مشكلة خطيرة في اﻷوبترا ومش ﻻقي حل

**big_bogh** · 19-10-2013 12:49 AM

ارجو من السادة اﻷعضاء طولة البال في مشكلتى
انا عندي رجة جامدة جدا علي السﻻنسيه ومع السرعة العربية بتكن و ترجرج و وتبدأ سرعتها تقل طبعا بركن علي جانب الطريق و ادوس بنزين اﻻقى مفيش استجابة خالص و ال rpm ينزل ..... اه نسيت ساعات مع السرعة و المشوار الكبير تشيك بتنور وممكن تطفي بعد 4 ايام تقريبا
المهم ان انا رحت عند الميكانيكى و دخل العربية ع الجهاز و لقي ان حساس الكامة مدي low signal فتحنا الكابوت ولقينا فيه اسﻻك الحساس عريانة
المهم اني فكيت الفيشة و غيرتها بواحدة استيراد

وقلنا انا و الميكانيكي هو ده اللي عامل المشكلة
بس للاسف المشكلة زي ما هي
الميكانيكى كان عنده ضمير و قالى اروح التوكيل عشان اعمل برمجة للبوابة عشان كان شاكك في البوابة و حب يطلعها من حساباته
روحت للتوكيل واول ماوقغت بالعربية غطاء القربة ضرب مية المهم المهندس قال للعامل خد هواء للدورة .......انا مش عارف الكﻻم ده صح وﻻ ﻷ....... المهم خدنا هوا من الدورة بس لﻷسف المراوح بعد ما توصل لدرجة التشغيل
تشتغل لمدة 3 ثوانى تبطل ...و هنا كانت الكارثة خ
المهندس قالي وبكل ثقة ..........الكنترول عاوز يتصلح

مع الرغم انه عمل سكان و برمجة للبوابة
ولقي ان حساس الكامة مدي no signal
ومن هنا الموضوع ده اكد له ان الكنترول عاوز يتصلح

طب ليه يا بشمهندس ............
قالى حساس الكامة اما يدى no signal يبقي الكنترول عاوز يتصلح

ياجماعة اسف علي اﻷطالة بس ياريت لو حد عنده حل يفيدني .................وشكرا

**M I D O** · 19-10-2013 12:57 AM

هية العربية في الضمان يا باشا ولا لا ولو في الضمان لية صلحتها برة ومروحتش التوكيل علي طول

**aldesha989** · 19-10-2013 01:27 AM

صلحه على ضمانتهم يعنى لو طلع عيب تانى قولهم مش مسؤل

**big_bogh** · 19-10-2013 01:40 AM

المشكلة هل الكنترول عطﻻن و ﻻ حساس الكامة ولو حساس الكامة فيه منه جديد وﻻ استعمال افضل ارجو اﻷفادة

**amrelsaqqa** · 19-10-2013 01:47 AM

هو التوكيل توكيل ازاى ، ما يجربوا بأي كنترول من عندهم ولا يشوفولهم اي صرفة !
المهم انت تستلم عربيتك شغالة وتدفع حق الحاجات اللى اتكلفتها ، كونهم مش عارفين من الكنترول ولا مش من الكنترول دى خيابة منهم اصلا والمفروض انها مش مشكلتك انت
وبعدين كنترول ايه اللى يتصلح بـ 1300 ، على حد علمى مفيش حاجة اسمها كنترول يتصلح ، لو اتأكدت ان المشكلة منه ، بتجيب واحد استيراد على بعضه ع التجربة ، لان ده ما فيهوش لعب ولا تصليح

انت لو رحت لميكانيكى نضيف وقلتله القصة دى ممكن يتصرفلك في كنترول وتجربوا بيه ولو ثبت ان المشكلة منه تنزلوا تجيبوا بداله استيراد

**Mostafa.Mahran** · 19-10-2013 02:00 AM

موضوع المية الى بتضرب من القربة ده موضوع عادى جدا و بيتكرر مع ناس كتير

والحساس ده المفروض التوكيل يجرب حساس من عندهم و لو هو السبب تبقى تشترى جديد

**big_bogh** · 19-10-2013 02:04 AM

المشاركة الأصلية كتبت بواسطة amrelsaqqa

هو التوكيل توكيل ازاى ، ما يجربوا بأي كنترول من عندهم ولا يشوفولهم اي صرفة !
المهم انت تستلم عربيتك شغالة وتدفع حق الحاجات اللى اتكلفتها ، كونهم مش عارفين من الكنترول ولا مش من الكنترول دى خيابة منهم اصلا والمفروض انها مش مشكلتك انت
وبعدين كنترول ايه اللى يتصلح بـ 1300 ، على حد علمى مفيش حاجة اسمها كنترول يتصلح ، لو اتأكدت ان المشكلة منه ، بتجيب واحد استيراد على بعضه ع التجربة ، لان ده ما فيهوش لعب ولا تصليح

انت لو رحت لميكانيكى نضيف وقلتله القصة دى ممكن يتصرفلك في كنترول وتجربوا بيه ولو ثبت ان المشكلة منه تنزلوا تجيبوا بداله استيراد

الله ينور عليك يا معالي الباشا
فيه واحد صاحبي معاه اوبترا مانوال هل ينفع الكترول بتاعه وﻻ الاوتو يفرق عن المانوال
ولو ينفع ......هيحتاج برمجة وﻻ اركبه ع طول .......مع الشكر

**hugan** · 19-10-2013 02:09 AM

شوف احتمال كبير ما يكونش كنترول
المشكله عندك احد مشاكل البوابه الكهرباء
محتاج تروح لكهربائي نضيف الاول يشوف العربيه
ويحطها علي الجهاز
لاءن ممكن تكون المشكله من بدال البنزين
او بلف الفاكيوم
او سنسور الحرار ه داخل طلمبه المياه
او البوابه نفسها محتاجه تغيير
محتاج تجرب كنترول الاول قبل ماتعمل اي حاجه

الموضوع: مشكلة خطيرة في اﻷوبترا ومش ﻻقي حل

LinkBack

أدوات الموضوع

عرض

-

-

-

-

المواضيع المتشابهه

مشكلة خطيرة جدا فى جين تو موديل 2012 وللاسف مشكلة توكيل وصيانة وضمان

مشكلة خطيرة فى الدركسيون

مشكلة خطيرة بالماتريكس

مشكلة خطيرة في فرامل

مشكلة خطيرة في فرامل

الكلمات الدلالية لهذا الموضوع

المفضلات

المفضلات

ضوابط المشاركة