بيجو ٥٠٨ ولا سيڤيك ؟

**Amr hossam** · 15-10-2013 09:43 PM

الحقيقة أنا محتار في شراء سيارة ٢٠١٤ بحد أقصي ٢٤٠٠٠٠
محتار ما بين سيڤيك الجديدة و بيجو ٥٠٨ ..بصراحة البيجو عاجباني أكتر بس قلقان من سعر إعادة البيع بالإضافة إن حد قالي إن عفشة البيجو بتتعب من الطرق بتاعتنا و بتتبهدل بسرعة و تفقد قيمتها
أفيدوني أفاد كم الله

**Haitham G** · 15-10-2013 10:30 PM

بالتأكيد بيجو 508 دى فئة ودى فئة تانية خالص البيجو اكبر و افخم ده ميمنعش ان الهوندا حلوة بس فى فئتها

**saddam** · 15-10-2013 11:27 PM

صديقي المواطن
بإستثناء إعادة.البيع فقولا واحدا البيجو 508 تساوي 2 هوندا سيفيك وليس عيبا في الهوندا بس فئة.ال 508 أعلى أما عن سعر إعادة الفيرنا حضرتك مش.بتقارن بفيرنا يعني الهوندا برضو بتخسر كتير في إعادة البيع ومن وجهة.نظري
بيجو 508 تخسر 50 ألف في إعادة الببع
أحسن من
هوندا سيفيك تخسر 30 ألف في إعادة البيع

الفرق ده حتعوضه في نظرة الناس ليك وفي الفخامة والبرستيج واﻷمان
هذا ما لزم بيانه وﻷجله إقتضى التنويه
وطبعا اﻷخوة المواطنين الزملاء من قسم هوندا زمانهم حيهاجموا موضوعك براجمات الصواريخ ويقلك هوندا طبعا وبيجو منين والقصص دي ونسأل الله الثبات
وبالتوفيق وإلى اﻷمام
ودمتم للنضال

**eleanor** · 15-10-2013 11:49 PM

البيجو ال508 فئه اكبر من السيفيك
وطبعا ده مايمنعش ان السيفيك متفوقه فى فئتها
بس ال508 افضل من السيفيك بكتير

**J A G U A R** · 16-10-2013 02:02 AM

بيجو 508 طبعا

**Hany Saad** · 16-10-2013 02:24 AM

بيجِو ٥٠٨، فولكس فاجن باسات، أوكتافيا a7 ، فولفو s60 ، سيتروين c5 دول فى نفس الفئة و تقدر تقارن بينهم حسب ذوقك و إحتياجاتك.....و فئة سعر ال٢٤٠ ما عدا تقريبا الفولفو
هوندا سيفيك، كيا سيراتو، هيونداى إلنترا، تويوتا كورولا، رينو فلوانس، أوبل أسترا، شيفروليه كروز، سوبارو إمبريزا، ميتسوبيشى لانسر شارك.....دول فى فئة مع بعض أقل من الأولى

**برنس الليالي** · 16-10-2013 03:43 AM

يا راجل إتقي الله انت قصدك تقول بيجو 508 ولا سيتروين ds5 مش هوندا سيفيك !

بص حضرتك ادخل جوا العربية دي وادخل جوا التانية وشوف مدى ارتياحك حتلاقي البيجو من جوا كأنك راكب مرسيدس

بجد فخامة ملهاش حدود الإنتريور بتاعها فوق الوصف من ستيرينج لكونسول لكل حاجة فيها بتوحي للفخامة ومفيش وجه مقارنة بينها وبين السيفيك

السفيك دي تتقارن مع الكورولا 2014 او غيرها زي الاسترا او الـc5 مش البيجو 508 يا برنس

ومن الآخر كدا اعادة البيع للـ508 مش سيئة بالعكس دي ممتازة ولو انها ممكن متكونش زي السيفيك ولكن انت حتتمتع بالفلوس اللي صرفتها على البيجو

عشان حتحسسك بالفخامة والتميز إنما السيفيك فمش زيها بالطبع

واهم حاجة رضائك عن العربية وزي محضرتك شايف الاجماع على البيجو وفي ناس فعلاً هنا جربتها ومفيش كلام على تجربتهم للعربية

**برنس الليالي** · 16-10-2013 04:04 AM

وفي اخ معانا هنا معاه البيجو بيقول ان الموديلات الجديدة عليها تعديل وبقت بتشتغل ببنزين 92 عادي جداً وهي معاه من فترة

وبعد الفحص والمعاينات إتضح ان مافيش اي ضرر حصل من البنزين 92 والاكسليريشن شغال تمام من غير اي تأخير او ضعف في الاداء وممكن تراسل الأستاذ eleanor لإنه مالك للعربية