سير الكاتينة اتقطع

**Ahmed Mubarak** · 17-10-2013 12:59 PM

السلام عليكم

اولا الحمد لله على كل شىء

اول يوم العيد الحمد لله وانا ماشى على طريق السويس لقيت العربية بطلت فجأه ادوس بنزين مفيش اى استجابة كنت ماشى على 60- 80 كم افتكرت انها قطعت بنزين اتصلت باحد الاصدقاء وجابلى بنزين وادور مفيش اى استجاية .
فتحت الكابوت وخليت حد يدور العربية لقيت صوت تخبيط اوبااااااااااااااااا
المهم حاولت انى اشيل الكافر بتاع سير الكاتينة وهنا كانت الصدمة
هو فين سير الكاتينة
سير الكاتينة ملوش اى اثر
الحمد لله على كل شى قطرت العربية من بنزينة وطنية اول طريق السويس لحد البيت وركنتها
كلمت اخى العزيز ايهاب منصور وقاعدنا ندردش شوية وكانت النتيجة انى هحاول ان شاء الله اركب سير تانى واجرب واشوف وفى حالة الفشل هاركب طقم صباب يا وش كامل

نصيحة التزموا بميعاد الصيانات الدورية - انا كنت مقضيها على الاخر

على العموم هاشوف الميكانيكى هيشتغل امتى وهاوفيكوا بالاخبار ان شاء الله

**ehab_mansour** · 17-10-2013 02:03 PM

الحمد لله ...

قدر الله و ما شاء فعل .... تعرف ان صوت التخبيط هو الدليل الوحيد اللي مطمني انه احتمال ميكنش حصل حاجه للصبابات .... ربنا يسترها .... و تطلع بسيطة
و كمان ان عربيتك 8 فالف مش 16

لأن عربيتي لما اتقطع السير و وقتها كنت ماشي 140 - 150 لما احاولت ادور كانت العربية ناعمه جدا و صوت المحرك ناعم خالص لأن طبعا الصبابات كلها عندي اتدقدقت و اتعوجعت و بعدت عن وش البساتم بسبب القطع علي سرعه عالية لكن ان شاء الله عندك تبقي تمام

لو محصلش و مبقتش تمام يبقي انصحك تسقط جديد علي نضافه لأنك عارف حالة محركك و عارف انه الصيانه فيه مش محبذه و انت عارف انها هتوصل لكتير يبقي نزود و ننضف خالص احسن و تبيع اللي ينفع من موتورك و تشتري دماغك

و بالتوفيق لك و للجميع يا صديقي العزيز

**Silent~Dream** · 17-10-2013 02:11 PM

قدر الله و ما شاء الله فعل وربنا يقويك على المصاريف و الصيانه الدوريه مهمه جدا طبعا

**Elawany13** · 17-10-2013 06:26 PM

لا حول ولا قوة الا بالله
قدر الله وماشاء فعل

**hossamalsadik** · 17-10-2013 07:02 PM

الحمد لله على كل حال
اتمنى تكون بسيطه وفى حالة الأصلاح أورمه جديده

**hossamalsadik** · 17-10-2013 11:35 PM

سير الكاتينه بيتغير كل 60 الف كم بس احنا بنغيره كل 40 الف للأمان
اعتقد ان ماركة التوبران كويس

**Karim Ibiza** · 18-10-2013 01:23 AM

قدر الله وما شاء فعل

للأسف سير الكاتينة من الأشياء اللي بتبوظ بدون مقدمات وبدون سابق إنذار
عمر افتراضي بحت

ان شاء الله تكون بسيطة

**ehab_mansour** · 18-10-2013 03:09 PM

المشاركة الأصلية كتبت بواسطة eemmoo

الحمد لله قدر الله وما شاء فعل وان شاء الله تكون بسيطه
.

طيب مفيش طريقه اقدر اكشف بيها على سير الكاتينه واعرف اذا كان محتاج يتغير او مش محتاج عشان انا برده مكبر دماغى خالص من مواعيد الصيانه. ووهو سير الدينامو برده خطر كده لو اتقطع
.
وياترى ايه انضف نوع سير كاتينه ويتجاب منين

انصحك تغيره قريبا لأن انت اساسا مشيك كله داخل البلد و سير الكاتنية بينشف مع مرور الايام زيه زي الكاوتش حتي لو مشيش الكيلومتر المناسب ليه

المشاركة الأصلية كتبت بواسطة hossamalsadik

سير الكاتينه بيتغير كل 60 الف كم بس احنا بنغيره كل 40 الف للأمان
اعتقد ان ماركة التوبران كويس

عندي في الكاتالوج كل 90 الف و ماركة توبران بكرهها و صيني زيها زي وكيلها فتح الباب اللي بكرهه من اول ما ركبت الابيزا اشتريت من عنده بلية شداد كاتينة توبران بايظة ب 250 جنيها وقتها مكنتش افهم قوي في الموضوع

نصيحة اشتري كونتيننتال او بوش او دايكو ايطالي دول انضف انواع السيور و اهم شيء يكون انتاج قريب مش قديم زي ما اتقطع عندي

المشاركة الأصلية كتبت بواسطة karim ibiza

قدر الله وما شاء فعل

للأسف سير الكاتينة من الأشياء اللي بتبوظ بدون مقدمات وبدون سابق إنذار
عمر افتراضي بحت

ان شاء الله تكون بسيطة

فعلا و كمان نصيب يعني انا اشتريت السير و غيرته و مشيت 23 الف كيلومتر و اتقطع و السبب انه كان ناشف و قديم و تاريخ انتاجه قديم لذلك بحذر الجميد انه لما يشتريه يكون انتاج حديث زيه زي الكاوتش بالضبط ... نفس الفكرة تماما

-

-

الموضوع: سير الكاتينة اتقطع - ابيزا 2000

LinkBack

أدوات الموضوع

عرض

سير الكاتينة اتقطع - ابيزا 2000 - انشر الموضوع فى :

-

-

-

-

-

-

المواضيع المتشابهه

سير الكاتينة اتقطع يا جدعاااااااااااااان

سير الكاتينة اتقطع...وما بعد ذلك...

سير الكاتينة الجديد اتقطع في الويرا 2004

سير الكاتينة اتقطع!!

الكلمات الدلالية لهذا الموضوع

المفضلات

المفضلات

ضوابط المشاركة