السلام عليكم ورخمة الله وبركاته
انا عضو جديد فى المنتدى واتمنى الافاده بخصوص ستروين ax
الموضوع بختصار انا اول عربيه اشتريتها كانت سيات ابيزا موديل 93 سيستم بورش وكان سعرها 22 الف وكنت فرحان بشكلها وبعد ما جبتها اتصدمت فى كل حاجه قطع غيار نار والناس كلها قالتلى دى عربيه فاشله واخلص منها لانى عانيت منها كتير ومن مشاكلها وكان يومى نصه عند الميكانيكيه
قررت ابيعها ولما جيت ابيع مع اول سمكرى بص عليها طلعت العربيهع اساسيتها مش سليمه وبعتها ب 15 الف بعد 3 شهور لان كمان الموتور كان بيرزع
الحمد لله على كل شىء ومحدش بيتعلم ببلاش
دلوقتى انا عاوز اجيب ستروين ax وقدامى حاجات حالتها كويسه وهاخد معايا حد خبره فيها
بس الصراحه حيران بينها وبين مازدا 323 موديل 82
انا كل الى عاوزه عربيه تودينى من اكتوبر للمعادى كل يوم ومتكنش مشاكلها كتير
لانى والله اتعقدت بسبب اول تجربه مع الابيزا
فى ناس بتقولى الستروين كويسه جدا وفى ناس بتقولى قطع غيار غاليه وحوض ديق ومحدش من الميكانيكيه بيحب يشتغل فيها وخصوصا هنا فى اكتوبر الميكانيكيه على قدهم جدا جدا جدا
انا مش عاوز خساره تانى لان ظروفى الماديه مش قد كده ومقدرش اجيب عربيات واصرق عليها وفى الاخر ابيعها بخساره كبيره زى الى حصل اول مره وفى نفس الوقت مش عاوز اركب 28 والكلام ده عاوز عربيه معقوله وكل الى معايا 20 الف جنيه والمبلغ دا اما ستروين ax او مازدا 323 ومحتار بين الاتنين
واسف على الاطاله
المفضلات