الحمد لله الموتور فوت

**mahmoudfawzypr** · 22-10-2013 01:41 AM

العربية كانت "تلتت " و بقت بتطلع دخان ابيض من خرطوم الفايظ من قبل العيد وكنت كتبت المشكلة هنا

http://www.nilemotors.net/Nile/382654-a.html

النهاردة رحت لورشة البشمهندس محمد سمير في جسر السويس بس هو مكانش موجود وكان فيه اتنين تانين موجودين مش فاكر اساميهم ......اول واحد شاف العربية قالي جابت موتور ......السبب ايه طيب ...قالي سخنت منك ...قلتله هي بس العداد عدا ال 90 "بملي " مش بشرطة من الشرط اللي في العداد ووقفت فورا (الفيووز بتاع الماروح البلاستيك اللي عليه ساح ومعرفش ليه ) وغيرت الفيوز وساعتها والمراوح اشتغلت علىطول وسبت العربية تهدا .....قالي هو ده السبب ...قلتله يعني تعدي ال 90 بملي الموتور يبوظ ...قالي ااه

المهندس التاني كان بيجرب عربية وجه بعد ربع ساعة وبص وعلاطول قالي موتور انتهي .....وفتح غطا تزويد الزيت نفورة بخار طالعة ...وشال مقياس الزيت لقا دخان طالع برضه

انا معنديش حل غير اني اصلح وصعب ابيع لان انا مبشتغلش و حستلف من اخويا علشان اصلح ولو بعت العربية مش حجيب حاجة كويسة فحلي الوحيد اني اصلحها وتقعد معايا لغاية لما ربنا يكرمني بشغل وابيعها وجيب حاجة احسن

دلوقتي انا مش عارف ايه اللي يتعمل ..هل اجيب موتور كامل مقفول على بعضه ولا شورت بلوك ولا ايه ؟
ومين احسن حد اجيب من عنده والاسعار في حدود كام ؟

**chiko** · 22-10-2013 02:06 AM

للاسف فعلآ الماتور راح . وممكن يتصلح يتعمر يعني ..لكن غالبآ مش هيرجع زي ما كان لانه محتاج واحد فاهم اوي خصوصآ في البورا .. و التكلفه هتكون نفس تكلفة ماتور استراد .. و للاسف ماتور العربيه ده غالي .. هتلقيه في الحرافين عند اكتر من واحد .. و ابعد عن الوكاله .. مش هتلقيه فيها حاجه كويسه .. الوكاله مفهاش غير للموديلات القديمه

**grumby78** · 22-10-2013 02:51 AM

نصيحه من مجرب وفي العربيات الالماني بالذات اوعى تعمل عمره . حتلاقي مشاكل كتير وعمر موتورك ماحيرجع ادائه زي ماكان وحتصرف كتير . جيب موتور استيراد بس لازم يكون مع مختص وفاهم وتحت التجربه . ربنا يوفقك

**eraser** · 22-10-2013 07:52 PM

معلش ربنا يعينك
للاسف انا معرفش تاجر ثقة فى الحرفيين بس فيه ميكانيكى كويس فى جسر السويس ممكن تروحله وهوا ينزل معاك تجيبوا ماتور

**mo3tazanas** · 23-10-2013 12:51 AM

قدر الله وما شاء فعل
بص بسيطة ان شاء اللة هو الحكاية كلها هتتكلف حوالى من 5الف الى 5.5الف هتغير بلوك كامل وهيعمل حوالى 4000الف +مصنعيات +حبشتكنات هتعمل من الف الى الف ونص

**mahmoudfawzypr** · 23-10-2013 02:42 AM

المشاركة الأصلية كتبت بواسطة grumby78

نصيحه من مجرب وفي العربيات الالماني بالذات اوعى تعمل عمره . حتلاقي مشاكل كتير وعمر موتورك ماحيرجع ادائه زي ماكان وحتصرف كتير . جيب موتور استيراد بس لازم يكون مع مختص وفاهم وتحت التجربه . ربنا يوفقك

انا قاري كتير الحمد لله ولاحظت ان فعلا العمرة متنفعش في المواتير دي ...وشكرا على رد حضرتك

**mahmoudfawzypr** · 23-10-2013 02:43 AM

المشاركة الأصلية كتبت بواسطة eraser

معلش ربنا يعينك
للاسف انا معرفش تاجر ثقة فى الحرفيين بس فيه ميكانيكى كويس فى جسر السويس ممكن تروحله وهوا ينزل معاك تجيبوا ماتور

انا انشاء الله حجيب ميكانيكي كويس يشوف موتور معايا .......شكرا لرد حضرتك

**mahmoudfawzypr** · 23-10-2013 02:46 AM

المشاركة الأصلية كتبت بواسطة mo3tazanas

قدر الله وما شاء فعل
بص بسيطة ان شاء الله هو الحكاية كلها هتتكلف حوالى من 5الف الى 5.5الف هتغير بلوك كامل وهيعمل حوالى 4000الف +مصنعيات +حبشتكنات هتعمل من الف الى الف ونص

فعلا الحكاية شكلها حتتكلف فعلا المبلغ ده ....انا اخدت ارقام بتوع مواتير من عند محمد سمير واتصلت بيهم والساعار كانت 4500 للبلوك والموتور كامل ب 5500 على ما اتذكر ...شكرا لرد حضرتك

**mahmoudfawzypr** · 23-10-2013 02:58 AM

المشاركة الأصلية كتبت بواسطة amrelsaqqa

شوف الموضوع ده هيفيدك جدا

http://www.nilemotors.net/nile/384516-a4.html

وكمان الموضوع ده
http://www.nilemotors.net/nile/343150-a4-6.html

بس انا ملاحظ ان الموتور ده مش معمر نهائى على طول اشوف عربيات اسكودا ايه فور وجولف جايبين مواتير .. !

ربنا يعينك ، وبسيطة ان شاء الله :)

شكرا جدا لحضرتك .......بس المواتير كويسة بس مشكلتها حاجة واحدة عايزة واحد يحافظ على العربية جدا وده مش موجود في مصر ... هنا في مصر طول ما العربية بتتحرك تبقى سليمة ولو وقفت يبقى فيها حاجة غلط

الموضوع: الحمد لله الموتور فوت

LinkBack

أدوات الموضوع

عرض

الحمد لله الموتور فوت - انشر الموضوع فى :

-

-

-

-

-

-

-

المواضيع المتشابهه

الحمد لله الموتور رزع برجاء المساعده يا رجالة العصابه

مشكله كبيييييييييره فى الموتور .. الحمد لله !

الحمد لله الموتور خفيف اضرارة ايه..؟؟؟

الحمد لله ربنا نجانى ...خمسة كانوا هيثبتونى ..الحمد لله

الحمد لله الذي رزقني هذا...الحمد لله استلمت انهارده..H

الكلمات الدلالية لهذا الموضوع

المفضلات

المفضلات

ضوابط المشاركة