احترس من النصابين .... فى المرور

**husseinoo** · 21-10-2013 06:06 PM

احترس من النصابين فى مرور السلام
--------------------------
شوفو يا جماعة برغم ان الموضوع ده يكسف
وشعور ان الواحد انضحك عليه واتقلب فى فلوس
وطبعا اول حاجة تفكر فيها انك ما تتكلمش فى الموضوع ده عشان الناس ماتضحكش عليك
وبرغم ذلك هههههههههههه
اضحك الاول بدل ما اعيط
هههههههههههه
انا قلت لازم احكى الحوار ده عشان تاخدو بالكم .... وهاكتبه كمان فى نايل موتورز

المهم تدخل على المرور ومن بره يقابلك النصاب
عايز تخلص المصلحة .... هاتكلفك بريزة هههههههه يعنى عايز 100 جنيه
ده بعد ما تفك شفرة البريزة هههههههههه
المهم طيب تعالى على القهوة والواد ليفة هايخلص الورق
هههههههههههههههه
خد بالك من ليفة ..... شوية ويجى ليفة ومعاه ورق مضروب ومغلف بلاستيك
ويقولك العربية عليها مخالفات 650 جنيه
يا عم بتقول ايه ؟
المهم .... بعد ما يقلبك ونحمد ربنا انه نصاب شريف وانه رجع الرخصة
الخلاصة: لو عايز تعمل مصلحة .... لازم تكون مع موظف فى الشباك مباشرة .... غير كده ماتحاولش

ارجوا التثبيت .... ودى اول مرة اطلب تثبيت فضيحة عشان الناس تاخد بالها

مع اطيب التمنيات
اخوكم حسين غزالة

**beshomilan** · 21-10-2013 06:58 PM

انا مش عارف الناس بتستسهل ليه وعايزة حد يخلصلها الورق؟؟
عموما انت كنت جيت معاه للشباك ودفعت فلوس المخالفات بنفسك ورجعت تانى للمكان اللى قاعد فيه وسيبله هو باقى الاجراءات
بس خلاص مفيش مشكله وربنا يسامحه على اللى خده

**haissam24h** · 21-10-2013 07:01 PM

حصلت معايا فى مرور فيصل ولقيتهم بيقولو مش عاوز تخلص وبالحاح هههههه
سعتها كان ورق الماتور لسه مجاش بكل برود هتعرف ترخص العربيه من غير ورق الماتور الجديد قالى لا طبعا
قولتها ريح على جنب لما تعوز تخلص بقا ورق يا شاطر ابقى قولى هههههههه
ودخلت لواحد هناك وبصورة الورق خلصى الورق وثبته عقبال لما يتحول من مرور بين السريات شويه نصابين وخد بالك الموظفين بقا محترمين الوقتى شويه معدا مهندسين الفحص عاوزين ضرب الكلاب مش الجزم

**Omar.Shawki** · 21-10-2013 07:21 PM

الموضوع ده قديم قوى على فكرة فى مرور السلام
معلش محدش بيتعلم ببلاش

**husseinoo** · 21-10-2013 07:42 PM

المشاركة الأصلية كتبت بواسطة beshomilan

انا مش عارف الناس بتستسهل ليه وعايزة حد يخلصلها الورق؟؟
عموما انت كنت جيت معاه للشباك ودفعت فلوس المخالفات بنفسك ورجعت تانى للمكان اللى قاعد فيه وسيبله هو باقى الاجراءات
بس خلاص مفيش مشكله وربنا يسامحه على اللى خده

هو موش استسهال ولا حاجة .... انا عامل توكيل ادارة والراجل كبير فى السن ومريض بالسكر .... واول حاجة تفكر فيها انك تشترى راحتك
قدر الله وما شاء فعل

**husseinoo** · 21-10-2013 07:44 PM

المشاركة الأصلية كتبت بواسطة omar.shawki

الموضوع ده قديم قوى على فكرة فى مرور السلام
معلش محدش بيتعلم ببلاش

ههههههه موش ممكن
انت بتعلم الغيب
هو فعلا اللى حصل كان فى مرور السلام .... هو مرور اسم موش على موسماه ... قال سلام قال
المفروض يسموه اى حاجة ثانية

**husseinoo** · 21-10-2013 07:49 PM

المشاركة الأصلية كتبت بواسطة assaf

شكرا علي التنبيه

العفو على ايه
والله اول حاجة جت فى دماغى انى احذر كل الاخوة برغم ان الموضوع يكسف
لكن للاسف الاعلام موش فاضى للكلام ده
بدل ما يفهم الناس على البلاوى اللى بتحصل كل يوم
فى بيع السيارات ... فى المرور .... فى العقارات والاراضى
النصاب بيكون محترف
والناس البسيطة ممكن يحصل معاها الحوار ده عادى
وربنا يسترها مع الجميع

**husseinoo** · 21-10-2013 07:54 PM

المشاركة الأصلية كتبت بواسطة haissam24h

حصلت معايا فى مرور فيصل ولقيتهم بيقولو مش عاوز تخلص وبالحاح هههههه
سعتها كان ورق الماتور لسه مجاش بكل برود هتعرف ترخص العربيه من غير ورق الماتور الجديد قالى لا طبعا
قولتها ريح على جنب لما تعوز تخلص بقا ورق يا شاطر ابقى قولى هههههههه
ودخلت لواحد هناك وبصورة الورق خلصى الورق وثبته عقبال لما يتحول من مرور بين السريات شويه نصابين وخد بالك الموظفين بقا محترمين الوقتى شويه معدا مهندسين الفحص عاوزين ضرب الكلاب مش الجزم

برافو عليك
تصدق بالله
المفروض كل واحد حصل معاه اى عملية نصب يكتبها عشان الناس تتعلم
وتتعرف على اساليب النصاب الابداعية
وتحترس على قدر المستطاع
برغم ان الموضوع يكسف
لكن والله الراجل قال لى ده انا دخلت جوه وجدت ناس كثيير بتشتكى من النصب
لدرجة امين الشرطة بيقول له "لو شوفت العيال دى مرة تانية ... اتصل بى وانا هانزل امسكهم"
وكان عايز يعطى له 50 جنيه عشان يروح لم وجده راجل كبير وعيان وصعب عليه

الموضوع: احترس من النصابين .... فى المرور

LinkBack

أدوات الموضوع

عرض

احترس من النصابين .... فى المرور - انشر الموضوع فى :

-

-

-

-

-

المواضيع المتشابهه

المرور فى مصر مش وحِش يارجالة ...المرور الأسوأ في العالم.. في مكسيكو سيتي

الظابط فى المرور قالى الفحص والتجديد من المرور الجديد وليس القديم ........ كلام جديد

النصب والسرقه احترس ثم احترس

احترس من النصابين في السوق

ايطاليا اللي هيا مصر وقواعد المرور بمناسبة قانون المرور الجديد

الكلمات الدلالية لهذا الموضوع

المفضلات

المفضلات

ضوابط المشاركة