نداء (عفوا)
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
دلوقتي القسم دا كان لفتره قريبه كان كله خاص بالبايكس زي الهوندا والياماها والكاوزاكي والسوزوكي والهارلي وغيرها من البايكس المعترف بيها وسط الريسرز فكان الواحد بيدخل ويبقي مستمتع وهو عمال يقرأ المواضيع اما دلوقتي فكل حوالي 5 او 6 مواضيع من البايكس الصيني والهندي وخلافه علي ما تلاقي موضوع بخصوص ريس بجد من الاسامي التقيله وتكون بتقرأ موضوع مثلا عن هوندا 1000 مثلا وفجأه تلاقي الي بعده بخصوص دايون 10 طيب دا اسمه كلام يعني فياريت تعملوا قسم لوحده خاص بالصيني والهندي وغيرهم وقسم تاني خاص بالبايكس اليابانيه والالمانيه والامريكيه عشان كل واحد يبقي داخل دايركتد علي الي هو عايزه مش يقعد يدور في وسط كله
وياريت الكلام دا الاداره تفكر فيه
ولكم جزيل الشكر
(مواطن حلم حياته يجيب هوندا 954)
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
نداء (عفوا)
رقم العضوية : 96064
تاريخ التسجيل : 23Apr2011
المشاركات : 3,658
النوع : ذكر
الاقامة : nasr city
السيارة: more than 300 cars سابقا
السيارة[2]: now I have 11 cars
دراجة بخارية: من زمان
الحالة :
صديقي المواطن
رفقا باﻷخوة المواطنين اﻷقل حظا إنت بتعيش دورة الحياة الطبيعية اللي عشناها في عالم العربيات إسأل جدك لما كان معاه مرسيدس ونزلت العربيات الياباني كان بيقولك دي بتاعت الفقرا ودي عربيات ورق وملزقينها بشريط لحام بعدها الياباني إكتسح زي منته شايف ثم جاء الكوري وكان سائق العربية الكوري عبارة عن مهزلة ونكتة متنقلة أواخر الثمانينات واليوم الكوري زي محضرتك شايف اﻹلنترا واقفه تنافس كورولا والسوناتا واقفة للكامري والجنسس ماسكة عصاية ومستنيه المرسيدس أول الشارع عشان تطلع عليها القديم والجديد ثم جاءت المعجزة من حيث لا تحنسب وجاءت العربيات الصيني وفي أوائلها كانت التكاتك أحسن مثلا من جيلي 2001 وكانت عربيات مهزلة ودلوأتي تعال إتفرج عالصيني عندهم عربيات برقبة عربيات وماركات معروفة كتي ولما تقعد تتكلم عن أحدث المواصفات في العربيات الصيني يطلعلك اﻷسطة فلوكس والصنايعي بتاعه اﻷسطه صنقر الصغير يقلك بس دي سييني بالسين وليس بالصاد
مقصد الكلام المنتدى للجميع لكل ما يمشي على عجلتين ولكل ما يمشي على أربع والناس سواسيه كأسنان المشط والغني يحترم الفقير والكبير يحترم الصغير وبالعكس
وإحنه.لو على كلامك في أقسام العربيات الناس زملاء النضال والكفاح اﻷي معاهم 127 و128 نعمل بيهم إيه دخ على كلامك مش بس نمشيهم من المنتدى ولكن نحطلهم عبوة ناسفة ولت حزام ناسف ولت نقفل القسم بتاعهم ونديهم كشك على باب المنتدى أول شمال بعد اليوترن جنب البلاعة المفتوحة
صديقي المواطن كلهم وكلنا في المنتتدى إخوة وكلنا له حق على اﻵخر وله عشم وهو لو معاه فلوس يروح يجيب هوندا مش يجيب دايون ولا بجاج ولا همر فإحنه نسيبهم معانا دول إخواتنا وإنت أول واحد حتمد إيدك وتساعدهم ﻷني متوسم بيك خير وبكره ربنا يوسع رزقهم ويجيبوا هوندا ولا سوزوكي ولا ياماها
وبالتوفيق وإلى اﻷمام ومن نصر إلى نصر
ودمتم للنضال
ملحوظة عشان متقولش أنا داخل عليك تسلل أخوك اﻷصغر كان معاه كاواساكي 400 جايبه زيرو من اليابان للإمارات فتقبل مروري
رقم العضوية : 62259
تاريخ التسجيل : 15Feb2010
المشاركات : 880
النوع : ذكر
الاقامة : tanta
السيارة: yarbbbbbbbbbb
السيارة[2]: Aveo 1.5 m.t 2009
دراجة بخارية: no
الحالة :
هرفعلك القبعه لاني مش لاقي رد بس انا كنت بطلب شويه نظام وترتيب للقسم زي ماهو معمول قسم لادا وقسم فيات وقسم بي ام بردوه ومرسيدس فكنت عايز الي بيدور علي حاجه ميتعبش كتير في البحش ويبقي عارف مقصده فين مع خالص شكري واحترامي لاحترامك
المفضلات