اقصي سرعة

**man_hero** · 18-10-2013 05:16 PM

السلام عليكم

انا معايا بريليانس v5 هاي لاين لسه شاريها من شهرين ونص تقريبا وعامل حوالي 4500 كم

انا كنت سايق علي طريق مفتوح وقلت اجري بيها شوية وجبت بيها 160 كم/ساعة بس لاحظت ان عداد الار بي ام كان علي 3.5 - 4 ولاقيت استهلاك البنزين 13-14 لتر/100 كم
قلت انقل الفتيس مانيوال عشان اشوف انا علي ناقلة كام .. لاقيتني علي 4 مش 5 عشان كده بتحرق بنزين كتير .. قلت اخف رجلي شوية من علي البنزين عشان تنقل علي الخامس لوحدها وفعلا نقلت بس مكنتش راضية تزيد عن 140 كم/ساعة ولو دوست بنزين اكتر عشان تزود السرعة بتسقط النقلة لـ 4 تاني

قلت اجرب انقل علي 5 مانيوال وادوس بنزين نقلت بس لاقيت دواسة البنزين بتقف ومبتزدوتش بنزين طالما العداد علي 120 كم/ساعة

سؤالي : هل ده طبيعي في العربية ؟ وانا لو عاوز اجري علي 150 كم/ساعة مثلا وفي نفس الوقت محرقش بنزين وتكون علي النقلة الخامسة اعمل ايه؟

**midoelmodamer** · 18-10-2013 07:30 PM

ممم طب مش ينفع يا باشا تحرق على الرابع وتوصل للسرعة اللى انت عايزها وبعدين تنقل للخامس مانيوال وتحافظ عليها وكدة هيحفظلك الاستهلاك ؟

**د.عماد صلاح** · 18-10-2013 07:48 PM

شوف سرعه العربيه مرتبطه بحاجات كتير ...نوع البنزين و كفاءه زيت الموتور وتنظيف الفلتر و اتجاه الهواء و طريقه الوصول للسرعه ...والوصول التدريجي افضل بكثير

**M I D O** · 18-10-2013 09:52 PM

الواضح ان العربية عزمها في الغيار الرابع و الخامس بيريح الموتور بس مالوش لازمة زي اسبرانزا ام 11 كدة نفس الوضع و 160 شكلها السرعة القصوي للعربية بس ممكن توصل ل 180 لو الهواء في ظهرك وهتجبهم علي الرابع ولو اديتها الخامس هيريح المحرك وتلاقي العربية نزلت ل 140 واعتقد العربية كدة مالهاش حل