| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 17

  1. #1

    الصورة الرمزية falak

    رقم العضوية : 56232

    تاريخ التسجيل : 19Dec2009

    المشاركات : 202

    النوع : ذكر

    الاقامة : القاهرة

    السيارة: Optra A/T 2009

    السيارة[2]: Juliet

    دراجة بخارية: لا يوجد

    الحالة : falak غير متواجد حالياً

    افتراضي تجربة ،، للإفادة - Facebook Twitter whatsapp انشر الموضوع فى :

    hasad">

    أكتب هذا الموضوع للإفادة
    في صيانة الـ 70000 للأوبترا ،، وحيث إني كنت مسافر بعدها إلى الأسكندرية
    رحت لمركز صيانة ( غير معتمد ) عشان يعمل الصيانة ( كاملة )
    راح مغيّر زيت ، وفلتر زيت ،، وبس
    وقاللي الحساب 420 جنيه .. تمن الزيت والفلتر والمصنعية
    طب ليه كل ده .. أصل احنا عملنا روتيشن للعجل ، وربطنا عفشة ، ونضفنا البوابة بسبراي من عندنا ومش هانحاسبك عليه ، وعملنا ريجلاش لفرامل اليد .
    المهم ،، دفعت ،،
    ورحت أرصص العجل ، واظبط زوايا ،، أكتشف إن العجل ماتعملوش روتيشن ولا حاجة .
    وبعدين روّحت ،، وانا ماشي على الأوتوستراد ، ألاقي العربية بتغربل مني غربلة فظيعة ،، أنا قلت أحد العجلات اتقطع ولا حاجة ،، وللأسف ماكانش ينفع لا أقف ولا أهدي السرعة ،، لإني كنت على الأوتوستراد ،، وورايا تريلات مسرعة جداً ..
    وفتحت زجاج السيارة تأهباً لأي انقلاب والعياذ بالله
    لكن الحمد لله ،، ربنا وفقني إني أمشي بيها شوية ،، لغاية أول واحد بتاع كاوتش ،، قلت له ،، شوفلي فيه إيه ؟
    لسه بيقرب ناحية العجلة ،، قاللي فيه حد رجلش العجل ده قريب ؟؟؟
    قلت له آه .. إمبارح
    قاللي شامم ريحة التيل ؟؟
    وجِس كده الجنط ؟
    لقيت الجنط سخن نار ،، وريحة التيل فظيعة
    المهم ،، طلع إن البهوات بتوع مركز الصيانة عملوا الريجلاش الاهر زيادة عن اللزوم ،، ورحت لميكانيكي عمل ريجلاش من أول وجديد ،، واتحلت المشكلة ،، لتظهر المشكلة الرئيسية محل سبب هذا الموضوع .
    اكتشفت إن عداد الـ RPM مش ثابت ،، وكأن فيه حد بيلعب في دواسة البنزين
    عمّال يطلع على رقم واحد وينزل
    الحقيقة كنت اتخنقت من مركز الصيانة ،، وبجد بجد ،، حسبي الله ونعم الوكيل فيهم
    سألت واحد صاحبي المفروض إنه بيفهم في السيارات ،، حسبي الله ونعم الوكيل فيه راخر ،، قاللي ده البوابة عايزة تتنضف ،، قلت له ،، ماهو نضفوها في مركز الصيانة ،، قاللي ، ياعم شكلهم لا نضفوها ولا حاجة .. أنا هاوديك عند الميكانيكي بتاعي ،، روحنا له ،، فك البوابة بسرعة فائقة ،، وجاب اسبراي ،، ورش بأسرع ما يمكن ( كان مستعجل عشان عاوز يروّح قبل الحظر ) ،، وطبعا قعد يشتملي في اللي عملوا الصيانة قبله ،، وإنهم ماعملوش حاجة ..
    ياللا دوّر ..
    أدوّر ،، آلاقيلك ،، لمبة التشيك إنجين منورة ،، والآر بي إم بدلا ما كان بيلعب بين الواحد والأقل ،، بقى بيلعب بين الـ 3 و الـ 2 وصوت العربية بقى عالي جداً
    أقول له إيه ده ؟؟ يقوللي ،، لأ كده بقى يبقى لازم العربية تتحط على الكمبيوتر ،، طب يا عم الحاج ده أنا جاي لك بيها زي الفل ،، كان بس الآر بي إم بيتهز هزة بسيطة بين الـ 1 و الـ 9. أخرج من عندك بتشيك إنجين !!!
    المهم ،، صاحبي إياه ده ،، قاللي أنا أعرف واحد في مدينة نصر ،، عنده كمبيوتر ،، تعالى نروح له
    رحت له تاني يوم ،، مع تهدئة من صاحبي إن الموضوع هايبقى حساس البوابة ،، وده تمنه حوالي 600 جنيه ،، قلت له يا أخي يعني نصيحتك المهببة هاتغرمني 600 جنيه بالأونطة .
    المهم روحنا مدينة نصر ،، الراجل صاحب مركز الصيانة محترم ،، لكن عنده صنايعي ( حسبي الله ونعم الوكيل فيه هو كمان ) نصاب
    قاللي هانحط العربية على الكمبيوتر ،، حطها ،، وبص فيها ،، وقاللي البوابة عايزة تتغيّر كلها
    طب دي بكام ،، قاللي بـ 2000 جنيه
    رحت باصص لصاحبي ،، قولت له .. حسبي الله ونعم الوكيل
    راح الصنايعي النصاب قاللي ،، وهو باصص في الكبوت المفتوح ،، إنت إزاي ماشي ،، وكوع المياة عامل كده !!!
    - ماله راخر !!
    قاللي ده لازم يتغير ،، ممكن يضرب منك في الطريق
    وبما إني مسافر ،، ومعايا أمي وزوجتي وأولادي ،، فطبعا كنت لازم أوافق على أي حاجة
    - غيّر يا عم الحاج
    راح مغيّر خرطوم المياة ،، وكمان الكوع بتاعه المعدن ،،
    وبعدين قاللي تعالى ننضف البوابة تاني ،، يمكن المشكلة تتحل
    وكالغريق الذي يتعلق في قشة وافقت ،، وبرضه مافيش حاجة اتعملت
    المهم ،، إني الآر بي إم زي ما هو ،، ودفعت حوالي 600 جنيه في تغيير حاجات مالهاش أي لازمة ،، ولا كنت باشتكي منها من الأساس ،، وبرضه المشكلة زي ما هي
    روّحت مع صاحبي ،، وأنا مش طايق أبص في وشه ،،
    المفروض إني مسافر ،، وباعمل صيانة عشان أسافر مطمن
    مافيش واحد أروح له ،، غير لما يبوظ حاجة ،، لم تكن في الحسبان من الأساس
    مشيت ،، وانا ماعرفش أعمل إيه تاني ؟؟؟
    وبعدين جيه في بالي ،، الخطوة اللي المفروض تكون من البداية خالص ،، وهي إني أروح التوكيـل .
    رحت لتوكيل الديب اللي في شارع فلسطين في المعادي الجديدة
    كل الناس اللي هناك مهندسين ،، المهندس ،، لسه باقوله الآر بي إم عالي
    قاللي ،، دي مشكلة سوفت وير ،، المفروض بعد تنضيف البوابة ،، لازم العربية تتحط على الكمبيوتر وتقريباً بيتعملها ريستارت
    تعالى بعد ساعة ،، رحت ،، وطبعا كنت قاعد على أعصابي طوال هذه الساعة
    واستلمت العربية ،، زي الأول ،، والحمد لله ،، الآر بي إم تمام
    والحساب كله بالضريبة ،، 127 جنيه
    وتاني ،، وتالت ومليون ،، حسبي الله ونعم الوكيل في كل من يُفتي بغير علم ، وكل من يعمل مهمة بلا ضمير ،، أو ذمة
    وادي العيش لخبازُه


