نصيحه فى شراء عربيه فيات 131 او ريجاتا

**fido2121** · 23-10-2013 02:34 AM

السلام عليكم
عاوز نصحيتكم ياشباب فى شراء عربيه
انا لسه بتعلم سواقه ودى اول عربيه وكان نفسى ابتدى بالهيونداى الاكسنت ولكن مقدرتش على تمنها
ليا ابن عمى خد فتره شغال تجارى فبيع وشراء العربيات وخصوصا الفيات
نصحنى وقالى بلاش الهيونداى لو انت قادر على تمنها مش لانها وحشه ولكن انت بتبتدى جديد فالسواقه
واى حاجه فيها هتعيط جنبها لانك هتدفع الي معاك كله فيها ودا غلط
قالى انصحك بال 131 يأما الرجاتا وقالى بالاخص 131
ولو مش عاوز تتدفع كثير يبقى 131 2 باب قالى هخدك وننزل السوق اجبهالك على 10... 12 الف وتبقى نظبطها على مهلنا
انا عاوز نصيحتكم الاول تانى حاجه انا قلقان من ثقته (بس هوا خد خمس سنين بيع وشرا لغايه لما اتكحرت )
انا اعرف انك لازم يبقى معاك ميكانيكى حود تانى يبصلك على الخبطات والسمكره

ياريت تفيدونى ياشباب

**saddam** · 23-10-2013 05:03 AM

صديقي المواطن
سيبك من ال 131 إن كان ولا بد من اﻷخت فيات فعليك بال 132 وبلاش البابين دي
أما لو مش حتثق في إبن عمك وزي مبتقول إتكحرت في السوق فأنصحك قولا واحدا تعلن إعتزالك من العيلة وتتبرا من العيلة وتعيش مرتاح وسعيد
وبالتوفيق وإلى اﻷمام ومن نصر إلى نصر
ودمتم للنضال
إبن عمك لو مش ينصحك صح أمال اﻷسطة صنقر واﻷسطة بلية حيعملوا فيك إيه صديقي المواطن إسمحلي أقلك إنت إنتهيت خلاص

**أحمد جودة** · 23-10-2013 10:13 AM

أختيار الـ 131 أو الريجاتا اختيار معقول .......... طيب سؤال لية متعملش زي ما أنا عملت اشتريت عربيتي واتعلمت عليها والحمد لله محافظ عليها وكلة مقدر ومكتوب ومفيش مفر من القدر ........ ممكن تبقي متمكن وصايع سواقة وتخبط العربية خبطة تجيب اجلها ....... توكل على الله وهات العربية اللى نفسك فيها وربنا يسترها عليك وعلينا اللهم أمين

**أحمد جودة** · 23-10-2013 03:36 PM

المشاركة الأصلية كتبت بواسطة fido2121

saddam
باشا شكرا . بس انت قفلتنى

احمد جوده
شكرا ياباشا .. اخبار الاسكودا معاك ايه

زي أى عربية معقولة جدا حمالة اسية اعطالها بقت سهلة وبسيطة بالنسبالي

الحمد لله كويسة اعتمادية قطع غيار معقولة

لو عاوز تعرف تفاصيل اكتر ادخل القسم بتاعنا

**aw2100** · 25-10-2013 12:16 AM

بلاش الريجاتا ولا ال 132 عربيات قطع غيارها غالية ومش متوفرة
خليك فى 127 - 131 - 124- 125 اللادا القديم 1500 - 1200 او 2105 او لادا سمارا ودول فى حدود 20 الف
ولو معاك مبلغ فى حدود ال30 الف يبقى فليشيا او جولف او اونو او ماروتى
وانصحك تشترى عربية كويسة مرة واحدة وتحافظ عليها علشان شراء وبيع تخسر فية كتير
ومبروك على العربية الجديدة !!