سؤال فنى فى القياده

**mazenzyad** · 22-10-2013 02:26 AM

انا يوميا بمشى مطلع بالعربية بزاوية ارتفاع 45 لمسافة 50 متر . السؤال كالتالى :
الصعود بسرعة على الغيار التالت و السرعة 45 كم/س و ال rpm اتنين و نص و مفيش تصقيف فى الموتور و العربية بتستجيب ؟
و لا الصعود يكون بسرعة ابطأ 30 كم/س و ال rpm اتنين و نص برضو بس على الغيار التانى و مفيش تصقيف فى الموتور ؟
ايهما افضل لسلامة الموتور ؛ فيه رأى بيقول خد المطلع خطف بسرعة على الغيار التالت طالما العربية بتستجيب ؛ و الرأى الاخر بيقول اطلع المطلع بهدوء على الغيار التانى علشان الموتور ميخفش مع الوقت
ارجو الافادة من الخبراء . شكرا

**fares_311** · 22-10-2013 02:39 AM

lالسلام عليكم
هو المطلع مسافته قليله يعني 50 متر مأظنش تفرق

بس في المطالع الطويله اظن احسن تكون جاي بسرعتك وتطلع المطلع ومتزودش بنزين(يعني دوستك تكون ثابته) لأ تفضل تنزل بالغيار يعني انتا جاي على الخامس مثلا وماشي 120 وقدامك مطلع حتبتدي تطلع عليه طبعا سرعتك حتقل تقوم منزل غيار وتفضل طالع وتنزل غيار وهكذا حتى لو وصلت انك تطلع على التاني بس ولا إنك تفضل كابس على العربيه علشان تطلع......ده اللي اعرفه

**تامر.محمد** · 22-10-2013 02:39 AM

طالما مطلع يبقى خليك على الغيار الاقل و الrpm الاعلى نسبيا
يعني لو هاتطلعه على التاني و الrpm عندك 3500 او حتى 4000 يبقى احسن لعربيتك مما تكون طالع بrpm على 2500 او 2000 مثلا , خصوصا انها مسافة بسيطة
و ده احسن من انك تحط الوزن و الحمل ده على موتورك على rpm قليل

**svneleven** · 22-10-2013 07:18 AM

أظن طالما اموتور ما سقفش و مش مخنوق يبقي مش فارقة.

**amr011111** · 22-10-2013 09:04 AM

المشاركة الأصلية كتبت بواسطة mazenzyad

تصحيح
مسافة المطلع 150 متر و بادخل المطلع احيانا على الرابع بسرعة 60 كم/س ثم بانزل للتالت بسرعة 45كم/س و rpm اتنين و نص
يأما ادخل المطلع على التالت بسرعة 50 كم/س ثم بانزل للتانى بسرعة 30 كم/س و rpm اتنين و نص
عاوز الانسب لسلامة الموتور و عذرا على الخطا فى كتابة مسافة المطلع
فى الانتظار

اصلا الرابع على سرعة 60 مش هيبقى كويس معاك فى الطوالى هتاخد وقت عقبال ما العربيه توصله
انت لو جاى بسرعه يبقى خد المطلع على نفس الغيار حسيت سحب العربيه هيبقى بطىء تجيب الغيار الاقل

**تامر.محمد** · 22-10-2013 10:46 AM

المشاركة الأصلية كتبت بواسطة amr011111

اصلا الرابع على سرعة 60 مش هيبقى كويس معاك فى الطوالى هتاخد وقت عقبال ما العربيه توصله
انت لو جاى بسرعه يبقى خد المطلع على نفس الغيار حسيت سحب العربيه هيبقى بطىء تجيب الغيار الاقل

بس كده
بمعنى تاني , كمل على نفس غيارك بس لو لقيت الrpm هاينزل معاك اقل من 2 و نص او 2 , يبقى انزل غيار

**mazenzyad** · 22-10-2013 09:09 PM

المشاركة الأصلية كتبت بواسطة mhdeeb

اعتقد ان انت شغال صح ومفيش مشكلة وحتى لو مسافة المطلع 150متر فهو مطلع طوالى بدون ملفات واهم حاجة زى ما حضرتك بتعمل ان العربية لا تخسع او تسقف معاك انما انت عايز تعرف الطريقة الصح زى الكتاب ما بيقول ودة شئ كويس ياريت حد من الخبراء يقولنا الصح اية وخاصة ان في اوروبا عندهم مطالع طويلة وبيكون فيها ملفات ولذلك ممكن يطلع على التانى فعلا او الاول حتى المهم العربية تطلع مرتاحة

انتا كده فهمتنى . انا عاوز اقول ان من الممكن الطلوع على التالت و على التانى و فى الحالتين مش هتسقف العربية معاك لكن الفرق الوحيد هيكون السرعة .. علشان كده كنت محتاج اعرف اى الحالتين افضل من الناحية الميكانيكية للموتور