واحد صاحبى بيشترى عربيه لسه عليها اقساط ومش عارف ايه الاجرائات الصح

**احمد المصرى** · 22-10-2013 05:04 PM

السلام عليكم

واحد صاحبى معروض عليه عربيه لانوس 2012 ولسه عليها اقساط حوالى 20 الف بس هو هيشتريها كاش وطبعا صاحبها هيخلص الاول مع البنك

المشكله ان صاحب العربيه عايز ياخد 62 الف جنيه اجمالى ثمن العربيه ويعمل عقد بيع ( العربيه طبعا باسم البنك ) ويمضى على وصل امانه بالمبلغ والعربيه كمان تكون معاه وبعد كدا يروح يخلص مع البنك وبعد كدا المرور ولما يخلص خالص يقابل صاحبى ( المشترى ) فى الشهر العقارى ياخد منه وصل الامانه ويعمله توكيل

صاحبى ( المشترى ) يطمن حقه اذاى عقد البيع انا قلتله انه ملوش قيمه لان العربيه مش باسم البايع اساسا

ثانيا :- وصل الامانه ملوش علاقه بالعربيه لان العربيه مع البائع والفلوس واحنا معانا وصل امانه فقد يعنى ممكن ياخد الفلوس وشكرا على كدا واحنا نشتكيه بوصل الامانه وندخل فى مشكله ومحاكم ملهاش اول مره اخر

**احمد المصرى** · 22-10-2013 06:48 PM

المشاركة الأصلية كتبت بواسطة ahmed metwaly

وصل الامانه في الوقت الحالي ملوش اي تلتين لزمه
لانك هتشتكي والمحكم هتحكم بعدها بسنه
قوله خلص البنك والمرور وتعالي وانا اشتري منك

انا قلت كدا برضوا

**saddam** · 22-10-2013 08:00 PM

صديقي المواطن
حتعوز نصيحة ولا حتعوز تسمع كلام كتير وكفته مفيش

إنت تاخد تلفون صاحبك وتمسح نمرة صاحب العربية دي ﻷن ده في عرفنا بنسميه حرامي قديم عالخط عايز ياخد فلوس كاملة ليه لو كان صادق كان أخذ فقط العشرين بتوع البنك وتروحه معاه وعقد إبتدائي وعليه بصمة وشهود

ملحوظة وصل اﻷمانة بيتأخر فعلا ولكنه لما بيتمسك بعد سنة بعد سنتين حييجي يبوسوا تراب رجليك

أما النصيحة النهائية فبلاش من العربية دي وتاخدلك عربية من السوق فوق منها ب 5 آلاف أشرفلك خصوصا إن مخالصة بعض البنوك التافهة قد تصل لشهور زي سي آي بي
وبالتوفيق وإلى اﻷمام ومن نصر إلى نصر ودمتم للنضال

**احمد المصرى** · 22-10-2013 11:20 PM

المشاركة الأصلية كتبت بواسطة saddam

صديقي المواطن
حتعوز نصيحة ولا حتعوز تسمع كلام كتير وكفته مفيش

إنت تاخد تلفون صاحبك وتمسح نمرة صاحب العربية دي ﻷن ده في عرفنا بنسميه حرامي قديم عالخط عايز ياخد فلوس كاملة ليه لو كان صادق كان أخذ فقط العشرين بتوع البنك وتروحه معاه وعقد إبتدائي وعليه بصمة وشهود

هههههههههههههههه

شكرا يا باشا على النصيحه بس عقد ابتدائى اذاى والعربيه عليها حظر بيع واحتمال تكون باسم البنك والله اعلم اذاى هنعمل عقد اعتقد والله اعلم هيكون عقد باطل لانه بيبيع حاجه مش بتاعته

ملحوظة وصل اﻷمانة بيتأخر فعلا ولكنه لما بيتمسك بعد سنة بعد سنتين حييجي يبوسوا تراب رجليك

