اسباب استبعاد المازدا ٣

**ashrofa72** · 18-10-2013 08:04 PM

يا جماعة انا من فترة عملت مقارنة بين شراء اوبل استرا ٢٠١٣ ومازدا ٣ ٢٠١٣ وبصراحة الاتنين معجب بيهم لكن في شوية حاجات او مميزات كده ترجح كفة كل واحدة على التانية الاتنين انا قريت قطع غيارهم غالية الاتنين مش منتشرين اوي يمكن الاوبل منتشرة شوية .لكن الاعضاء قالو سيبك من المازدا يا ترى ايه الاسباب في السوق المصري خلت الاعضاء يفضلو الاسترا على المازدا ٣.
انا لقيت المازدا فيها كل حاجة كروز كنترول فتحة سقف زينون بلوتوث لكن الاسترا مفهاش فتحة سقف ولا زينون ولا بلوتوث.
ايه رأيكم يا جماعة بصراحة انا ناوي على الشراء اليومين الجايين ورجاء الرد بسرعة مين الافضل مع مراعاة ان المازدا ٣ فيها توفير شوية في الفلوس .

**AmericanMuscle** · 18-10-2013 08:15 PM

المازدا يابني و عربية محترمة جدا و قطع غيرها أكيد ارخص شوية من الأوبل. الاسترة طبعا تحفة لكن شكلها الخارجي بالنسبة لي رخم كده و مش شبابية زي المازدا 3. أنا ركبت المازدا 3 و احب أقولك إنها ممتعة جدا جدا جدا زي الفوكس اللي معايا بظبط و يمكن أحسن كمان و عملية أكتر. و مين قال إن المازدا 3 مش منتشرة, يمكن الشكل الجديد اللي هو فيه الفوانيس اتغيرت منتشرش بسرعة لكن الشكل القديم اللي كان فيه الفوانيس اللي ورا مدورة منتشر جدا. و في الحالتين أنت مش خسران حاجة العربيتين محترمين جدا و أدائهم عالي.

**ashrofa72** · 18-10-2013 09:19 PM

المشاركة الأصلية كتبت بواسطة americanmuscle

المازدا يابني و عربية محترمة جدا و قطع غيرها أكيد ارخص شوية من الأوبل. الاسترة طبعا تحفة لكن شكلها الخارجي بالنسبة لي رخم كده و مش شبابية زي المازدا 3. أنا ركبت المازدا 3 و احب أقولك إنها ممتعة جدا جدا جدا زي الفوكس اللي معايا بظبط و يمكن أحسن كمان و عملية أكتر. و مين قال إن المازدا 3 مش منتشرة, يمكن الشكل الجديد اللي هو فيه الفوانيس اتغيرت منتشرش بسرعة لكن الشكل القديم اللي كان فيه الفوانيس اللي ورا مدورة منتشر جدا. و في الحالتين أنت مش خسران حاجة العربيتين محترمين جدا و أدائهم عالي.

الفكرة برضو مش منشرة في الخليج زي التويوتا والنيسان انا بقيت ادور عليها بين العربيات هيا موجودة بس قليلة اكيد في سبب لعدم انتشار المازدا 3 في مصر والخليج.

**matrix_ahlawy** · 18-10-2013 10:49 PM

بتقارن بين انهي فئة في كل عربية ؟؟

**ashrofa72** · 18-10-2013 11:11 PM

المشاركة الأصلية كتبت بواسطة matrix_ahlawy

بتقارن بين انهي فئة في كل عربية ؟؟

الكوزمو مع الفئة التانية من المازدا

**matrix_ahlawy** · 19-10-2013 12:31 AM

المشاركة الأصلية كتبت بواسطة ashrofa72

الكوزمو مع الفئة التانية من المازدا

انا ارشحلك الاوبل استرا لكذا سبب, خلينا نقول المميزات والعيوب الاساسية
الاوبل مميزاتها عن المازدا :
1- قوة الماتور و عزمه اعلى
2- نظام الفرامل والتوازن افضل
3- الثبات احسن بردو (بالنسبة للامكانيات)
4- طبعا الكفاءة العالية بالنسبة للالماني عموما

وبالنسبة لعيوبها عن المازدا هي اسعار قطع الغيار و توافرها اعتقد الفرق بردو بسيط يعني مش حاجة كبيرة و عموما الاسترا اغلى شوية بس هتعيش ال 6 7 سنين بحالة كويسة جداااا

**Hosam_Optrawy** · 19-10-2013 01:56 AM

غبور قتل العربيه دى , كأنك بتشترى عربيه ملهاش وكيل ولا ضمان

غير إن العربيه أصلا ملهاش سوق أوى ومش منتشره عامله زى السوبارو كدا , فمش ناقصه كمان الوكيل بتاعها يدمرها

بس عربيه محترمه طبعا

فى كل الأحوال مانصحكش تجيبها دلوقتى والشكل الجديد على الأبواب

**J A G U A R** · 19-10-2013 02:17 AM

المشاركة الأصلية كتبت بواسطة Hosam_Optrawy

غبور قتل العربيه دى , كأنك بتشترى عربيه ملهاش وكيل ولا ضمان

غير إن العربيه أصلا ملهاش سوق أوى ومش منتشره عامله زى السوبارو كدا , فمش ناقصه كمان الوكيل بتاعها يدمرها

بس عربيه محترمه طبعا

فى كل الأحوال مانصحكش تجيبها دلوقتى والشكل الجديد على الأبواب

الشكل ده جامد