  2. #2

    الصورة الرمزية lidosasa

    رقم العضوية : 129853

    تاريخ التسجيل : 01Oct2012

    المشاركات : 985

    النوع : ذكر

    الاقامة : دمنهور

    السيارة: سوزوكى ماروتى

    السيارة[2]: كيا ريو

    الحالة : lidosasa غير متواجد حالياً

    افتراضي -

    قدر الله وما شاء فعل . محدش بيتعلم ببلاش
    وربنا يكفيك شر الناس اللى بتفتى

    والله أعلى وأعلم


  3. #3

    الصورة الرمزية abou-yahia

    رقم العضوية : 13633

    تاريخ التسجيل : 26Jun2008

    المشاركات : 5,636

    النوع : ذكر

    الاقامة : Cairo

    السيارة: Optra 2007 AT

    السيارة[2]: Pegeout 406 2004

    دراجة بخارية: لا يوجد

    الحالة : abou-yahia غير متواجد حالياً

    افتراضي -

    الحمدلله

    انت عضو قديم معانا فيه مواضيع كتير عن الصيانه ارجع لها



    afrtow سابقاً
    [B]
    [gdwl] الإمام الشافعي
    إني رأيت وقوف الماء يفسده * * * إن ساح طاب وإن لم يجرِ لم يطبِ
    والأُسد لولا فراق الأرض ما افترست * * *والسهم لولا فراق القوس لم يصبِ
    والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]


  4. #4

    mem

    الصورة الرمزية mem

    رقم العضوية : 41774

    تاريخ التسجيل : 03Jun2009

    المشاركات : 1,594

    النوع : ذكر

    الاقامة : egypt

    السيارة: nassin

    السيارة[2]: opel

    دراجة بخارية: no

    الحالة : mem غير متواجد حالياً

    افتراضي -

    الحمد لله انها جت على اد كده
    والحمد لله ان المشكله اتحلت فى الاخر
    وللاسف دلوقتى معظم الصنايعيه بيفتوا
    التوكيل امان توفير اطمئنان راحه بال


