الموضوع: موضوع يخص توكيل شيفروليه-كل مراكز الخدمه

يا شباب انا اتصلت اليوم بمركز خدمة شيفروليه معتمد يسمى (اخوان مقار),

المهم

سألت المركز عن تعديلات و تركيب اجهزة اريد عملها على سيارتي الافيو, و تكون التعديلات و الاجهزة المراد تركيبها في مركز الخدمه او التوكيل,

كانت الاجابة انه غير مسموح بتعديل او تركيب اي شيء في السياره داخل التوكيل, و اي شيء غريب عن السياره سيتم تركيبه سيخرج السياره من الضمان,

لقد كنت اسال عن امكانية تركيب حساس ركن (parking sensor) في السياره الافيو عندهم في التوكيل, لضمان حسن المصنعية و الحفاظ على بقاء السيارة في الضمان خاصه في ضمان الكهرباء و الضفيره,

يعني الخلاصة:
--------------
لا يسمح نهائيا بعمل اي تعديلات او تركيبات جديده على السياره, و لا يتم عمل تلك التركيبات داخل مراكز الخدمة و الصيانة او التوكيل ؟!!!!!!!!!!!!!!!

كنت عاوز اعرف تعليقاتكم و خبراتكم في الامر, و هل الكلام دا صحيح و لا مبالغ فيه,

يعني انا ممنوع من تعديل او تركيب اي جهاز داخل السياره, و في حالة رغبتي اضافة او تعديل او تطوير اي شيء على السيارة فسيكون خارج التوكيل و الضمان, و سأخسر الضمان بالكامل.

على فكره انا كنت ناوي اتحمل تكاليف التركيبات و المصنعية داخل التوكيل برغم غلوها المبالغ فيه فقط للحفاظ على السيارة و الضمان,
يعني بشتري راحتي و دماغي, لكن للاسف حتى كده موش نافع.

اعمل ايه ؟؟؟؟

المشاركة الأصلية كتبت بواسطة abou-yahia

بص اعمل اللي انت عايزه

هما بيتلككوا لو حصل حاجه فقط

يعني لو حصل مشكله في كهرباء العربيه حيكولك ديه خارج الضمان

الكلام ده في كل التوكيلات مش في منصور فقط

اانت بس اعمل دائه الفصل علي الريموت عندهم وديه هما بيعملوها عادي

وركب اللي اانت عايزه بره في مكان محترم ذي مثلا ادريان

طيب الحمد لله,
هجمد قلبي شويه و أعدل و أظبط الي انا عاوزه, و ربنا يستر,

هو انا كنت عاوز اركب في التوكيل علشان ضمان جودة المصنعية و التركيب فقط, و كنت هستحمل التكاليف لضمان الجودة فقط,
(يعني جحا اولى بلحم طوره)

انما لو في بديل ممتاز خارج التوكيل, و لن يتأثر الضمان هيكون تمام كده,

بس على فكره هما كده خسرانين في التوكيل, لان ممكن جدا يركبوا كل الي العملاء محتاجينه في التوكيل و داخل الضمان, و يكسبوا اكثر مع ضمان الجودة و الحفاظ على السيارة, و كمان يريحوا العملاء و يقدموا خدمه مميزه و منتجات و اكسسوار اكثر, و فلوس داخله لهم و كده يعني, و لا اعتقد انه ممكن تحصل مشاكل لما خبراء السياره هما الي يركبوا كل حاجه فيها, حتى من باب التجارب للتطوير في المستقبل.


انا عاوز أعرف محلات متخصصة في اكسسوار السياره ( الافيو ) تحديدا, و حتى في التوكيل لو فيه اكسسوار اصلي للافيو تحديدا فياريت حد يدلني.

اصل محسوبكوا جديد في الافيو و ما فيش غير اخواتي في المنتدى يدلوني و ينصحوني و يرشدوني.