الموضوع: عربية زيرو متزيدش ثمنها عن ١٠٠٠٠٠ جينه

أنا فى نفس الموقف الايام دى
بندور على عربية لمراتى لا تزيد عن ١٠٠،٠٠٠
و محتاجينها تبقى اوتوماتيك
لغاية دلوقتى الاختيارات اللى شفناها اللى فى حدود السعر ده
رينو لوجان
رينو سانديرو
شيفروليه افيو
بى واي دى
فيرنا

لغاية دلوقتى ميال للوجان ، رغم ان البى واى دى شكلها عربية كويسة ، و كونها تاكسى معناها قطع غيار و تصليح متوفر

انا سمعت ان النيسان سني الشكل القديم ب ٩٥،٠٠٠ ، لكن سمير ريان امبارح قاللنا ١١٠،٠٠٠
لو سعر ٩٥،٠٠٠ صحيح تبقى من افضل الاختيارات

ياريت تبقى تقوللنا نويت على ايه

انا كنت بفكر فى بروتون ساجا ناس كتير شكرت فيها بس بيشتكوا من الوكيل وقطع الغيار ولانى بنت خايفة من حورات قطع الغيار بس العربية حلوة اوى

المشاركة الأصلية كتبت بواسطة rekoba

انا كنت بفكر فى بروتون ساجا ناس كتير شكرت فيها بس بيشتكوا من الوكيل وقطع الغيار ولانى بنت خايفة من حورات قطع الغيار بس العربية حلوة اوى

الساجا عربيه حلوه بجد
اخويا معاه ساجا مانيوال 2010 ماشيه 72 الف كيلو وممتازه
موتور قوي وثبات رائع وواسعه من جوه عيبها ان استهلاك بنزين عالي شويه رغم انها 1300 تقريبا زي استهلاك الافيو والشيفورليه ال 1500 لكن علي طريق السفر اقتصاديه في البنزين
قطع الغيار الاصليه موجوده في التوكيل واللي غير متوفر بيبعت يجيبه زي كل التوكيلات وفيه محلات كتير بتبيع قطع غيارها خارج التوكيل وفي بدائل كمان زي تيل فرامل الافيو بيركب عليها وفلتر بنزين الدايو ومساعدين الاكسنت بس عموما الحاجات دي معمره والعربيه موش بتحتاج قطع غيار قبل 100 الف حسب افاده الزملاء دا اذا احتاجت وفيه مراكز خدمه معتمده من التوكيل زي مركز عصام وصفا او امير وجوزيف مثلا
نسيت اقول ان سعر اعاده البيع متوسط بس موش سيء
اعتقد سعر المانيوال 83 الف والاتوماتيك 88 الف
بالتوفيق ان شاء الله

افضل اختيار هات بيجو قسط 301 او نيو اكسنت او كيا ريو اقرب ماليك بس في نظري افضلهم البيجو ادفع مقدم كبير فوق ال60 % وزود 20 الف جنيه وهتفرق معاك كتير اوي اوي

نيسان صنى ٢٠١٤ ب ١٠٩٠٠٠