صاحبى مش عايز يدخل فى مشاكل وحوارات هو عايز يشترى عربيه محترمه وبس

أما النصيحة النهائية فبلاش من العربية دي وتاخدلك عربية من السوق فوق منها ب 5 آلاف أشرفلك خصوصا إن مخالصة بعض البنوك التافهة قد تصل لشهور زي سي آي بي
وبالتوفيق وإلى اﻷمام ومن نصر إلى نصر ودمتم للنضال

هو بنك المشرق على ما اعتقد والله اعلم وهو بيقول ان المخاله بتاخد اسبوع بالكتير والله اعلم والف شكر على كلامك ونصيحتك

**احمد المصرى** · 23-10-2013 08:34 AM

المشاركة الأصلية كتبت بواسطة hacker5

صاحبك لازم ياخد العربية معاه
وصل الامانة مالوش لازمة
لازم العربية تبقى مع صاحبك لان العربية ضامنة نفسها
لحد ما هو يجبلك رخصة خالصة معاليهاش حظر بيع
و يديك المفتاح التانى و تروح الشهر العقارى يعملك توكيل او تسجل العربية
اعمل عقد ابتدائى عادى جدا و بكدة انت هاتكون مكتفه لانه كدة بايع حاجة مش بتاعته و ممكن تحبسه
لو الراجل مصمم العربية تبقى معاه يبقى فكك منه و العربيات كتير مش لازم دى
انا اشترت قبل كدة عربية عليها اقساط بنفس الطريقة و العربية كانت معايا لحد ما صاحبها راح البنك و دفع الباقى و جابلى رخصة بدون حظر بيع
ماتخليش صاحبك يدفع 62 الف فى الهوا

تسلم يا باشا ربنا يخليك والموضوع دا اخد معاك كام يوم من ساعه لما دفعت الفلوس واخد العربيه لحد لما جابلك الرخصه من غير حزر بيع

وهل ندفع الفلوس كلها ونستلم العربيه

**A.Saad** · 23-10-2013 11:23 AM

الاول العربية تبقى مع صاحبك والمفتاحين وتبات فى مكان غير عنوانه لو مع البائع
الموضوع بياخد حوالى 3 ايام من البنك
والافضل صاحبك يروح معاه
الضرر لو الراجل لعب مش هتعرف ترخص العربية

**husseinoo** · 25-10-2013 12:49 AM

كبر دماغك العربيات كثيير

افحص العربية بواسطة الميكانيكى والسمكرى ولما تتأكد انها سليمة ومية مية
ادفع عربون صغير قوى
واكشف على العربية فى المرور ملف ورخصة ورقم الشاسيه والموتور

وروح معاه المرور
وخد شهادة البيانات
والمخالفات
وعقد موثق
والرخصة سارية

وسيبك من موضوع التوكيلات خالص

وانقل ملكية على طول

والافضل تشترى عربية من واحد معرفة ومن مرور محترم

يعنى مثلا تغور العربية لو كانت مرور السلام

واهلا وسهلا لو كانت مرور مصر الجديدة او مدينة نصر

مع اطيب التمنيات
اخوكم حسين غزالة

-

-

الموضوع: واحد صاحبى بيشترى عربيه لسه عليها اقساط ومش عارف ايه الاجرائات الصح

LinkBack

أدوات الموضوع

عرض

واحد صاحبى بيشترى عربيه لسه عليها اقساط ومش عارف ايه الاجرائات الصح - انشر الموضوع فى :

-

-

-

-

-

المواضيع المتشابهه

تصريح العربيه هيخلص ومش عارف ايه الاجرائات

مساعدة (واحد عاوز يبيع عربيتة و لسا باقي عليها اقساط)

واحد قريبى بيشترى شقه فى اسكندريه وخايف يتنصب عليه

ازاي اشتري عربيه عليها اقساط !!! برجاء المساعده

عايز عربيه قسط او عليها اقساط

الكلمات الدلالية لهذا الموضوع

المفضلات

المفضلات

ضوابط المشاركة