احلى شباب.رشحولى سماعات؟

**Ayman-Ahmed** · 17-10-2013 12:46 AM

السلام عليكم ورحمة الله وبركاته

كل عام وانتم بخير بامر الله.

مركب عندى كاسيت سونى وسماعات الفابريقة الا انها مؤخرا بقت سماعة بتخروش وفيها شخللة غريبة.كدة والله اعلم السماعة ديه بتجيب نهايتها ولا ايه؟

طيب لو الموضوع كدة هل تنصحونى اجيب سماعات سونى بيضاوى ولا كلاريون ولا بايونير؟

وياريت لو امكن اماكن بيع مضمونة وتركيب وفكرة ولو ربنج اسعار حتى؟

بالنسبة لى افضل تناسق الصوت يعنى ولا غاوى بيز عالى ولا تريبل ومش هزود حاجة على السماعات والكاسيت ولا امبلفير ولا جى ام ولا اى اضافات.

معلش طولت عليكوا بس الواحد من غير صوت نضيف وفى الزحمة ديه والشتا كمان على الابواب مش تمام كدة خالص.

**saddam** · 17-10-2013 01:33 AM

صديقي.المواطن
اﻷفضل هو بايونير وتقدر تركب عند أدريان المطبعة شغلتهم وصنعتهم عالية وفرقها عن التوفيقية وإنك تلم الحاجة من بره وتركب عند حد حتفرق بتاع 25% فأنا شايف الفرق ميساويش خصوصا وهم بيكونوا مسؤولين عن سوء التركيب إن حصل
وبالتوفيق وإلى اﻷمام ومن نصر إلى نصر
ودمتم للنضال

**ahmed_m_ashraf** · 17-10-2013 02:39 AM

لو عندك إماكنية تسمع الفرق بين البايونير والكينوود جرب وشوف أنهي تعجبك أكتر، عن نفسي مجرب الكينوود وعجباني بس من أيام ما كانت أندونيسي مش صيني، معرفش الصيني أخباره إيه. وللعلم الجي إم هو الأمبليفاير (جي إم ده موديل في أمبليفايرات بايونير ومن هنا كانت الشهرة بال "جي إم").

**Ayman-Ahmed** · 17-10-2013 02:10 PM

المشاركة الأصلية كتبت بواسطة saddam

صديقي.المواطن
اﻷفضل هو بايونير وتقدر تركب عند أدريان المطبعة شغلتهم وصنعتهم عالية وفرقها عن التوفيقية وإنك تلم الحاجة من بره وتركب عند حد حتفرق بتاع 25% فأنا شايف الفرق ميساويش خصوصا وهم بيكونوا مسؤولين عن سوء التركيب إن حصل
وبالتوفيق وإلى اﻷمام ومن نصر إلى نصر
ودمتم للنضال

مشكور عزيزى المواطن ومعنى كدة ان فروع ادريان يتميزوا بجودة التركيب فلو فرع المطبعة بعيد ممكن اركب عند فرع مصر الجديدة.؟

المشاركة الأصلية كتبت بواسطة ahmed_m_ashraf

لو عندك إماكنية تسمع الفرق بين البايونير والكينوود جرب وشوف أنهي تعجبك أكتر، عن نفسي مجرب الكينوود وعجباني بس من أيام ما كانت أندونيسي مش صيني، معرفش الصيني أخباره إيه. وللعلم الجي إم هو الأمبليفاير (جي إم ده موديل في أمبليفايرات بايونير ومن هنا كانت الشهرة بال "جي إم").

مشكور على الشرح والتوضيح.وللاسف مش هقدر اسمع الفرق بين الاتنين الا اذا كان فيه محلات تسمح بتجربة السماعات وان كان فى العرض عندهم.