بتاع الحرفيين .. بس عايز يوم فاضي عشان انا من الاسماعيلية :( و لو عندك فكره المساعدين اللي ورا يعملو كام استعمال قولي عشان حاسس ان العربية خفيفة من ورا

**ozy2026** · 24-10-2013 02:05 PM

الف مبروك عالعربيه
بالنسبه للمبه الهاند اكشف على زيت الفرامل والتيل
ولمبه التشيك دى كده يبقى فى لمبه فاصله عندك قدام او ورا بص عليهم كلهم حتى لمبه النمر ___يا اما حد مغير لمبه صفرا ومركب مكانها لمبه بيضا او ليد
عداد التريب مش فاهم قصد حضرتك بس غالبا هو فيه مشكله لانه المفروض مبيعملش كده هو بس بيجيب شرط لما البنزين بينقص عالاخر فم بيعرف يحسب كميه البنزين دى هتمشيك اد ايه
بالنسبه لظبط الساعه هو من الزرارا اللى تحت التريب بتفضل دايس عليه هتلاقيه بيمش بسرعه
وعداد التريب بتفضل دايس على زرار التريب شويه هيصفرهولك
بالنسبه للعزل انا شايف ان تقفيلها كوي اوى واحسن من عربيات كتير اعلى منها غالبا هتلاقى عندك كاوتش باب بايظ او ممكن تكون الشبابيك اللى ورا مش مقفوله عالاخر بتعمل صوت مزعج برضه او كاوتش الشنطه مقطع
واخر نقطه دى لازم تحطها على جهاز تكشف عليها

**magdy_momo** · 27-10-2013 06:19 PM

متشكر جدا لحضرتك انا فعلا لقيت لمبة الهاند من الحتة اللي بنزود فيها زيت الباكم الفيشه كانت متوسخه و اتنضفت و اللمبة بطلت تنور ع الفاضي و المليان .. و موضوع التنتيشة و التتليتة طلع طرمبة البنزين بتودع و محتاجة تتغير بس خايف اسأل عليها عشان متصدمش و لمبة شيك النور مكسل اروح اعملها :d بس عموما هي عربية محترمة و عجبتني .. و موضوع العداد ده هحاول ادخل العربيه كمبيوتر بس لما اسافر القاهرة ان شاء الله :)

**magdy_momo** · 30-10-2013 08:01 PM

المشاركة الأصلية كتبت بواسطة ozy2026

الف مبروك عالعربيه
بالنسبه للمبه الهاند اكشف على زيت الفرامل والتيل
ولمبه التشيك دى كده يبقى فى لمبه فاصله عندك قدام او ورا بص عليهم كلهم حتى لمبه النمر ___يا اما حد مغير لمبه صفرا ومركب مكانها لمبه بيضا او ليد
عداد التريب مش فاهم قصد حضرتك بس غالبا هو فيه مشكله لانه المفروض مبيعملش كده هو بس بيجيب شرط لما البنزين بينقص عالاخر فم بيعرف يحسب كميه البنزين دى هتمشيك اد ايه
بالنسبه لظبط الساعه هو من الزرارا اللى تحت التريب بتفضل دايس عليه هتلاقيه بيمش بسرعه
وعداد التريب بتفضل دايس على زرار التريب شويه هيصفرهولك
بالنسبه للعزل انا شايف ان تقفيلها كوي اوى واحسن من عربيات كتير اعلى منها غالبا هتلاقى عندك كاوتش باب بايظ او ممكن تكون الشبابيك اللى ورا مش مقفوله عالاخر بتعمل صوت مزعج برضه او كاوتش الشنطه مقطع
واخر نقطه دى لازم تحطها على جهاز تكشف عليها

ظبطت عداد التريب و الساعه الحمد لله زي ما قلت .. بس ناقص الالارم اللي بيروح و ييجي في العداد ده ,,, بالنسبة لموضوع التبطيل و التنتيشة طلع في سلكين بوجيه بيهربو كهربا و لفيت علي 2 ميكانيكانية و كهربائي و محدش كان عارف العيب و عملها عيل صغير عنده 20 سنة :d
و الحمد لله العربية شغاله كويس و متشكر جدا ليك :)

الموضوع: مالك جديد للبونتو 2001 و شوية استفسارات

LinkBack

أدوات الموضوع

عرض

المواضيع المتشابهه

مالك جديد للميجان 2 وعندي شوية اسئلة اتمني تجاوبوني عليها

شوية استفسارات بخصوص الاكسيل (مشتري جديد )

أصدقائى ملاك الكيا سيراتو - شوية استفسارات من مالك لكيا سيراتو - ارجوكم

شباب شوية استفسارات كتييييير بعد شراء البولو 2001 + صور

الكلمات الدلالية لهذا الموضوع

المفضلات

المفضلات

ضوابط المشاركة