اونو ام سيينا

**sally_said21** · 23-10-2013 01:33 AM

السلام عليكم ورحمة الله وبركاته
انا اول مرة اشارك هنا لكنى عاجبنى مشاركات حضراتكم جدا وعايزة بخبرة حضراتكم اسالكم على شوية حاجات عن الفيات لانى بدور على عربية ولسة مش لاقية حاجة كويسة
انا اصلا كنت بدور على اونو ايطالى كاربراتير بحالة نضيفة بس للاسف كلهم موديل 93 و 94 وحالتهم تعبانة فقولت خلاص مش شرط الكربراتير واتجه للانجيكشن مع ان اغلب الناس خوفونى منه وقالولى ان مشاكله كتيرة فدورت فى الاونو الاعلى موديل 2000 و2002 مع العلم انهم بولندى مش ايطالى
وفى الاخر قولت طيب ازود شوية فى الفلوس واشوف سيينا وخلاص واهو تبقى مكيفة واحسن برضه مع العلم انى بفضل الهاتش باك بس دورت والنهاردة شوفت واحده سيينا 2002 -1600 سي سي كانت عاملة 35000 وحالتها معقولة بس انا الرينج اللى حاطاه مش واصل للسعر ده للاسف
دورت برضه فى الاوبل بس اعلى وعرفت ان قطع الغيار اغلى
يعنى معايا 31000 تنصحونى اجيب اية بالمبلغ ده وياربت اللى يعرف حد بيبيع عربية نضيفة فى الرينج ده فى اسكندرية يقولى
وشكرا ليكم جميعا

**prosecutor** · 23-10-2013 02:56 AM

سوزوكى سويفت هيونداى اكسيل عربيات ناعمة وعملية ومتوفر قطع غيارهم اسكودا فليشيا ودى هاتشباك وكربراتير وحمالة اسية بس عيبها انها خشنه شوية مش بنعومة اليابانى وفيه اختيار كويس فيات بونتو هاتشباك وعربية جميلة
المهم فى كل دول الحالة ثم الحالة ثم الحالة اى عربية نظيفة هتجيبها هتريحك ان شاء الله المهم حالتها تكون كويسة
وبالنسبة للسينا ال 1400 افضل

**sally_said21** · 23-10-2013 03:20 AM

شكرا ليك بس ممكن متوسط اسعار الانواع اللى حضرت قولت عليهم ولو فى ادامك حاجة كويسة فى اسكندرية ياريت تقولى

**aw2100** · 25-10-2013 12:31 AM

خليك فى الألمانى عربيات قوية ومصفحة وحمالة اسية عندك سكودا فليشيا وجولف2 والأبيزا عربيات من الأخر وفى حدود 35000 ومبروك على العربية الجديدة !!

**sally_said21** · 26-10-2013 01:27 AM

المشاركة الأصلية كتبت بواسطة flamingo

السلام عليكم
نصيحة... فى حدود الفلوس اللى معاك هات أبيزا بس لازم تكون نضيفة ( دواخل ) ودة اختيار مناسب ومريح ... عن تجربة .. وربنا يوفقك

شكرا جزيلا على الرد فعلا ابتديت ادور الان فى الابيزا وبكرة ان شاء الله هشوف كذا واحدة ادعيلى ربنا يوفقنى بحاجة كويسة

**hosnybib** · 26-10-2013 06:42 AM

خليكى فى الاسكودا أحسن عربيه معقوله بس الرك على الحاله بتاعتها

**sally_said21** · 26-10-2013 01:40 PM

المشاركة الأصلية كتبت بواسطة hosnybib

خليكى فى الاسكودا أحسن عربيه معقوله بس الرك على الحاله بتاعتها

بس معلوماتى عن الاسكودا الفليشيا انها بتسخن بسرعة وفيها مشكلة دايمة مع السخونة

**aw2100** · 26-10-2013 11:21 PM

المشاركة الأصلية كتبت بواسطة sally_said21

بس معلوماتى عن الاسكودا الفليشيا انها بتسخن بسرعة وفيها مشكلة دايمة مع السخونة

حكاية سخونة الفليشيا دى اشاعة الموضوع كله مراعات صيانة دورة التبريد بس وعمر الموتور مايسخن بس هو عيب الفليشيا انها مش عملية مع التكييف علشان الموتور 1300 فلو عاوزة عربية مكيفه خليك فى الجولف او الأبيزا ولو معاك ميزانية اكبر من ال40000 دورى على بولو
انتى عاوزة عربية فى حدود سعر كام ؟؟