الموضوع: طلب تسعير سيارة

سيارة 200 موديل 78 اوتوماتك رشه بره وتم معالجه الباروما .. عمرة من شهرين كامليات : شاشه dvd وكاميرا خلفية الرجاء من وحوش المرسيدس تسعير السيارة ...
سؤال بخصوص قطع الغيار هل متوفر قطع الغيار لهذا الموديل جديد واستيراد وهل قطع الغيار فى الحرفيين فقط ومن اشهر الصانيعية اللى ممكن ان نثق بهم لصيانه التمساحه ؟؟؟؟؟

معلش الاستفسارات كتيره شويه .. اخوكم جديد فى عالم المرسيدس

صديقي المواطن
قطع الغيار في الحرفيين محلين أو ثلاثة فقط ولها قطع غيار في لازوغلي وأيضا اﻷصل بور سعيد وأنت للأسف راكب أكثر شكل مرسيدس مرغوب في مصر من أول 78 ولغاية 1984 المعدل وليها محلين قطع غيار في الوكالة ومفيش أي مصلح في القاهرة بيفهم فيها صح ممكن اﻷسطة الخواجة وجيه في ترسة الهرم ولكن كل الكلام أعلاه إحنه عمالين نحرق بنزين عالفاضي
المرسيدس المعدل بلدها وشدها ومصلحيها وقطع غيارها وسوقها وبيعها وشرائها في فاقوس الشرقية
الشد زيرو على أعلى مستوى وبأم عيني شفت عندهم عربية شبه زيرو إشتروها ب 75 ألف جنيه

بالنسبة لتسعير عربيتك فيبدأ من 31 ألف ولغاية 42 ألف حسب النظافة ولازم أشوفها وخد بالك من الفتيس ثمنه لوحده 4500 جنيه وبالتوفيق وإلى اﻷمام ومن نصر إلى نصر ودمتم للنضال
ملحوظة عايزك تغيرلي طقم الجنوط بتاعها وتركب طقم جنوط المرسيدس الرئاسي ال 300 موديل 90 حجم 15 شكل العربية حيتغير وأنا في خدمتك