اسعار الصيانات الدوريه ix35

**MTAK** · 21-10-2013 01:50 PM

الاخوه الاعزاء

مما لا شك فيه ان العربيه دى عاجبانى فى فئتها و احسها افضل الموجودين وناس كتير مشجعانى عليها

خاصه بعدما قرأت لمهندس سمير الشهاوى انه بيفكر فيها

كمان من الاعضاء الكرام هنا من يشجعنى عليها

المهم كان العائق او كان عندى قلق فى سعر قطع الغيار و الصيانه

خايف لا يدخلونى فى شريحه كبيره و خاصه انى بصراحه لا اطيق غبور

و لكن على رأى المثل ( ايه اللى رماك على المر .........)

المهم فضلت وراهم شويه على موقعهم على الفيس لحد ما ارسلوا لى تلك الصوره فاحببت ان اشاركم بها

**MTAK** · 21-10-2013 11:42 PM

رجالة الهيونداي

ايه رأيكم في الاسعار

هل عاديه و لا غبور مزودها

**said.d.y** · 23-10-2013 12:51 AM

المصنعيات غالية ، يعنى لية مصنعية ال5/15/25 ال هى مجرد شيك على العربية 300جم،طبعاً هيكون فى كلام تانى لو فى حاجة غير المعتاد بتاع الصيانة عاوزة كشف او تصليح،فى كتير من الماركات التانية ما بتزدش عن 100 :120جم.

**محمد بدر** · 03-12-2013 10:27 PM

المشاركة الأصلية كتبت بواسطة ahmed_adham

الصيانات البينيه في كيا مجانيه اللي هيه 15 و 25 و35 الخ الخ بشرط ان الصيانه الاساسيه اللي قبلها تكون اتعملت في التوكيل.

تاني حاجه صيانات تغيير الزيت والفلتر غاليه جدا على 1068 جنيه وأنا بدفع في نفس الصيانه للكارينز حوالي 450 جنيه يعني أقل من النص وفي عربيه من نفس الفئه تقريبا.

صيانه العشرين ب 1668 جنيه وأنا دافع فيها 850 بتغيير زيت وفلتر زيت وفلتر هوا وفلتر تكييف وبوجيهات.

طبعا الاسعار دي بتزيد سنويا حوالي 10-15% يعني اللي هتلحقهم بالاسعار دي أول وتاني صيانه بس تقريبا.

أخيرا لو العربيه عاجباك وتكلفه الصيانه هيه النقه الوحيده الباقيه لحسم القرار اتكل على الله واشتري لأن اهم حاجه العربيه تبسطك في الأول وفي الاخر بدل متركب عربيه تكلفه صيانتها أقل ومتحبهاش.

استاذي العزيز احمد
انا صعقت بهذه الاسعار خاصتا انا حاجز صيانه ان شاء الله الاسبوع القادم للسبورتاج 20000كم وتقريبا تكلفتها من خلال محادثتي التلفونيه معهم الاسعار زي ما حضرتك قلت تقريبا في حدود 850 جنيه
والله العظيم لو الصيانه وصلت للمبالغ الهبله بتاعه غبور انا هعمل الصيانه بره التوكيل ويغوروا بالضمان بتعهم
انا كان معايا النترا 90000 كم صيانات كلها بره كانت بتكلف ملاليم
لان السياره حتي 100000كم في الاستخدام المعتدل مبتحتجش غير زيوت وفلاتر وتيل فرامل وممكن شويه حاجات عبيطه تانيه
ده في التوكيل بيغيروا البوجيهات علي 20000 كم وانا كنت بغيرها بعد 40000كم وبتكون زي الفل
يلا هي ارزاق

**محمد بدر** · 10-12-2013 08:36 AM

عملت صيانة 20000كم في مركز القطامية خلف محمد ذكي
بتكلفة 700 جنيه فقط
وتم تغيير زيت موتور و فلتر زيت وهوا

والبوجيهات تتغير في صيانة 40000كم
وبصراحة انا شاهدت العربية اثناء الصيانة من شباك المركز. فعلا الناس بتهتم وقررت اكمل معاهم ان شاء الله
وطبعا مش ممكن تمشي من الصيانة وانت مبسوط قوي لازم يطلعلك حاجة ولا حاجتين يضيقوك
1- كان ميعادي الساعة 9ص كنت قبل الميعاد هناك العربية دخلت الصيانة الساعة 11 ص مش عارف ليه ساعتين ضاعو علي الفاضي بالرغم من التزامي بالميعاد واستلمت العربية الساعة 12 ظهرا
2- موتور المياه عطلان العربية استلمتها من غير غسيل