ليه مياه الرديتر خضرا والقربا حمرا ؟؟!!

**pop man** · 15-10-2013 11:24 PM

انا اشتريت العربيه جديده ولقيت حاجه غريبه الردتير المياه فيه خضرا لكن القربه الميه فيها حمرا وانا مش عارف احط مياه خضرا ولا حمرا ؟؟؟ انا حطيت مياه خضرا قبل كده فى القربه وادانى لون عجيب لان كانت المياه لونها احمر وانا حطيت مياه لونها اخضر
ايه الصح :) وليه الاختلاف ده
العربيه سوزوزكى فان 2013

**saddam** · 16-10-2013 12:18 AM

صديقي المواطن
المهم ليس اللون ولكن مدى تركيز الجليكول كلما إرتفع كلما كان أفضل وهناك إضافات كتير للمياه مش بس ألوان يعني وهناك مياه تتحمل درجة غليان 140 وبالتوفيق ودمتم للنضال
خلاصة القول لا تثق باﻷنواع الرخيصة

**Amr Axel** · 16-10-2013 01:13 AM

هل اتعمل اي صيانات للعربية ؟؟ و يا ريت توضح اللون اللي لقيته في القربة هل لون المية احمر وردي و لا بني محمر
لأن مينفعش الريداتير اخضر و القربة لون تاني لازم هيحصل مزج بين اللونين و اللون الاكتر هيضفي ع التاني لأن دي صبغة مهمتها لو حصل تسريب تعلم لأن المية العادية لما تنشف مبتبنش لكن الصبغة بتعلم و تبان

و اذا امكن تصور المية في القربة و الريداتير عشان نقدر نحدد و خاصة لو ده بداية صدأ في الدورة

**pop man** · 16-10-2013 10:39 AM

متشكر جدا يا جماعه لتعبكم معايا
اللون اللى كان فى القربه احمر وردى بس لما دخل عليه الاخضر اللى فى الردتير بقى احمر مخضر شويه وهحاول اصورلكم القربه والردتير
وياريت تقولولى على نوع مياه يكون مضمون وبكام
اه صحيح هو الموتور تقريبا المونيا فمش عارف اذا كان ده يفرق احط مياه حمرا ولا خضرا
وميرسى لذوقكم كمان مره

**Amr Axel** · 16-10-2013 12:12 PM

طالما احمر وردي خلاص عادي المهم التركيز بس الغريبة يبقي فيه نوعين مية
افضل الانواع المضمونة موبيل و التركيز اللي تستخدمه حسب المكتوب في الدليل

**Amr Axel** · 18-10-2013 11:57 PM

تجيب التركيز المناسب للعربية لأن موبيل تركزين تقريبا واحد 33 % و واحد 50 % و سيبك من حوار اللون ده مجرد لون بس تجيب ساعة لما تيجي تغير مية الريداتير اللي بتتغير كل سنتين او 40 الف كم ايهما اقرب لكن في التزويد زود مية مقطرة في القربة لما تنقص و تجيبها من مكان موثوق فيه طالما مش هتابع اي صيانات مع التوكيل