الموضوع: سعر كورولا 2014

رايى ان سعرها اصلا اكثر من الازم بصراحه لانها ببساطه تقفيل تركى و كماليات كويسه بس هو ده العادى من شركات تانيه و كماليات اعلى كمان من الكورولا بس هى دى ثقافه الشعب فى شراء العربيات

بصوا يا جماعة انا هتكلم عن رويتى الخاصة للموضوع وقد تحتمل الصواب والخطا عند بعض الناس :
اولا / العربية اعتقد سعرها عالى شوية او شويتين بس هو دة حال كل العربيات الجديدة دى حتى الكورى بقى اسعاره مقاربة جدا لليابانى ( مع كل الاحترامى للكورى )

ثاتيا / اى زيادة في السعر للكورولا اعتقد مش هيبقى في مصلحتها خالللللللللللللللص لان ناس كتير هتحول على حاجات تانية ويبقى كدة ادت فرصة ذهبية لكل الناس الى كانت محتار وبتقارن يبقى بغلو سعرها الكفه هتميل نحية الانواع التانية وعلشان كدة انا قولت ضدها لانها هتدخل منافسة سعرية تانية خالص وهتخسر فيها بكل المقاييس لان هتبقى المنافسة شرسة بين خصوم اكثر ضراوه

ثالثا / لو قولنا ان فية حجوزات بالهبل والضغط على الفئة التانية اوتو كتير جدا فممكن السعر يزيد اعتقد صعب في الدفعة التانية الى الناس حاجزة فيها دى لان فية ناس بالفعل استلمت قبل العيد على قديمه على السعر القديم فصعب اوى انها تعلى السعر لان الدفعة دى كلها زى بعضها لو واحد فيها استلم بالسعر الاولى فاالكل لحد اخر عربية في الدفعة هتستلم بنفس السعر انما لو كان فية زيادة في السعر هتبقى من اول الدفعة الثالثة الى هتبدا الناس تحجز فيها ووالناس في المبيعات هيعرفوهم ان فية زيادة او لا قبل ما يشتروا او يحجزوا


رابعا / نقطة الاوفر برايس ليست دليل خالص ان ممكن العربية تغلى في التوكيل او لا لا .
لان الاوفر برايس دة ما هى الا جشاعة من التجار لان عارف ان العربية مش موجودة فبيغنى فسعرها لو كان عنده عربية او اتنين ودة حصل بالفعل لما كانت الفلوانس مش موجودة والحجوزات عليها من شهر 2 او 3 الى فات وبدات تنزل في 8 او 9 وكانت الاوفر برايس 7 او 8 او 10 الاف جنية ولكن بعد ما توفرت في السوق السعر الطبيعى التوكيل نزل وبقت موجودة عادى خالص فدة قياسا على التويوتا

كل الكلام دة تكهنات وليس لها علاقه بس احنا بنحلل الموقف وبنقرا الاحداث وان شاء الله ميبقاش فية زيادة
ولو بتسال على راى الشخصى اعتقد مفيش زيادات ان شاء الله على الاقل في الدفعة التانية الى الناس المفروض تستلم بعد العيد بامر الله