صيانة ال٥٠٠٠ اعملها ولا لا ؟؟

**HHALAWANY** · 18-10-2013 03:02 AM

شباب ونسور السوزوكي الكرام
كل سنة وانتم طيبين وعيد سعيد عليكم كلكم ان شاء الله
من شهر ٧ اللي فات انا كنت فاكر اني قربت على صيانة ال٥٠٠٠ وكنت سألت كام سؤال كده. ....
المهم طلع لسة بدري وانا لسة يادوب واصل لل٥٠٠٠ النهاردة
سؤالي هنا بقا
دلوقتي انا كنت مغير زيت 10000 مش ٥٠٠٠ وده معناه اني لما اروح الصيانة مش هغير زيت
تاني حاجة انا كنت عامل سنترلوك وانزار وكاسيت وطقم سماعات بره التوكيل وبكده خرجت العربية من ضمان الكهربة
وأساسا انا الحمد لله مش بشتكي من كهربا العربية في حاجة ،، ياعني ده معناه اني لما اروح التوكيل مش هيلعبوا في الكهربة
كده فاضلي تظبيط العفشا ده لو محتاجة تظبط ولاوني مش حاسس بحاجة غلط او صوت غلط مثلا ، وعلى ما سمعت انهم مش بيعملوا فيها حاجة وان دي شكليات مش اكتر ،،، وفضلي كشف على السوائل وتنظيف فلتر الهوا

هل كده انا برضوا محتاج اروح التوكيل ولا ممكن اعمل الحاجات البسيطة دي برة عادي ؟؟؟؟؟؟
وشكرا

**M I D O** · 18-10-2013 04:43 AM

صيانة ال 5 الاف مش هتكلفك كتير اعملها في التوكيل احسن عشان يبقي معاك وقت لصيانة ال 10 ولو لاقدر الله قابلك مشاكل التوكيل يشيلها

**Amr Axel** · 19-10-2013 12:00 AM

طالما حاطط زيت تخليقي يبقي صيانة الـ5000 المفترض تبقي تنضيف فلتر هوا و تربيط عفشة و فحص سوائل حاجات كلها بسيطة يعني
بس تنبه انك حاطط زيت تخليقي اللي بيتقال عليه 10000 عشان ميغيروش

**HHALAWANY** · 21-10-2013 12:37 PM

شباب ، مازال ماحدش افادني او رد على سؤالي .. مش متعود منكم على كده :)

**dr.hazem** · 21-10-2013 04:22 PM

انا لو مكانك مش هروح التوكيل ولا هفكر فيه...
ساعات التوكيل بيغير البوجيهات على 10 آلاف وانا لا انصح بكده...
وهيلعبولك في الكهرباء ده داء عندهم :-D
وهتطلع تلعن اليوم اللي رحتلهم فيه...
وطالما عربيتك خرجت ضمان كهربا والعيب الشهير الغريب في اسطوانة الدبرياج هما مش كعترفين بيه وبيقولو انه بره الضمان فكدة مش فاضل حاجة تخاف عليها غير الماتور:-D بعيد الشر عنك...
انساهم ياغالي...
تحياتي

Sent from my Xperia Arc S using Forum Runner

**dr.hazem** · 21-10-2013 05:27 PM

المشاركة الأصلية كتبت بواسطة HHALAWANY

ههههههههههههههههههههههههه ه
حبيبي يا دوك والله .. ليك واحشة يا راجل :)
انا مستني ردك ده من بدري ....

طب بقا معلش هتعبك معايا شوية وتقولي اروح عند مين واعمل ايه بين قوسين (بالظبط) ;)
شكرا

كصيانه 5آلاف مفيش حاجة :-D
جدول الماروتي كل 10 آلاف كيلو
كل اللي ممكن تعمله تبص عالميه وتزودها مقطرة لو محتاجه..
لو بطاريتك سايله شيك على ميتها وبرضو تزود مقطره
شيك على مستوى الزيت
ونضف فلتر الهوا عند اي بتاع كاوتش وعند نفس بتاع الكاوتش رصص واعمل تدوير تجيب اللي قدام ورا واللي ورا قدام على شكل اكس وانسى على كده
وحتى العفشه مش محتاجة دلوقتي حاجه بتتربط كل 10
عيش حياتك
ده اللي بعمله لنفسي مش اكتر...
هل عندك اي ملاحظات عالعربيه او أداءها؟؟؟
تحياتي

Sent from my Xperia Arc S using Forum Runner

-

-

-

-

الموضوع: صيانة ال٥٠٠٠ اعملها ولا لا ؟؟

LinkBack

أدوات الموضوع

عرض

صيانة ال٥٠٠٠ اعملها ولا لا ؟؟ - انشر الموضوع فى :

-

-

-

-

-

المواضيع المتشابهه

صيانة ال 30000 اعملها فى التوكيل و لا اطنش

انا عربيتى خليجى وعايز اعملها صيانة

صيانة 5000كم اعملها ولا ايه

صيانة ال 20000 اعملها فين من رئيكم ؟؟؟

صيانة ال 5000 كم اعملها فين ؟

الكلمات الدلالية لهذا الموضوع

المفضلات

المفضلات

ضوابط المشاركة