محتاج سمكرى فنان - Steel body kit

**mr_green** · 17-10-2013 10:56 AM

أنا طالعة فى دماغى أعمل حبة تعديلات على عربيتى - لانسر بومة 2005- كنت عايز أعمل Body kit

المهم بعد تفكير كثير لقيت إن كل الناس بتعمل فايبر و أنا مش مقتنع بالفايبر خالص لأنى جربته قبل كده فى عربيتى إللى قبلها - أكسنت الشكل القديم فعلا بيدى شكل حلو و كل حاجة بس شكل مؤقت مالحقتش أتهنى بالعربية 3 شهور على بعض و العتب شرخ و الإكصدام نفس الكلام

و مش هاقول عيب صنايعى لأنى لفيت على كذا حد مشهور - المشكلة إن الفايبر بيشرخ مع الخبطات مش بيطبق ذى الإكصدام الفابريكة مثلا و بترده بالتسخين لآ بيشرخ و يتلحم و بيبقى شكله وحش جدا

جاتلى الفكرة إنى أعمل Steel Body kit

و لاقيت فعلا فيه ناس بتعملها بره بس دى عايزة سمكرى دماغه نضيفه و شغله تمام

الإفادة من القصة دى:

1- شكل جميل و جامد للعربية

2- تعديل الإكصدامات و العتب بحيث تكون شكل حلو و قوى فى نفس الوقت مش تتشرخ أو تقع من التريحات

السؤال حد يعرف سمكرى جامد يعمل كده ؟؟

أثناء بحثى على المنتدى هنا لقيت موضوع قديم لأخ فاضل عمل إكصدام عربيته كده عند سمكرى إسمه محمد حركة فى السلام و شكر فيه جامد - المهم أخدت رقمه و فرحت جدا و قولت وجدتها و إتصلت عليه - قالى أنا قفلت الورشة و غيرت المجال عشان السن و مبقتش أقدر ذى زمان

ياريت لو حد يعرف سمكرى يعرف يقوم بالمهمة دى بنضافة و بيفهم كويس يكتب إسمه و رقمه أو يبعته على الخاص لو ده يعتبر إعلان أو لا يتماشى مع قواعد المنتدى - بس ياريت إللى يوصى بحد يكون مجربه أو عارف شغله و يقول جربه فى إيه

و كل عام و أنتم بخير :)

**eng.octooo** · 17-10-2013 05:25 PM

هيا الفكرة جميلة مافيش كلام :) بس ارجع اقولك الفيبر ارخص واسرع لا قدر الله لو حصل خبطة تقدر تشيلة وتجيب غيرة بسرعة اما الستييل هاتضطر تركن العربية لحد ما تعمل واحد تانى بس لو الفكرة داخلة دماغك ابححححححث وهاتلاقى طلبك ان شاء الله

**shawke hamed** · 18-10-2013 12:48 AM

فكرة جامدة

**eslamrace** · 18-10-2013 01:05 AM

بص هى فكره كويسه بس هتقابلك شويه مشاكل اولا تلاقى صنايعى محترف ويكون خلق واسع علشان الموضوع حياخد وقت ومجهود وبعد كده هتقابلك مشكله ان الحديد حيتقل العربيه معاك فى الوزن فحيأثر على العفشه والموتور وبعد كده لو افورت فى التعديل حتقابلك مشكله المرور لان الحديد حيبقى ملفت للنظر
لو قدرت تلاقى صنايعى كويس وان شاء الله تلاقيه ممكن تتغلب على الوزن بتعديل العفشه ومتقرسش على الموتور والمرور لو ليك سكه فيه يبقى توكل على الله
واتمنالك التوفيق وحستنى اشوف موضوعك عن بدايه التعديل وعلى فكره اعظم صنايعيه فى التعديل فى المنصوره لو حد يفيدك من هناك توكل وانت متطمن .
تحياتى.

**تامر.محمد** · 18-10-2013 02:27 AM

انا ما عنديش معلومات تقريبا عن القصة خالص , فتقريبا بافتي , لكن خد بالك هايقابلك مشكلتين بعيدا عن الصنعة خالص

1- وزن جسم العربية بعد الموضوع ده لازم تعمل حسابه
2- نفس مشلكة الديفيندر , لو لا قدر الله خبطت حد بالعربية , هاتدغدغه

**abou-yahia** · 18-10-2013 02:53 PM

الاستاذ صدام ممكن يفيدك ان شاء الله

**mr_green** · 20-10-2013 09:26 AM

يا جماعة بالنسبة للوزن مش هاتفرق فرق محسوس خالص

أنا عملت حسبة للمتر المربع من الصاج المجلفن سمك 1 مم بالتقريب يوزن 2.5 كجم هانقول بالشغل و الكيرفات هايوزن8 كجم للإكصدام ؟؟ يعنى فرق غير محسوس بالمرة

أصدقك لو أنا عامله حديد مش صاج مجلفن شكلى هاعمله إستنلس فى الآخر هههههه

مازال جارى البحث عن الصنايعى المتمكن من شغلته و الله المستعان و أشكر كل من حاول أن يرد أو يشجع أو يدلى بوجهة نظره و عما قريب أكيد هاوصل لحاجة الموضوع بس مسألة وقت و أنا اليومين دول وقتى ضيق حبة غير إن أجازة العيد كل الورش قافلة