  5. #5

    الصورة الرمزية MOTOR HEAD

    رقم العضوية : 141407

    تاريخ التسجيل : 23Apr2013

    المشاركات : 456

    النوع : ذكر

    الاقامة : السويس

    السيارة: نيو اكسنت 2010

    السيارة[2]: شاهين 1999

    الحالة : MOTOR HEAD غير متواجد حالياً

    افتراضي -

    يعنى معلش مش كفايه صاحبك مضيع وقته وعمال يلف معاك

    يعنى هو هيكسب حاجه منك او من النصاب اللى انتوا رحتولوا

    فيريت تعذره

    اما بالنسبه لحكايه التوكيل فى ناس بره احسن منه بكتير بس انت دور كويس

    اللهم صل و سلم على (محمد)


  6. #6

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,977

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    عالم مبتفهمش


  7. #7

    الصورة الرمزية Eng.Gogo

    رقم العضوية : 149971

    تاريخ التسجيل : 13Oct2013

    المشاركات : 24

    النوع : ذكر

    الاقامة : السعودية

    السيارة: شيفرولية كروز

    السيارة[2]: هيونداى اكسنت

    الحالة : Eng.Gogo غير متواجد حالياً

    افتراضي -

    قدر الله وماشاء فعل والف مبروك على تصليح العطل
    ودايما نصيحتى للى عاوز ينضف tps او البوابة ذى ما بتقول انة يعملها فى الوكالة عشان لازم يفك ساالب البطارية
    وبعد ما ينضف لازم يعمل اعادة برمجة ودى بتبقى سهلة جدا
    طريقة اعادة كمبيوتر السيارة كالتالي :
    1= افتح السويتش بوضع ON يعني انوار التبلوة مولعه
    2= افصل اصبع البطارية السالب
    3= طلع المفتاح من السويتش
    4=بعد 20الى 30 دقيقة ركب اصبع البطارية السالب
    5= سم بالله وشغل العربية

    فالى حصل معاك ان الباشا الى نضف الحساس مفصلش سالب البطارية فحصل الى حصل
    والحساس بينضف فى حالة ان العربية بتفتف وتقطع معاك



  8. #8

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    معلش
    قدر الله وما شاء فعل


  9. #9

    الصورة الرمزية saddam

    رقم العضوية : 96064

    تاريخ التسجيل : 23Apr2011

    المشاركات : 3,658

    النوع : ذكر

    الاقامة : nasr city

    السيارة: more than 300 cars سابقا

    السيارة[2]: now I have 11 cars

    دراجة بخارية: من زمان

    الحالة : saddam غير متواجد حالياً

    افتراضي -

    صديقي المواطن
    الحمد لله مشكلتك حلت
    لكن اﻷمانة الحياتية والتجارب في مصر تحتم عليا أقولك إن أنت حظك وحش وقابلت ناس سيئة في الصنعة ودول عارفين إنهم كتير لكن جملة وتفصيلا التوكيل ليس أفضل الحلول ودائما أسطواته من الصف الرابع والخامس والتكاليف خرافية وإنت عشان عطلك بسيط حلهولك ببساطة بس أي مشاكل تانية حيخلوك تكره.نفسك ونخسر الدنيا واﻵخرة يا راجل يا طيب التوكيلات لعربيات متكونش موجودة كتير ولسه جديده وحاجات معينة غالبا بتكون في ألكترونيات وكهربائيات المحرك غير.كده التوكيل مضيعة للوقت والمال وسرقة من أثرياء المجتمع والضحك على الناس البسطاء وبالتوفيق
    ودمتم للنضال


  10. #10

    الصورة الرمزية aldesha989

    رقم العضوية : 126849

    تاريخ التسجيل : 30Jun2012

    المشاركات : 2,313

    النوع : ذكر

    الاقامة : الأسكندريه

    السيارة: يارب دودج :D

    السيارة[2]: Mazda 121

    دراجة بخارية: ما بحبهاش

    الحالة : aldesha989 غير متواجد حالياً

    افتراضي -

    hasad">

    قدر الله وما شاء فعل وربنا يخلف عليك وحسبى الله ونعم الوكيل فعلآ فى البهايم

    سبحان الله وبحمده سبحان الله العظيم



 
صفحة 1 من 2 1 2 الأخيرةالأخيرة

المواضيع المتشابهه

  1. تجربتي مع الفاميه.... للإفادة
    بواسطة p r i n c e في المنتدى المنتــــــدى العـــــــــــام للسيــارات
    مشاركات: 31
    آخر مشاركة: 19-04-2013, 05:25 PM
  2. للإفادة الجماعية
    بواسطة hany_bendary في المنتدى هـــــــوندا
    مشاركات: 9
    آخر مشاركة: 05-09-2012, 02:42 PM
  3. موضوع سريع للإفادة
    بواسطة Dr.lancer في المنتدى دايــو+شيفرولية لانوس
    مشاركات: 1
    آخر مشاركة: 15-07-2012, 03:43 PM
  4. للإفادة - كار كير جيد جدا
    بواسطة inspiron في المنتدى بـى إم دابـــليو
    مشاركات: 34
    آخر مشاركة: 27-09-2010, 04:34 AM
  5. للإفادة
    بواسطة mohamedway في المنتدى ميتـسوبيـشى
    مشاركات: 0
    آخر مشاركة: 11-09-2009, 01:47 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2